Pro Kabaddi League 2018: આજથી શરૂ થશે કબડ્ડીનો મહાકુંભ, જાણો ક્યાં જોઈ શકાશે લાઇવ સ્ટ્રીમિંગ

મેચનું લાઇવ ટેલિકાસ્ટ સ્ટાર સ્પોર્ટ્સ નેટવર્ક પરથી નીહાળી શકાશે. જ્યારે સ્ટ્રીમિંગ હોટ સ્ટાર પરથી જોઈ શકાશે.

નવી દિલ્હી: પ્રો કબડ્ડી લીગ સીઝન 6ની આજથી શરૂઆત થઈ રહી છે. આ સીઝન માટે આ વર્ષે 30 અને 31 મેના ખેલાડીઓની હરાજી થઈ હતી. 13 અઠવાડીયા સુધી ચાલનારા આ ટૂર્નામેન્ટને લઈને દર્શકોમાં રોમાંચ છે. આ વખતે કુલ 12 ટીમો ટૂર્નામેન્ટમાં ભાગ લઈ રહી છે. જેમાં ગુજરાતની ગુજરાત ફોર્ચ્યુન જાયન્ટ્સ પણ સામેલ છે.

પ્રો કબડ્ડી લીગમાં પ્રથમ મુકાબલો આજે સાંજે 8 કલાકે તમિલ થલાઈવાઝ અને પટના પાઈરેટ્સ વચ્ચે રમાશે. ઉપરાંત આજે જ બીજી મેચ 9 કલાકે પુનેરી પલ્ટન અને યુ મુમ્બા વચ્ચે રમાશે. 3 વખત પ્રો કબડ્ડીનો ખિતાબ જીતનારી પટના પાઈરેટ્સ આ વખતે પણ ખિતાબ પર કબ્જો કરવા માટે ઉતરશે. અંતિમ મુકાબલો એટલે કે ફાઈનલ 5 જાન્યુઆરીના રોજ મુંબઈમાં યોજાશે.

આ વખતે ચેન્નઈની તમિલ થલાઈવાઝ, હૈદરાબાદની તેલુગુ ટાઈટન્સ, જયપુરની જયપુર પિંક પેંથર્સ, પુણેની પુનેરી પલ્ટન, મુંબઈની યૂ મુમ્બા, દિલ્હીની દબંગ દિલ્હી, કોલકાતાની બંગાલ વોરિયર્સ, હરિયાણાની હરિયાણા સ્ટીલર્સ, ગુજરાતની ગુજરાત ફોર્ચ્યૂન જાયન્ટસ, યૂપીના યૂપી યોદ્ધા, બેંગલોરની બેગલુરૂ બુલ્સ અને પટનાની પટના પાઈરેટ્સ સહિતની ટીમો સામેલ છે.