શું ટેલીગ્રામના યુઝર્સ સેફ નથી, સુરક્ષાને લઇને છે ખતરો, કયાં અને કેમ લગાવાયો પ્રતિબંધ, જાણો ડિટેલ

સુરક્ષાના કારણોસર રશિયાના બે પ્રદેશોમાં ટેલિગ્રામ એપ્સ પર પ્રતિબંધ મૂકવામાં આવ્યો છે. 2023માં થયેલા રમખાણોને ટાંકીને સ્થાનિક પ્રશાસને કહ્યું કે તેનો ઉપયોગ દુશ્મનો દ્વારા કરવામાં આવ્યો છે.

પ્રતીકાત્મક તસવીર

Source : Unsplash

રશિયાના બે પ્રદેશોમાં ટેલિગ્રામને બ્લોક કરવામાં આવ્યું છે. ડિજિટલ ડેવલપમેન્ટ મિનિસ્ટરે અહીં કહ્યું કે, એવી ચિંતા છે કે, આ એપનો ઉપયોગ દુશ્મનો કરી શકે છે. તેથી, આ એપને દક્ષિણ રશિયાના મુસ્લિમ બહુલ વિસ્તાર દાગેસ્તાન અને ચેચન્યામાં બ્લોક કરી દેવામાં આવી છે. સ્થાનિક પ્રશાસને કહ્યું છે કે, ભવિષ્યમાં આ નિર્ણય પાછો ખેંચવામાં આવી શકે છે. જોકે, આ દરમિયાન તેણે લોકોને અન્ય સોશિયલ મીડિયા એપ્સનો ઉપયોગ કરવા કહ્યું છે.

એક જૂની ઘટનાનો સંદર્ભ

દાગેસ્તાનના ડિજિટલ ડેવલપમેન્ટ મિનિસ્ટર યુરી ગમઝાતાવે કહ્યું કે, ટેલિગ્રામનો ઉપયોગ સામાન્ય રીતે દુશ્મનો કરે છે. મખાચકલા એરપોર્ટ પર થયેલા રમખાણો તેનું ઉદાહરણ છે. તમને જણાવી દઈએ કે ઓક્ટોબર 2023માં થયેલા આ રમખાણોમાં સેંકડો પ્રદર્શનકારીઓ ઈઝરાયેલથી આવી રહેલા એક પ્લેન પર હુમલો કરવા એરપોર્ટમાં ઘૂસી ગયા હતા. રાહતની વાત એ છે કે આમાં કોઈ મુસાફરને ઈજા થઈ નથી, આ પછી પ્રશાસને કડક કાર્યવાહી કરી અને ઘણા પ્રદર્શનકારીઓ સામે કાયદેસરની કાર્યવાહી કરી. આ હંગામો એક ટેલિગ્રામ ચેનલથી શરૂ થયો હતો, જેમાં લોકોને હિંસા માટે ઉશ્કેરવામાં આવ્યા હતા.

ટેલિગ્રામે હિંસાની નિંદા કરી હતી

ટેલિગ્રામે એરપોર્ટ પર રમખાણોની નિંદા કરી હતી અને કહ્યું હતું કે, તે સંબંધિત ચેનલને બ્લોક  કરશે. હવે સ્થાનિક વહીવટીતંત્રના પ્રતિબંધના નિર્ણય પર ટેલિગ્રામ તરફથી કોઈ પ્રતિક્રિયા આવી નથી. તમને જણાવી દઈએ કે ટેલિગ્રામ એપના સ્થાપક પાવેલ દુરોવનો જન્મ રશિયામાં થયો હતો. રશિયાએ 2018માં પણ ટેલિગ્રામ પર પ્રતિબંધ લગાવવાનો પ્રયાસ કર્યો હતો, પરંતુ આ નિર્ણય લાગુ થઈ શક્યો નહોતો. આ પછી, રશિયન સરકારે પણ ટેલિગ્રામ પર યુઝર ડેટા સોંપવા માટે દબાણ કર્યું