સુરતમાં મકાનનો સ્લેબ તૂટી પડતાં 3ના મોત, 22 ઈજાગ્રસ્ત

સુરત: સુરતના સલાબતપુરા વિસ્તારમાં આવેલ વર્ષો જુના ટેનામેન્ટના સ્લેબનો ભાગ ધડાકાભેર સાથે તૂટી પડ્યો છે. સ્લેબ તુટી પડવાના કારણે 3 લોકોના મોત થયા છે જયારે 22 થી વધુ વ્યકિતઓ ઘાયલ થયા છે.

ઘટનાની જાણ ફાયર બ્રિગેડને કરાતા ઘટના સ્થળે ફાયર બ્રિગેડની ટીમ અને પોલીસની ટીમ દોડી આવી હતી. ફાયર વિભાગ અને પોલીસે ટેનામેંટમાં ફસાયેલા લોકોને સલામત રીતે બહાર કાઢ્યા હતા.

સૂત્રો પાસેથી મળતી માહિતી પ્રમાણે સુરતમાં આવેલા સલાબતપુરા વિસ્તારમાં વર્ષો જૂના ટેનામેન્ટ આવેલા છે. જેમાં ઘણા ટેનામેન્ટની હાલત ખરાબ છે. આવા જ એક ટેનામેન્ટનો સ્લેબ તૂટી પડવાના કારણે ઘરમાં રહેલા 3 લોકોના મોત થયા હતા. જ્યારે અન્ય 22 લોકો ઈજાગ્રસ્ત થયા હતા.