![ABP Premium](https://cdn.abplive.com/imagebank/Premium-ad-Icon.png)
IPL 2024: આજે ફાઇનલ પહેલા અમેરિકાનું આ પૉપ્યૂલર બેન્ડ કરશે સ્ટેજ પરફોર્મ, ક્લૉઝિંગ સેરેમનીમાં જમાવશે રંગારંગ
American Band In IPL 2024 Closing Ceremony: IPL 2024ની ફાઈનલ મેચ આજે 26 મે, રવિવારે કોલકાતા નાઈટ રાઈડર્સ અને સનરાઈઝર્સ હૈદરાબાદ વચ્ચે રમાશે. ચેન્નાઈના એમએ ચિદમ્બરમ સ્ટેડિયમમાં ટાઈટલ મેચ રમાશે
![IPL 2024: આજે ફાઇનલ પહેલા અમેરિકાનું આ પૉપ્યૂલર બેન્ડ કરશે સ્ટેજ પરફોર્મ, ક્લૉઝિંગ સેરેમનીમાં જમાવશે રંગારંગ IPL 2024 Closing Ceremony Presentation starts at today ipl 2024 american band imagine dragons will perform kkr vs srh IPL 2024: આજે ફાઇનલ પહેલા અમેરિકાનું આ પૉપ્યૂલર બેન્ડ કરશે સ્ટેજ પરફોર્મ, ક્લૉઝિંગ સેરેમનીમાં જમાવશે રંગારંગ](https://feeds.abplive.com/onecms/images/uploaded-images/2024/05/26/84ff79fe8cf247f1ce0cf672fa0d805d171669850419277_original.jpg?impolicy=abp_cdn&imwidth=1200&height=675)
American Band In IPL 2024 Closing Ceremony: IPL 2024ની ફાઈનલ મેચ આજે 26 મે, રવિવારે કોલકાતા નાઈટ રાઈડર્સ અને સનરાઈઝર્સ હૈદરાબાદ વચ્ચે રમાશે. ચેન્નાઈના એમએ ચિદમ્બરમ સ્ટેડિયમમાં ટાઈટલ મેચ રમાશે. મેચ પહેલા ક્લૉઝિંગ સેરેમની યોજાશે, જેમાં અમેરિકન રૉક બેન્ડ 'ઇમેજિન ડ્રેગન'નું પરફોર્મન્સ જોવા મળશે. અમેરિકન બેન્ડ સમાપન સમારોહમાં માહોલ જમાવશે.
'ઇમેજિન ડ્રેગન' દ્વારા માહિતી આપવામાં આવી હતી કે તેઓ IPLના ક્લૉઝિંગ સેરેમનીમાં પરફોર્મ કરશે. બેન્ડના મુખ્ય ગાયક ડેન રેનોલ્ડ્સે સ્ટાર સ્પોર્ટ્સ વીડિયોમાં કહ્યું હતું કે તે IPL 2024ના સમાપન સમારોહમાં હાજર રહેશે. આ સિવાય તેણે વિરાટ કોહલીને ક્રિકેટનો GOAT પણ કહ્યો હતો.
'ઇમેજિન ડ્રેગન' આ પહેલા 2023માં ભારતની મુલાકાતે આવી હતી, જ્યાં તેણે મુંબઈમાં એક મ્યૂઝિક ફેસ્ટિવલમાં પરફોર્મ કર્યું હતું. આ બેન્ડનું IPL સાથે ખૂબ જ ખાસ જોડાણ છે. બેન્ડની શરૂઆત આઈપીએલની જેમ 2008માં થઈ હતી.
આ રીતે કેકેઆર અને હૈદરાબાદે ફાઇનલમાં બનાવી જગ્યા
નોંધનીય છે કે કોલકાતા નાઈટ રાઈડર્સે લીગ સ્ટેજને પોઈન્ટ ટેબલમાં નંબર વન પર સમાપ્ત કર્યું હતું, જ્યારે સનરાઈઝર્સ હૈદરાબાદ બીજા સ્થાને હતું. બંને વચ્ચે પહેલી ક્વૉલિફાયર રમાઇ હતી, જેમાં કોલકાતાએ જીત મેળવીને ફાઇનલમાં જગ્યા બનાવી હતી.
આ પછી, હૈદરાબાદે રાજસ્થાન રોયલ્સ સામે બીજી ક્વૉલિફાયર રમી, જેણે એલિમિનેટર મેચમાં રોયલ ચેલેન્જર્સ બેંગ્લોરને હરાવ્યું. હૈદરાબાદે રાજસ્થાનને બીજા એલિમિનેટરમાં હરાવી ફાઇનલમાં જગ્યા બનાવી લીધી. હવે બંને ટીમો ટાઈટલ માટે ફાઈનલ મેચમાં આમને સામને ટકરાશે.
કોલકાતાની નજર તેના ત્રીજા ટાઇટલ તરફ રહેશે. આ પહેલા કેકેઆરએ 2012 અને 2014માં ટ્રોફી જીતી હતી. ગૌતમ ગંભીરની કેપ્ટનશીપમાં ટીમે બંને ટ્રોફી જીતી હતી. બીજીતરફ હૈદરાબાદે તેની પ્રથમ ટ્રોફી 2016માં જીતી હતી. હૈદરાબાદે ડેવિડ વોર્નરની કેપ્ટનશીપમાં આ ખિતાબ જીત્યો હતો. હૈદરાબાદે ફાઇનલમાં રોયલ ચેલેન્જર્સ બેંગ્લોરને હરાવ્યું હતું.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)