સુરતમાં અપહરણ બાદ ફાર્મહાઉસમાં મુંબઈની યુવતી સાથે 5 લોકોએ કર્યો ગેંગરેપ

સુરતઃ મુંબઈમાં રહેતી યુવતીનું ગુરુવારે સુરતના અડાજણ વિસ્તારમાંથી અપહરણ કરી કડોદરા લઈ જઈ એક ફાર્મ હાઉસમાં ગેંગરેપ કર્યાની ઘટના સામે આવી છે. મોડી સાંજે યુવતીનો છુટકારો થયા બાદ યુવતીએ અડાજણ પોલીસ સ્ટેશનમાં ફરિયાદ નોંધાવી છે. સૂત્રો દ્વારા મળતી માહિતી અનુસાર, દારૂની મહેફિલ દરમિયાન યુવતી પર ચાર કલાક પાંચ યુવકો દ્વારા દુષ્કર્મ આચરાયું હતું.

મળતી વિગતો મુજબ 21 વર્ષીય યુવતી મુંબઈના મલાડ વિસ્તારમાં રહે છે જે પોતાના સંબંધીને બુધવારે મળવા માટે અડાજણ વિસ્તારમાં આવી હતી. નાણાંની લેવડ દેવડ બાબતે આ યુવતી કેટલાક યુવકોના સંપર્કમાં આવી હતી. ગુરુવારે સવારે આ યુવતીને અડાજણ વિસ્તારમાંથી બળજબરીપૂર્વક કારમાં બેસાડી કડોદરાના એક ફાર્મ હાઉસમાં લઈ જવાઈ હતી.

જ્યાં તેની સાથે વારાફરતી 6માંથી 5 યુવકોએ દુષ્કરેમ આચર્યું હતું. મોડીરાત્રે યુવતીને મેડિકલ ચેકઅપ માટે અડાજણ પોલીસ નવી સિવિલ હોસ્પિટલ લઈ આવી હતી. પોલીસ સૂત્રો પાસેથી મળતી માહિતી અનુસાર, મંબઈની યુવતી 29 તારીખના રોજ સુરત આવી હતી.

નાણાંની લેતી દેતી બાબતે આ યુવતી ફાયનાન્સર યુવકોના સંપર્કમાં આવી હતી. દરમિયાન ગુરુવારના રોજ સવારે અડાજણમાંથી અપહરણ કરી કડોદરા ખાતે આવેલા ફાર્મ હાઉસમાં લઈ જવાઈ હતી. જ્યાં છ જેટલા યુવકો હતા. અને દારૂની મહેફિલ ચાલતી હતી. દરમિયાન 6માંથી 5 યુવકોએ દારૂના નશામાં વારફરતી ચાર કલાક દુષ્કર્મ આચર્યું હતું.