IPL 2026 પોઈન્ટ ટેબલ: દિલ્હી સામે હૈદરાબાદની જીતથી મોટો ફેરફાર, જાણો પ્લેઓફના દાવેદાર કોણ?

IPL 2026 Points Table: સનરાઈઝર્સ હૈદરાબાદે દિલ્હી કેપિટલ્સને હરાવીને ત્રીજું સ્થાન મેળવ્યું. પંજાબ કિંગ્સ હજુ પણ ટેબલમાં ટોપ પર છે, જ્યારે મુંબઈ અને ચેન્નાઈની હાલત ખરાબ.

ipl 2026 points table update after srh win over dc playoff contenders

Source : તસવીર સોશિયલ મીડિયા

Show Quick Read

Key points generated by AI, verified by newsroom

• સનરાઈઝર્સ હૈદરાબાદે દિલ્હી કેપિટલ્સને હરાવી ત્રીજું સ્થાન મેળવ્યું.
• પંજાબ કિંગ્સ 11 પોઈન્ટ સાથે પોઈન્ટ ટેબલમાં ટોચ પર.
• RCB, SRH, RR 8 પોઈન્ટ સાથે પ્લેઓફની રેસમાં.
• KKR 3 પોઈન્ટ સાથે છેલ્લા, બાકીની મેચો જીતવી પડશે.

IPL 2026 Points Table: IPL 2026 હવે એક રોમાંચક વળાંક પર પહોંચી ગયું છે. તાજેતરમાં રમાયેલી 31મી મેચમાં સનરાઈઝર્સ હૈદરાબાદે (SRH) દિલ્હી કેપિટલ્સને (DC) 47 રનથી હરાવીને પોઈન્ટ ટેબલમાં ધમાકેદાર એન્ટ્રી સાથે ત્રીજું સ્થાન કબજે કરી લીધું છે. આ મેચ પછી પોઈન્ટ ટેબલના સમીકરણોમાં મોટા ફેરફારો જોવા મળ્યા છે. પંજાબ કિંગ્સ (PBKS) હજુ પણ અજેય રહીને પહેલા નંબરે છે, જ્યારે મુંબઈ, ચેન્નાઈ અને કોલકાતા જેવી મોટી ટીમો સંઘર્ષ કરી રહી છે. તો ચાલો જાણીએ કે આ જીત પછી કઈ ટીમ કયા સ્થાને છે અને પ્લેઓફમાં પહોંચવાની કોની કેટલી તકો છે.

પોઈન્ટ ટેબલની ટોપ 4 ટીમોની સ્થિતિ

પોઈન્ટ ટેબલમાં અત્યારે પંજાબ કિંગ્સનો દબદબો છે. પંજાબ આ સીઝનની એકમાત્ર એવી ટીમ છે જેણે હજુ સુધી એક પણ મેચ ગુમાવી નથી. તેમણે 6 માંથી 5 મેચ જીતી છે અને 1 મેચ રદ થઈ હતી. એટલે 11 પોઈન્ટ અને +1.420 ના શાનદાર નેટ રન રેટ સાથે પંજાબ પહેલા સ્થાને છે.

બીજા નંબરે રોયલ ચેલેન્જર્સ બેંગ્લોર (RCB) છે, જેણે 6 માંથી 4 મેચમાં જીત મેળવીને 8 પોઈન્ટ એકઠા કર્યા છે અને તેમનો નેટ રન રેટ +1.171 છે. દિલ્હીને હરાવ્યા પછી સનરાઈઝર્સ હૈદરાબાદ (સળંગ ત્રીજી જીત સાથે) હવે 7 માંથી 4 જીત સાથે ત્રીજા સ્થાને આવી ગયું છે. ચોથા નંબરે રાજસ્થાન રોયલ્સ (RR) છે, જેના પણ 8 પોઈન્ટ છે (6 માંથી 4 જીત), પરંતુ હૈદરાબાદનો નેટ રન રેટ (+0.820) રાજસ્થાન (+0.599) કરતા સારો હોવાથી હૈદરાબાદ ત્રીજા અને રાજસ્થાન ચોથા સ્થાને છે.

5 થી 10માં સ્થાન પર કોણ છે?

દિલ્હી કેપિટલ્સ પોતાની 6 મેચમાંથી 3 જીતી છે અને 3 હારી છે, જેથી તે 6 પોઈન્ટ અને  0.130 ના નેટ રન રેટ સાથે પાંચમા સ્થાને છે. ગુજરાત ટાઇટન્સની (GT) હાલત પણ દિલ્હી જેવી જ છે (3 જીત, 3 હાર), પરંતુ  0.821 ના નેટ રન રેટના કારણે તે છઠ્ઠા નંબરે છે.

મુંબઈ ઇન્ડિયન્સ (MI), ચેન્નાઈ સુપર કિંગ્સ (CSK) અને લખનૌ સુપર જાયન્ટ્સ (LSG) માટે આ સીઝન થોડી નિરાશાજનક રહી છે. આ ત્રણેય ટીમો 6 માંથી માત્ર 2 મેચ જીતી શકી છે અને 4 માં તેમને હારનો સામનો કરવો પડ્યો છે. નેટ રન રેટના આધારે મુંબઈ (+0.067) સાતમા, ચેન્નાઈ ( 0.780) આઠમા અને લખનૌ ( 1.171) નવમા સ્થાને છે. સૌથી ખરાબ હાલત કોલકાતા નાઈટ રાઇડર્સની (KKR) છે, જે 7 માંથી 5 મેચ હારી ચૂક્યું છે. 1 જીત અને 1 રદ થયેલી મેચ સાથે તેમના માત્ર 3 પોઈન્ટ છે અને તે 10મા એટલે કે છેલ્લા સ્થાને છે.

પ્લેઓફમાં પહોંચવાના મજબૂત દાવેદાર કોણ?

પંજાબ કિંગ્સ: પ્લેઓફની રેસમાં અત્યારે સૌથી મજબૂત સ્થિતિમાં છે. 10 પોઈન્ટનો આંકડો પાર કરનારી તે એકમાત્ર ટીમ છે. તેમની પાસે 8 મેચ બાકી છે અને જો તેઓ માત્ર 3 મેચ જીતી લેશે તો તેમનું પ્લેઓફનું સ્થાન પાકું થઈ જશે.

RCB, SRH અને RR: આ ત્રણેય ટીમોના 8 8 પોઈન્ટ છે. તેમને પોતાની સ્થિતિ મજબૂત કરવા માટે ઓછામાં ઓછી બીજી 4 મેચો જીતવી પડશે.

દિલ્હી અને ગુજરાત: આ બંને ટીમોને પ્લેઓફમાં જગ્યા બનાવવા માટે વધુ 5 મેચ જીતવી પડે તેમ છે.

MI, CSK અને LSG: આ ટીમો માટે હવે લગભગ કરો યા મરો જેવી સ્થિતિ છે. તેમને પ્લેઓફની રેસમાં ટકી રહેવા માટે ઓછામાં ઓછી 6 મેચ જીતવી પડશે.

કોલકાતા નાઈટ રાઇડર્સ: KKR માટે રસ્તો સૌથી અઘરો છે. તેમને પ્લેઓફની આશા જીવંત રાખવા માટે પોતાની બાકીની તમામ 7 મેચો ફરજિયાત જીતવી પડશે, જે ઘણું મુશ્કેલ કામ છે.

આ પણ વાંચો

IPL 2026: ચેન્નાઈના ફેન્સ માટે મોટા સમાચાર, આ ટીમ સામેની મેચમાં થશે 'થાલા' ધોનીની એન્ટ્રી!