દમણમાં દારૂ પીવા જતા શરાબના શોખીનો માટે માઠા સમાચાર, કલેક્ટરે શું કર્યું ફરમાન ? જાણો વિગત

આ નિર્ણયના કારણે માત્ર દારૂ પીવા માટે જ દમણ આવતાં પ્રવાસીઓની સંખ્યામાં ધરખમ ઘટાડો થશે. બીચ પર સ્ટોલધારકોનો ધંધો ચોપટ થશે, પીવા માટે હોટલમાં જવું પડશે. વર્ષોથી દેવકા તેમજ જમ્પોર પર સ્ટોલ લગાવી ધંધો કરતાં સ્થાનિકો પર વિપરિત અસર પડશે. કલેક્ટરના આ નિર્ણયથી શરાબના શોખીનોમાં ભારે નારાજગી છે.

જાહેરમાં દારૂ પીવા પરના પ્રતિબંધનો સમયગાળો 15 એપ્રિલ, 2018થી 13 જુન, 2018 સુધીનો એમ 60 દિવસ માટે રાખવામાં આવ્યો છે. આદેશનું ઉલ્લંઘન કરનારાઓ વિરૂદ્ધ આઈપીસીની કલમ 188 મુજબ કાર્યવાહી કરવામાં આવશે. જેમાં એક મહિનાથી લઈ છ મહિના સુધીની સજાની જોગવાઈ કરવામાં આવી છે.