Airtelએ ફરી Jio, Vodafone Idea અને BSNLને પછાડ્યા, જાણો એક જ મહિનામાં કેટલા નવા યૂઝર્સ જોડ્યા

Airtelએ નવેમ્બર 30, 2020ના ટ્રાઈના આંકડા અનુસાર 43 લાખ મોબાઈલ યૂઝર્સને પોતાની સાથે જોડ્યા છે.

Airtelએ નવેમ્બર 2020માં 43 લાખ નવા મોબાઈલ યૂઝર્સ પોતાની સાથો જોડ્યા છે. ટેલીકોમ રેગ્યુલેટરી ઓથોરિટી ઓફ ઇન્ડિયા એટલે કે ટ્રાઈના આંકડાથી આ વાતનો ખુલાસો થયો છે. એરટેલે આ દરમિયાન નવા યૂઝર્સ જોડવાના મામલે જિઓ, વોડાફોન આઈડિયા અને બીએસએનએલને પાછળ છોડી દીધા છે. આ ગાળામાં જોઈને છોડીને બાકીની બન્ને ટેલીકોમ કંપનીઓની યૂઝર્સ સંખ્યામાં ઘટાડો થયો છે. નવા યૂઝર્સ જોડવાના મામલે એરટેલ સતત ચોથા મહિને ટોપ પર છે. Airtelએ નવેમ્બર 30, 2020ના ટ્રાઈના આંકડા અનુસાર 43 લાખ મોબાઈલ યૂઝર્સને પોતાની સાથે જોડ્યા છે. આ સાથે જ એરટેલના કુલ યૂઝર્સની સંખઅયા 33.465 કરોડે પહોંચી ગઈ છે. કંપનીનો કુલ માર્કેટ હિસ્સો 28.97 ટકા છે. એરટેલની સામે જિઓએ નવેમ્બર મહિનામાં 13 લાખ મોબાઈલ યૂઝર્સને પોતાની સાથે જોડ્યા છે. આ સાથે જ જિોના કુલ યૂઝર્સની સંખ્યા 40.289 કરોડે પહોંચી ગઈ છે. જ્યારે કંપનીનો માર્કેટ હિસ્સો 35.34 ટકા છે. બીએસએનએલે આ દરમિયાન 18357 યૂઝર્સ ગુમાવ્યા છે. જ્યારે વોડાફોન આઈડિાયએ આ જ ગાળામાં 28.9 લાખ યૂઝર્સ ગુમાવ્યા છે. નવેમ્બર 30 સુધીમાં બીએસએનએલનો માર્કેટ હિસ્સો 10.3 ટકા અને વોડાફોન આઈડિયાનો માર્કેટ હિસ્સો 25.1 ટકા છે. ટ્રાઈના આંકડા અનુસાર ભારતમાં કુલ વાયરલેસ યૂઝર્સની સંખ્યા ઓક્ટોબરમાં 115.181 કરોડથી વધીને નવેમ્બરમાં 115.520 કરોડ થઈ ગઈ છે. ઓવરઓલ વાયરલેસ અને વાયર્ડ સર્વિસ મળીને જિઓએ વધુમાં વધુ માર્કેટ હિસ્સો જાળવી રાખ્યો છે. કંપનીનો માર્કેટ હિસ્સો 55.27 ટકા છે.