શોધખોળ કરો

મોહાલી વનડેઃ રોહિત શર્માની ત્રીજી બેવડી સદી સહિત બન્યા આ રેકોર્ડ

Written By : એબીપી અસ્મિતા વેબ ટીમ | Updated at : 13 Dec 2017 08:01 PM (IST)

1/8

શ્રીલંકાના બેટ્સમેન એન્જેલો મેથ્યૂઝે વન-ડેમાં 5000 રન પૂરા કરવા ઉપરાંત 11મી સદી પણ ફટકારી.

2/8

વનડેમાં 300 કે તેથી વધુ રનનો 100 વખત સ્કોર કરનારી ટીમ ઈન્ડિયા ક્રિકેટ જગતની પ્રથમ ટીમ બની. બીજા નંબરે રહેલી ઓસ્ટ્રેલિયા 96 વખત 300નો આંક વટાવી ચૂકી છે.

3/8

શ્રીલંકાના ફાસ્ટ બોલર નુવાન પ્રદીપે 10 ઓવરમાં 106 રન આપીને વન-ડે ક્રિકેટમાં સૌથી વધુ રન આપનારાની યાદીમાં સંયુક્ત રીતે ત્રીજા નંબરે આવ્યો. આ પહેલા 2006માં માઇક લુઇસ અને વહાબ રિયાઝ અનુક્રમે 113 અને 110 રન આપી સૌથી ખર્ચાળ બોલરની યાદીમાં પહેલા અને બીજા નંબરે છે.

4/8

મોહાલીના પીસીએ સ્ટેડિયમ પર રોહિત શર્માએ અણનમ 208 રનનો વ્યક્તિગત સ્કોર નોંધાવી ગત વર્ષે વિરાટ કોહલીએ ન્યૂઝિલેન્ડ સામે નોંધાવેલા અણનમ 154 રનના સ્કોરને પાછળ રાખ્યો.

5/8

એક જ કેલેન્ડર વર્ષમાં સૌથી વધુ સિક્સ ફટકારનારો રોહિત શર્મા ત્રીજો ક્રિકેટર બન્યો. 2017 કેલેન્ડર વર્ષમાં રોહિત શર્માએ રમેલી 20 વન-ડેમાં 45 સિક્સ ફટકારી છે. સાઉથ આફ્રિકાનો ડિવિલિયર્સ 2015માં 58 સિક્સ સાથે ટોચ પર છે. બીજા નંબરે રહેલા બૂમ બૂમ આફ્રિદીએ 2002માં 48 સિક્સ ફટકારી હતી.

6/8

કેલેન્ડર વર્ષ 2017માં રોહિતે 6 સદી ફટકારી છે. ભારત વતી 1998માં સચિને 9 અને ગાંગુલીએ 2000માં 7 સદી ફટકારી હતી. આ ઉપરાંત 1996માં સચિને 6, દ્રવિડે 1999માં 6 અને કોહલીએ 2017માં 6 સદી ફટકારી છે.

7/8

રોહિતે કારકિર્દીની 16મી સદી ફટકારી ઉપરાંત પાંચમી વખત 150થી વધુનો સ્કોર નોંધાવ્યો. વન-ડે ક્રિકેટમાં 5 વખત 150થી વધુનો સ્કોર કરવાનું કારનામું માસ્ટર બ્લાસ્ટર સચિન તેંડુલકર અને ડેવિડ વોર્નર જ કરી શક્યા છે.

8/8

મોહાલી ખાતે શ્રીલંકા વિરુદ્ધની બીજી વનડેમાં ભારતીય કેપ્ટન તરીકે રોહિત શર્માએ બેવડી સદી (208*) ફટકારી હતી. રોહિત શર્માની આ કેપ્ટન તરીકે પ્રથમ અને વનડેમાં ત્રીજી બેવડી સદી હતી. કેપ્ટન તરીકે સૌથી સર્વોચ્ચ સ્કોર વિરેન્દ્ર સેહવાગના નામે છે. સેહવાગ 8 ડિસેમ્બર,2011ના રોજ વેસ્ટ ઈન્ડિઝ સામે 219 રનની ઈનિંગ રમી આઉટ થયો હતો. જ્યારે મોહાલી વનડેમાં કેપ્ટન રોહિત 208 રને અણનમ રહ્યો હતો. આ પછીનો કેપ્ટન તરીકે શ્રેષ્ઠ સ્કોર (186) શ્રીલંકાના જયસૂર્યાના નામે છે.