‘પહેચાન કૌન? ’, સુરતમાં મૂકાયેલી આ નરેન્દ્ર મોદીની પ્રતિમાની સોશિયલ મીડિયા પર ઉડી રહી છે કેવી મજાક? જાણો

સુરતઃ દેશના પ્રધાન મંત્રી નરેન્દ્ર મોદીનું આજે ગુજરાતમાં આગમન થઈ રહ્યું છે. નરેન્દ્ર મોદી આજે સુરતમાં પધારવાના છે ત્યારે તેમને આવકારવા માટે સુરતમાં મોદીની 22 ફૂટ ઉંચી પ્રતિમા મૂકાઈ છે. આ પ્રતિમા એટલી વિચિત્ર બનાવાઈ છે કે તે સોશિયલ મીડિયા પર મજાકનું પાત્ર બની ગઈ છે.

સુરતના એક પ્રતિષ્ઠિત અખબારમાં તો એવો અહેવાલ પણ છપાયો છે કે, આ પ્રતિમાનો ચહેરો મોદીને મળતો નથી આવતો તેનું ધ્યાન જતાં તાબડતોબ પ્રતિમાને ઢાંકીને તેનો ચહેરો સરખો કરવા પ્રયાસ કરાયો હતો. જો કે આ કામ સરળ નથી તે જોતાં એ પછી જે પ્રતિમા મૂકાઈ તેનો ચહેરો પણ મોદીને મળતો નથી આવતો.