CSK ને હરાવ્યા બાદ કિંગ કોહલીનો ધમાકેદાર ડાન્સ, ડ્રેસિંગ રુમનો વીડિયો વાયરલ
28 માર્ચે રમાયેલી IPL 2025ની 9મી મેચમાં રોયલ્સ ચેલેન્જર્સ બેંગ્લોરે ચેન્નાઈ સુપર કિંગ્સને 50 રનથી હરાવ્યું હતું.
Virat Kohli Dance RCB dressing room: 28 માર્ચે રમાયેલી IPL 2025ની 9મી મેચમાં રોયલ્સ ચેલેન્જર્સ બેંગ્લોરે ચેન્નાઈ સુપર કિંગ્સને 50 રનથી હરાવ્યું હતું. આ સાથે RCBએ 17 વર્ષ બાદ ચેન્નાઈને ઘરઆંગણે હરાવ્યું. છેલ્લી વખત બેંગલુરુએ ચેન્નાઈને 2008માં 14 રનના માર્જિનથી હરાવ્યું હતું. પરંતુ હવે લાંબા સમય બાદ ચેપોક સ્ટેડિયમમાં આરસીબીનો દબદબો જોવા મળ્યો. પ્રથમ બેટિંગ કરતા RCBએ 20 ઓવરમાં સ્કોર બોર્ડ પર 196 રન બનાવ્યા હતા. રજત પાટીદારે કેપ્ટનશીપમાં 51 રનની ઇનિંગ રમી હતી. ટીમ ડેવિડે પણ મજબૂત ફિનિશિંગ આપ્યું. બોલિંગમાં જોશ હેઝલવુડે પણ ત્રણ વિકેટ ઝડપી હતી. આ જીત બાદ વિરાટ કોહલીની ખુશીની કોઈ સીમા ન રહી. તે ડ્રેસિંગ રૂમમાં ડાન્સ કરતો જોવા મળ્યો હતો.
View this post on Instagram
ચેન્નાઈ સુપર કિંગ્સને 17 વર્ષ બાદ હરાવીને કોહલીનો ડાન્સ
વાસ્તવમાં ચેન્નાઈને ચેપોકમાં 17 વર્ષ બાદ હરાવ્યા બાદ બેંગલુરુના પૂર્વ કેપ્ટન વિરાટ કોહલી ઘણા ખુશ દેખાઈ રહ્યા હતા. મેચ પૂરી થયા બાદ કિંગ કોહલીએ ડ્રેસિંગ રૂમમાં ડાન્સ પણ કર્યો હતો, જેનો વીડિયો ટીમે તેના ઓફિશિયલ ઈન્સ્ટાગ્રામ હેન્ડલ પર પોસ્ટ કર્યો હતો. વિરાટ અન્ય ખેલાડીઓ સાથે પણ ખૂબ મસ્તી કરતો જોવા મળે છે. તેની ડાન્સિંગ સ્ટાઈલ જોઈને ટીમના બાકીના ખેલાડીઓ પણ ખૂબ એન્જોય કરતા જોવા મળે છે. 2008માં જ્યારે RCBએ CSKને હરાવ્યું ત્યારે વિરાટ ટીમમાં હાજર હતો. આજે 18મી સિઝનમાં પણ તે એ જ ટીમ સાથે ઉભો છે.
બેંગલુરુએ એકતરફી મેચમાં ચેન્નાઈને 50 રનથી હરાવ્યું
ચેન્નાઈ અને બેંગલુરુ વચ્ચે રમાયેલી આ મેચના સ્કોર કાર્ડ પર નજર કરીએ તો RCBની ટીમે ટોસ હાર્યા બાદ પ્રથમ બેટિંગ કરતા 20 ઓવરમાં 6 વિકેટ ગુમાવીને 196 રન બનાવ્યા હતા. તેની તરફથી રજત પાટીદારે સૌથી વધુ 51 રનની અડધી સદીની ઇનિંગ રમી હતી. જવાબમાં 197 રનના લક્ષ્યાંકનો પીછો કરવા ઉતરેલી CSKની ટીમ 20 ઓવરમાં 9 વિકેટ ગુમાવીને 146 રન જ બનાવી શકી હતી. રચિન રવિન્દ્રએ બેટિંગમાં 41 રનનું યોગદાન આપ્યું હતું, પરંતુ તેનું કોઈ પરિણામ આવ્યું ન હતું અને ટીમને 50 રનના વિશાળ અંતરથી હારનો સામનો કરવો પડ્યો હતો.
RCB IPL 2025 પોઈન્ટ ટેબલમાં નંબર 1 પર
રોયલ ચેલેન્જર્સ બેંગ્લોરની ટીમ આ નવી સિઝનમાં ખૂબ જ જોરદાર પ્રદર્શન કરતી જોવા મળી રહી છે. અત્યાર સુધી રમાયેલી બંને મેચોમાં રજત પાટીદારની આગેવાની હેઠળની આરસીબીએ લગભગ એક તરફ જીત મેળવી છે. ઓપનિંગ મેચમાં કોલકાતા નાઈટ રાઈડર્સને હરાવ્યું, પછી બીજી મેચમાં ચેન્નાઈ સુપર કિંગ્સને મોટા અંતરથી હરાવ્યું. RCB અત્યારે પોઈન્ટ ટેબલમાં નંબર 1 પર છે. ટીમનો નેટ રન રેટ પણ +2.266 છે. ટીમની બેટિંગ, બોલિંગ અને ફિલ્ડિંગ એકદમ ચપળ દેખાય છે. ટીમમાં નવા ફેરફારે અલગ જ રંગ આપ્યો છે.
ટોપ સ્ટોરી
ટ્રેન્ડિંગ સમાચાર
