RR vs GT Qualifier 2: વરસાદના કારણે ધોવાઈ જાય રાજસ્થાન અને ગુજરાતની મેચ તો કોણ પહોંચશે ફાઈનલમાં? જાણો નિયમ

RR vs GT Qualifier 2:  IPL 2029ની બીજી ક્વોલિફાયર મેચ 29 મેના રોજ રમાવાની છે. રાજસ્થાન રોયલ્સ અને ગુજરાત ટાઇટન્સ વચ્ચેની મેચ મુલ્લાનપુરમાં રમાશે

 IPL 2029ની બીજી ક્વોલિફાયર મેચ 29 મેના રોજ રમાવાની છે

Source : x.com/ImTanujSingh

Show Quick Read

Key points generated by AI, verified by newsroom

• ૨૯ મેના રોજ મુલ્લાનપુરમાં ગુજરાત ટાઇટન્સ-રાજસ્થાન રોયલ્સ ટકરાશે.
• મેચ રદ થયે, પોઈન્ટ ટેબલ પ્રમાણે ગુજરાત ફાઇનલમાં જશે.
• વરસાદ પડે તો મેચ પાંચ ઓવરની કરવામાં આવશે.
• વરસાદની ઓછી શક્યતા રહેલી છે.

RR vs GT Qualifier 2:  IPL 2029ની બીજી ક્વોલિફાયર મેચ 29 મેના રોજ રમાવાની છે. રાજસ્થાન રોયલ્સ અને ગુજરાત ટાઇટન્સ વચ્ચેની મેચ મુલ્લાનપુરમાં રમાશે. આ જ મેદાન પર એલિમિનેટર મેચ રમાઈ હતી. ક્વોલિફાયર 2નો વિજેતા ફાઇનલમાં રોયલ ચેલેન્જર્સ બેંગલુરુ સામે ટકરાશે. ફાઇનલ 31 મેના રોજ અમદાવાદમાં રમાશે.

ફાઇનલ પહેલા બધાની નજર ક્વોલિફાયર 2 પર રહેશે. ગુજરાત અને રાજસ્થાન વચ્ચેનો મુકાબલો રોમાંચક બનવાની ધારણા છે, પરંતુ જો વરસાદ કે અન્ય કોઈ કારણસર બીજી ક્વોલિફાયર મેચ રદ થાય છે તો કોણ બહાર થશે અને કઈ ટીમ ફાઇનલમાં પહોંચશે? અહીં જાણી લો નિયમ.

જો ક્વોલિફાયર 2 રદ થાય છે તો કોણ વિજેતા બનશે?

જો રાજસ્થાન રોયલ્સ અને ગુજરાત ટાઇટન્સ વચ્ચેની ક્વોલિફાયર 2ની મેચ વરસાદ કે અન્ય કોઈ કારણસર રદ થાય છે તો ગુજરાત ટાઇટન્સ ફાઇનલમાં પહોંચશે અને રાજસ્થાન ટુર્નામેન્ટમાંથી બહાર થઈ જશે.

આ પણ વાંચોઃ GT vs RR, Qualifier 2: ગુજરાત અને રાજસ્થાનમાં કોની થશે જીત, જાણો બંનેનો હેડ ટૂ હેડ રેકોર્ડ

વાસ્તવમાં ફાઇનલ સિવાયની કોઈપણ મેચ માટે IPLમાં રિઝર્વ ડેનો નિયમ નથી. તેથી, જો કોઈ કારણોસર પ્લેઓફ મેચ રદ થાય છે તો પોઈન્ટ ટેબલમાં વધુ સારી સ્થિતિ ધરાવતી ટીમ આગળ વધે છે. પોઈન્ટ ટેબલ પર નજર કરીએ તો ગુજરાત બીજા સ્થાને અને રાજસ્થાન ચોથા સ્થાને રહ્યું. તેથી ગુજરાત ફાઇનલમાં પહોંચશે, અને રાજસ્થાન બહાર થઈ જશે.

મુલ્લાનપુરમાં હવામાન કેવું રહેશે?

રાજસ્થાન અને ગુજરાત વચ્ચે ક્વોલિફાયર 2 મેચ 29 મેના રોજ મુલ્લાનપુરમાં રમાશે. 29 મેના રોજ મુલ્લાનપુરમાં આકાશ વાદળછાયું હોઈ શકે છે, પરંતુ વરસાદની કોઈ શક્યતા નથી. મહત્તમ તાપમાન 38 ડિગ્રી સેલ્સિયસ સુધી પહોંચી શકે છે. સદનસીબે મેચ દરમિયાન વરસાદની કોઈ શક્યતા નથી.

જો ક્વોલિફાયર 2 દરમિયાન વરસાદ પડે તો શું થાય છે?

જો ગુજરાત ટાઇટન્સ અને રાજસ્થાન રોયલ્સ વચ્ચે બીજી ક્વોલિફાયર મેચ દરમિયાન વરસાદ પડે છે તો મેચ અધિકારીઓ, નિયમો અનુસાર, તે જ દિવસે મેચ પૂર્ણ કરવાનો પ્રયાસ કરશે. તે જ દિવસે પરિણામ સુનિશ્ચિત કરવા માટે વધારાનો 120 મિનિટનો સમય પણ ઉમેરવામાં આવ્યો છે. ગુજરાત અને રાજસ્થાન વચ્ચે ઓછામાં ઓછી પાંચ ઓવરની મેચ રમાડવાનો પ્રયાસ કરવામાં આવશે. જો દરેક ઇનિંગમાં પાંચ ઓવર નહીં રમાય તો મેચ રદ જાહેર કરવામાં આવશે.

ફાઇનલમાં કોને ટિકિટ મળશે?

જો ક્વોલિફાયર 2 મેચ એક પણ બોલ રમ્યા વિના રદ કરવામાં આવે તો પોઈન્ટ ટેબલમાં વધુ સારી સ્થિતિ ધરાવતી ટીમ ફાઇનલમાં પ્રવેશ કરશે. આના આધારે ગુજરાત ટાઇટન્સ ફાઇનલ માટે ક્વોલિફાય થશે કારણ કે તેઓ પોઈન્ટ ટેબલમાં બીજા સ્થાને રહ્યા હતા, જ્યારે રાજસ્થાન ચોથા સ્થાને હતું. ઇતિહાસમાં આ બીજી વાર બનશે જ્યારે રાજસ્થાન રોયલ્સ અને ગુજરાત ટાઇટન્સ પ્લેઓફ મેચમાં એકબીજા સામે ટકરાશે.

આ પણ વાંચો

યુવરાજ-હરભજનની ટીમ ઈન્ડિયામાં વાપસી; એબી ડી વિલિયર્સ પણ મચાવશે ધમાલ, મોટી ટુર્નામેન્ટની જાહેરાત

ગુજરાત સામે ક્વોલિફાયર- 2 માં 3 મોટા રેકોર્ડ પર વૈભવ સૂર્યવંશીની નજર, બનાવશે સિક્સરનો 'મહારેકોર્ડ'