IND vs SA: ફિલાન્ડરનો ટીમ ઈન્ડિયાને પડકાર, કહ્યું- ક્લિન સ્વિપ માટે છીએ તૈયાર

બેટ્સમેનોના પ્રદર્શનથી નારાજ ટીમના કોચ રવિ શાસ્ત્રીએ ત્રીજી ટેસ્ટ પહેલા પ્રેક્ટિસ સેશન દરમિયાન કહ્યું કે, આપણે સ્કૂલના બાળકો કરે તેવી ભૂલોથી બચવું પડશે. આવી ભૂલોના કારણે બીજી ટેસ્ટમાં ત્રણ ખેલાડી રન આઉટ થયા હતા. પ્રથમ ઇનિંગમાં હાર્દિક પંડ્યા અને બીજી ઇનિંગમાં ચેતેશ્વર પૂજારા જે રીતે રન આઉટ થયા તેને લઇ ભારે ટીકા થઈ હતી.

વાંડરર્સની વિકેટ ગ્રીન ટોપ હશે તેવી અટકળો થઈ રહી છે, સેંચુરિયનની પિચની તુલનામાં આ પિચ ન માત્ર ફાસ્ટ હશે પરંતુ તેમાં ઉછાળ પણ હશે. ફિલેન્ડરે કહ્યું કે, મેં હજુ સુધી પિચ નથી જોઈ પરંતુ વાંડરર્સમાં પીચ ફાસ્ટ બોલરને વધારે મદદ કરશે.

તેણે વધુમાં કહ્યું કે, અમારા માટે આ મેચ અન્ય મેચ જેવી જ છે. અમે જે પણ મેચ રમીએ તેને જીતવા માંગીએ છીએ. અમે ટેસ્ટ શ્રેણી પહેલા જ જીતી ચૂક્યા છીએ તેમ માનવા કરતાં અમે શ્રેણીની તમામ મેચ જીતવા ઇચ્છીએ છીએ. અમે ફરીથી ટેસ્ટમાં નંબર વન બનવા માંગીએ છીએ.

જોહાનિસબર્ગઃ પ્રવાસી ભારત અને યજમાન દક્ષિણ આફ્રિકા વચ્ચે બુધવારથી ટેસ્ટ શ્રેણીની ત્રીજી અને અંતિમ ટેસ્ટ શરૂ થશે. ત્રીજી ટેસ્ટ પહેલા દક્ષિણ આફ્રિકાના ફાસ્ટ બોલર વર્નોન ફિલાન્ડરે ટીમ ઈન્ડિયા માટે ચેતવણી જાહેર કરી છે. સીરિઝમાં દક્ષિણ આફ્રિકાની ટીમ 2-0ની લીડ ધરાવે છે. તેમ છતાં ફિલાન્ડરે કહ્યું કે, તેમની ટીમ બુધવારથી શરૂ થનારી ત્રીજી ટેસ્ટમાં કોઈપણ પ્રકારની કચાશ નહીં રાખે અને સીરિઝમાં ભારતનો વ્હાઇટવોશ કરવા માટે તૈયાર છે.

વ્હાઇટ વોશથી બચવા ટીમ ઇન્ડિયા બેથી ત્રણ ફેરફાર કરી શકે છે. ટીમમાં રહાણે, દિનેશ કાર્તિકને સ્થાન મળી શકે છે.

અલગ-અલગ પિચો પર અમારી ભૂમિકા બદલાઇ જાય છે. હું ટીમમાં મારી ભૂમિકા સારી સમજીને રમું છું. હું ખુદને ઓલ રાઉન્ડર માનું છું.