KKR vs GT Score Live: ગુજરાત ટાઇટન્સનો દબદબો યથાવત, કોલકાતા નાઇટ રાઇડર્સને ૩૯ રનથી હરાવ્યું
KKR vs GT Live Score IPL 2025: ડિફેન્ડિંગ ચેમ્પિયન KKRનો ગુજરાત ટાઇટન્સ સામે મુકાબલો, GT પોઈન્ટ ટેબલમાં ટોચ પર, KKR સાતમા સ્થાને.
Background
KKR vs GT Live Score IPL 2025: ઇન્ડિયન પ્રીમિયર લીગ (IPL) ૨૦૨૫માં આજે ડિફેન્ડિંગ ચેમ્પિયન કોલકાતા નાઇટ રાઇડર્સ (KKR) અને શાનદાર ફોર્મમાં ચાલી રહેલી ગુજરાત ટાઇટન્સ (GT) વચ્ચે જંગ ખેલાઈ રહ્યો છે. કોલકાતાના ઐતિહાસિક ઇડન ગાર્ડન્સ સ્ટેડિયમમાં આ બંને ટીમો ટકરાઈ રહી છે.
ગુજરાત ટાઇટન્સની ટીમ આ સિઝનમાં જબરદસ્ત ફોર્મમાં છે અને પોઈન્ટ ટેબલમાં ટોચ પર બિરાજમાન છે. ગુજરાતે અત્યાર સુધી રમાયેલી સાત મેચમાંથી પાંચમાં જીત મેળવી છે અને તેમનો નેટ રન રેટ પણ શાનદાર છે. બીજી તરફ, અજિંક્ય રહાણેની કપ્તાનીવાળી કોલકાતા નાઇટ રાઇડર્સની ટીમ સાતમાંથી માત્ર ત્રણ મેચ જીતીને સાતમા સ્થાને છે.
હેડ ટુ હેડ: IPLના ઇતિહાસમાં અત્યાર સુધીમાં કોલકાતા નાઇટ રાઇડર્સ અને ગુજરાત ટાઇટન્સ વચ્ચે ત્રણ મેચ રમાઈ છે. આ દરમિયાન KKRએ એક મેચ જીતી છે, જ્યારે ગુજરાતનો બે મેચમાં વિજય થયો છે.
પિચ રિપોર્ટ: ઇડન ગાર્ડન્સની પિચ સામાન્ય રીતે બેટ્સમેનો માટે અનુકૂળ માનવામાં આવે છે. અહીં બોલ બેટ પર સારી રીતે આવે છે અને સારો ઉછાળો મળે છે. શરૂઆતમાં ફાસ્ટ બોલરોને પણ થોડી મદદ મળી શકે છે. બંને ટીમોના બેટિંગ લાઇનઅપને જોતા આજની મેચ હાઈ સ્કોરિંગ બની શકે છે. ટ્રેન્ડ મુજબ, અહીં લક્ષ્યનો પીછો કરવો સરળ લાગે છે, તેથી ટોસ જીતનાર કેપ્ટન પહેલા બોલિંગ કરવાનો નિર્ણય લે છે.
ટોસ અને પ્લેઈંગ ઈલેવન: આ મેચમાં કોલકાતા નાઇટ રાઇડર્સના કેપ્ટન અજિંક્ય રહાણેએ ટોસ જીતીને પ્રથમ બોલિંગ કરવાનો નિર્ણય લીધો છે. આમ, ગુજરાત ટાઇટન્સની ટીમ પ્રથમ બેટિંગ કરવા ઉતરશે. KKRની પ્લેઈંગ ઈલેવનમાં કેટલાક ફેરફાર જોવા મળ્યા છે, જેમાં રહેમાનુલ્લાહ ગુરબાઝ અને મોઈન અલીને તક આપવામાં આવી છે.
બંને ટીમોની સંભવિત પ્લેઈંગ ઈલેવન આ મુજબ છે:
કોલકાતા નાઇટ રાઇડર્સ: સુનિલ નારાયણ, ક્વિન્ટન ડી કોક (વિકેટકીપર), અજિંક્ય રહાણે (કેપ્ટન), વેંકટેશ ઐયર, અંગક્રિશ રઘુવંશી, રિંકુ સિંહ, આન્દ્રે રસેલ, રમણદીપ સિંહ, હર્ષિત રાણા, એનરિચ નોર્ટજે અને વૈભવ અરોરા. (ઇમ્પેક્ટ પ્લેયર: વરુણ ચક્રવર્તી)
ગુજરાત ટાઇટન્સ: શુભમન ગિલ (કેપ્ટન), સાઇ સુદર્શન, જોસ બટલર (વિકેટકીપર), શરફાન રધરફર્ડ, શાહરૂખ ખાન, રાહુલ તેવટિયા, અરશદ ખાન, રાશિદ ખાન, રવિશ્રીનિવાસન સાઇ કિશોર, મોહમ્મદ સિરાજ અને પ્રસિદ્ધ કૃષ્ણ. (ઇમ્પેક્ટ પ્લેયર: ઈશાંત શર્મા/વોશિંગ્ટન સુંદર)
મેચ અનુમાન મુજબ, ટાર્ગેટનો પીછો કરનારી ટીમની જીતવાની વધુ તકો છે અને કોલકાતાને તેના હોમ ગ્રાઉન્ડનો ફાયદો મળી શકે છે. આ મેચ બંને ટીમો માટે મહત્વની છે, ખાસ કરીને KKR માટે પ્લેઓફની રેસમાં ટકી રહેવા માટે જીત જરૂરી છે.
KKR vs GT: ગુજરાત ટાઇટન્સનો દબદબો યથાવત, કોલકાતા નાઇટ રાઇડર્સને ૩૯ રનથી હરાવ્યું
ઇન્ડિયન પ્રીમિયર લીગ (IPL) ૨૦૨૫માં ગુજરાત ટાઇટન્સ (GT)નું શાનદાર પ્રદર્શન સતત જારી છે. ટુર્નામેન્ટની ૩૯મી મેચમાં ગુજરાતે કોલકાતા નાઇટ રાઇડર્સ (KKR)ને ૩૯ રનથી હરાવીને વધુ એક મહત્વપૂર્ણ જીત પોતાના નામે કરી છે. આ જીત સાથે ગુજરાત ટાઇટન્સ પ્લેઓફ તરફ મજબૂતીથી આગળ વધી રહ્યું છે.
મેચમાં પ્રથમ બેટિંગ કરતા ગુજરાત ટાઇટન્સે નિર્ધારિત ૨૦ ઓવરમાં ૩ વિકેટે ૧૯૮ રનનો મોટો સ્કોર ખડક્યો હતો. ૧૯૯ રનના પડકારજનક લક્ષ્યાંકનો પીછો કરવા ઉતરેલી કોલકાતા નાઇટ રાઇડર્સની ટીમ ગુજરાતના બોલરો સામે ટકી શકી નહોતી અને માત્ર ૧૫૯ રન જ બનાવી શકી, જેના કારણે તેમને ૩૯ રનથી પરાજયનો સામનો કરવો પડ્યો.
આઠ મેચોમાં ગુજરાત ટાઇટન્સની આ છઠ્ઠી જીત છે, જે દર્શાવે છે કે ટીમ આ સિઝનમાં કેટલી મજબૂત સ્થિતિમાં છે. બીજી તરફ, KKRના બેટ્સમેનો ગુજરાતના બોલરો સામે લાચાર જોવા મળ્યા હતા. KKRના કેટલાક મુખ્ય ખેલાડીઓ મોટો સ્કોર કરવામાં નિષ્ફળ રહ્યા હતા. જેમાં રહેમાનુલ્લા ગુરબાઝ માત્ર ૧ રન, સુનિલ નારાયણ ૧૭ રન, વેંકટેશ ઐયર ૧૯ બોલમાં ૧૪ રન, આન્દ્રે રસેલ ૧૫ બોલમાં ૨૧ રન, રમનદીપ સિંહ ૧ રન અને મોઈન અલી શૂન્ય રને આઉટ થયા હતા, જે તેમની હારનું મુખ્ય કારણ બન્યું હતું.
KKR vs GT Live Score: હવે 6 બોલમાં 48 રનની જરૂર છે
કોલકાતાએ 19 ઓવર પછી 7 વિકેટે 151 રન બનાવ્યા છે. KKRને હવે 6 બોલમાં 48 રન બનાવવાના છે. રિંકુ સિંહ 13 બોલમાં 17 રન બનાવીને રમતમાં છે. તેણે એક સિક્સર અને એક ફોર ફટકારી છે. અંગક્રિશ રઘુવંશી 10 બોલમાં 20 રન બનાવીને રમતમાં છે. તેણે 3 ચોગ્ગા ફટકાર્યા છે.
ટોપ સ્ટોરી
ટ્રેન્ડિંગ સમાચાર
