IPL: સૌથી ઝડપી 100 સિક્સર ફટકારવામાં નિકોલસ પૂરને ક્રિસ ગેઈલને પાછળ છોડ્યો
ઈન્ડિયન પ્રીમિયર લીગમાં દર વર્ષે રેકોર્ડ બને છે અને તૂટે છે. જો આપણે IPL 2024 પર નજર કરીએ તો લગભગ દરેક મેચમાં કોઈને કોઈ ખેલાડી નવા રેકોર્ડ બનાવી રહ્યા છે.
IPL 2024: ઈન્ડિયન પ્રીમિયર લીગમાં દર વર્ષે રેકોર્ડ બને છે અને તૂટે છે. જો આપણે IPL 2024 પર નજર કરીએ તો લગભગ દરેક મેચમાં કોઈને કોઈ ખેલાડી નવા રેકોર્ડ બનાવી રહ્યા છે. 2 એપ્રિલના રોજ યોજાયેલી RCB vs LSG મેચમાં નિકોલસ પૂરને તેની IPL કરિયરમાં 100 સિક્સર પૂરી કરી છે. આમ કરવામાં તેણે ઘણા દિગ્ગજોને પાછળ છોડી દીધા છે. પુરને રોયલ ચેલેન્જર્સ બેંગ્લોર સામે માત્ર 21 બોલમાં 40 રનની તોફાની ઈનિંગ રમી હતી, જે દરમિયાન તેણે માત્ર 1 ફોર અને 5 સિક્સર ફટકારી હતી. નિકોલસ પૂરન હવે એવા ખેલાડીઓની યાદીમાં સામેલ થઈ ગયો છે જેણે આઈપીએલમાં 1 હજારથી ઓછા બોલમાં 100 સિક્સર ફટકારી છે.
સૌથી ઓછા બોલ રમતી વખતે 100 છગ્ગા
IPLમાં સૌથી ઓછા બોલ રમીને 100 સિક્સર પુરી કરવાનો રેકોર્ડ આન્દ્રે રસેલના નામે છે. રસેલે પોતાની કારકિર્દીમાં માત્ર 658 બોલ રમીને IPLમાં 100 સિક્સર પૂરી કરી હતી. આન્દ્રે રસેલે ઈન્ડિયન પ્રીમિયર લીગમાં અત્યાર સુધીમાં કુલ 200 સિક્સર ફટકારી છે. રસેલ KKR માટે 200 છગ્ગા પૂરા કરવાથી માત્ર 3 હિટ દૂર છે.
આ લિસ્ટમાં આન્દ્રે રસેલ પછી નિકોલસ પૂરન બીજું સ્થાન મેળવ્યું છે. પૂરન 2019 થી આઈપીએલમાં રમી રહ્યો છે અને તેણે 100 સિક્સર પૂરી કરવા માટે 884 બોલ રમ્યા છે. પુરને તેની IPL કરિયરમાં 65 મેચમાં 103 સિક્સર ફટકારી છે. પૂરને IPL 2024માં અત્યાર સુધી માત્ર 3 મેચમાં 12 સિક્સર ફટકારી છે.
ઈન્ડિયન પ્રીમિયર લીગના ઈતિહાસમાં અત્યાર સુધી સૌથી વધુ સિક્સર ફટકારનાર ખેલાડી ક્રિસ ગેઈલે 100 સિક્સર પૂરી કરવા માટે 944 બોલ રમ્યા હતા. ગેલે તેની IPL કરિયરમાં 357 સિક્સર ફટકારી હતી જે પોતાનામાં એક રેકોર્ડ છે. આ લીગમાં અત્યાર સુધીમાં 300 થી વધુ સિક્સર મારનાર ગેઈલ એકમાત્ર ખેલાડી છે.
લખનૌ સુપર જાયન્ટ્સે રોયલ ચેલેન્જર્સ બેંગ્લોરને 182 રનનો ટાર્ગેટ આપ્યો છે. ટોસ હાર્યા બાદ પ્રથમ બેટિંગ કરતા લખનૌએ 20 ઓવરમાં પાંચ વિકેટ ગુમાવીને 181 રન બનાવ્યા હતા. નિકોલસ પુરને 21 બોલમાં એક ફોર અને પાંચ સિક્સરની મદદથી 40 રનની ઇનિંગ રમી હતી. લખનૌએ છેલ્લી પાંચ ઓવરમાં બે વિકેટ ગુમાવીને 50 રન બનાવ્યા હતા. જેમાં 19મી ઓવરમાં 20 રન અને 20મી ઓવરમાં 13 રન સામેલ છે.
https://t.me/abpasmitaofficial
ટોપ સ્ટોરી
ટ્રેન્ડિંગ સમાચાર
