IPL 2025 માં આ 5 ટીમોના કેપ્ટન બદલાઇ જશે ? KKR અને GT માં અય્યર અને ગીલ પાસેથી છીનવાશે કમાન ?
IPL 2025 Five Teams Captain Change Might Possible: IPL 2025માં ઘણી ટીમોમાં મોટા ફેરફારો જોવા મળે તેવી અપેક્ષા છે. 2025માં રમાનારી IPL પહેલા એક મેગા ઓક્શન થવાની છે
IPL 2025 Five Teams Captain Change Might Possible: IPL 2025માં ઘણી ટીમોમાં મોટા ફેરફારો જોવા મળે તેવી અપેક્ષા છે. 2025માં રમાનારી IPL પહેલા એક મેગા ઓક્શન થવાની છે, જેમાં ખેલાડીઓ એક ટીમમાંથી બીજી ટીમમાં જશે તે લગભગ નિશ્ચિત છે. આ સિવાય ઘણી ટીમોના કેપ્ટન પણ બદલાતા જોવા મળી શકે છે. શુભમન ગીલની જેમ ગુજરાત ટાઇટન્સ (જીટી)ની કેપ્ટનશીપ ગુમાવી શકે છે. આ સિવાય આઈપીએલ 2024નો ખિતાબ જીતનારા શ્રેયસ અય્યર પાસેથી કોલકાતા નાઈટ રાઈડર્સ (KKR)ની કમાન પણ છીનવાઈ શકે છે. અમે તમને એવી 5 ટીમો વિશે જણાવીશું જેના કેપ્ટન બદલાઇ શકે છે.
1- ગુજરાત ટાઇટન્સ (શુભમન ગીલ)
શુભમન ગીલે IPL 2024માં ગુજરાત ટાઇટન્સની કમાન સંભાળી હતી. હાર્દિક પંડ્યા બાદ ગીલને આ જવાબદારી સોંપવામાં આવી છે. જોકે, ગીલ કેપ્ટનશીપની બાબતમાં વધુ અસર છોડી શક્યો ન હતો. તેની કેપ્ટનશીપમાં ટીમ પ્લેઓફ માટે ક્વૉલિફાય કરી શકી ન હતી. ગીલની કેપ્ટનશીપવાળી ગુજરાત ટાઇટન્સ પોઈન્ટ ટેબલમાં 7મા ક્રમે છે.
2- કોલકત્તા નાઇટ રાઇડર્સ (શ્રેયસ અય્યર)
કોલકાતા નાઈટ રાઈડર્સે શ્રેયસ અય્યરની કેપ્ટનશીપ હેઠળ આઈપીએલ 2024નો ખિતાબ જીત્યો હતો. જોકે આ પછી પણ શ્રેયસ અય્યર પાસેથી સુકાનીપદ છીનવી લેવાના દાવા કરવામાં આવી રહ્યા છે. ઘણા મીડિયા રિપોર્ટ્સમાં એવો દાવો કરવામાં આવ્યો છે કે કેકેઆરએ મુંબઈ ઈન્ડિયન્સ તરફથી રમતા સૂર્યકુમાર યાદવને કેપ્ટનશિપની ઓફર કરી છે. જોકે આ અંગે કોઈ સત્તાવાર માહિતી સામે આવી નથી.
3- પંજાબ કિંગ્સ (શિખર ધવન)
શિખર ધવન IPL 2024માં પંજાબ કિંગ્સની કમાન સંભાળતો જોવા મળ્યો હતો. જોકે, ધવને થોડા દિવસ પહેલા જ આંતરરાષ્ટ્રીય અને સ્થાનિક ક્રિકેટમાંથી નિવૃત્તિની જાહેરાત કરી હતી. આવી સ્થિતિમાં આગામી IPLમાં પંજાબ કિંગ્સમાં નવો કેપ્ટન જોવા મળશે તે નિશ્ચિત છે.
4- લખનઉ સુપર જાયન્ટ્સ (કેએલ રાહુલ)
KL રાહુલે IPL 2024માં લખનઉ સુપર જાયન્ટ્સની કમાન સંભાળી હતી. લખનઉએ 2022માં આઈપીએલની શરૂઆત કરી હતી અને ત્યારથી કેએલ રાહુલ ટીમના કેપ્ટન છે. 2024 IPLમાં રાહુલ અને ટીમના માલિક સંજીવ ગોએન્કા વચ્ચે કેટલીક ચર્ચા જોવા મળી હતી. આ પછી ન્યૂઝ મીડિયા રિપોર્ટ્સમાં દાવો કરવામાં આવ્યો હતો કે રાહુલને આગામી સિઝનમાં કેપ્ટન પદેથી હટાવી શકાય છે. જો કે હજુ સુધી કોઈ સત્તાવાર માહિતી સામે આવી નથી.
5- રૉયલ ચેલેન્જર્સ બેંગ્લુંરુ (ફાક ડૂ પ્લેસીસ)
ફાફ ડૂ પ્લેસિસ IPL 2024માં રોયલ ચેલેન્જર્સની કેપ્ટનશીપ કરતા જોવા મળ્યો હતો. હવે IPL 2025 પહેલા એક મેગા ઓક્શન યોજાવાની છે, જે પહેલા RCB 40 વર્ષીય ફાફ ડૂ પ્લેસિસને રિલીઝ કરી શકે છે.
આ પણ વાંચો
ટોપ સ્ટોરી
ટ્રેન્ડિંગ સમાચાર
