'જે પાર્ટીના રાષ્ટ્રીય અધ્યક્ષ પર ગુનાની મોટી કલમો હોય, એના યુવા મોરચા અધ્યક્ષ પાસે બીજી શું આશા રખાય?' હાર્દિકનો પ્રહાર

હાર્દિક પટેલે પુણા પોલીસ મથકના ઇન્સ્પેક્ટર એમ.વી. પટેલને ફોન કરીને વિજયની ફરિયાદ લઇને ધોરણસરની કાર્યવાહી કરવા કહ્યું હતું. જો 9 તારીખ સુધીમાં પોલીસ યોગ્ય કાર્યવાહી કરીને જવાબદારો વિરુદ્ધ ગુનો દાખલ નહીં કરે તો પોલીસ સ્ટેશનને ઘેરાવ કરવાની ચીમકી પણ હાર્દિકે ઉચ્ચારી હતી.

મંગળવારે સરથાણામાં પ્રદેશ યુવા ભાજપના પ્રમુખ ઋત્વિજ પટેલની રેલીમાં ધમાલ બાદ વિજય માંગુકિયા સહિત 19 પાટીદાર વિરુદ્ધ ગુનો દાખલ કરાયો હતો. બીજી તરફ પોલીસે વિજયની માત્ર એનસી ફરિયાદ લીધી હતી અને કોઈ કાર્યવાહી કરી નથી.