Honor લાવી રહ્યું છે iPhone 16 જેવો દેખાતો ફોન, લૉન્ચ ડેટ કન્ફોર્મ, મળશે 200MP કેમેરા ફિચર્સ
Honor 400 Series Launch: ઓનર 400 સીરીઝમાં સ્ટાન્ડર્ડ મોડેલ તેમજ પ્રો મોડેલ હશે. તેના પ્રો મોડેલમાં 7,200mAh બેટરી આપવામાં આવી શકે છે
Honor 400 Series Launch: ઓનર ટૂંક સમયમાં ભારતમાં 4 નવા ડિવાઇસ લૉન્ચ કરવાની તૈયારી કરી રહ્યું છે. આ ઉપરાંત ચીની બ્રાન્ડે તેના આગામી ફ્લેગશિપ મોડેલની લૉન્ચ તારીખની પુષ્ટિ કરી છે. આ ફોન iPhone 16 ની જેમ ડ્યુઅલ વર્ટિકલ કેમેરા ડિઝાઇન સાથે આવશે. Honorનો આ ફોન Honor 400 સીરીઝ હેઠળ રજૂ કરવામાં આવશે. વધુમાં કંપની તેનો મેજિક વી ફ્લિપ 2 ફોલ્ડેબલ સ્માર્ટફોન અને ઓનર મેજિક વી5 પણ લૉન્ચ કરવા જઈ રહી છે.
Honor 400 સીરીઝ 28 મેના રોજ ચીનમાં લૉન્ચ થશે. કંપનીના પ્રોડક્ટ મેનેજર લી કુને તેની લૉન્ચ તારીખ જાહેર કરી છે. ઉપરાંત, આ સીરીઝના લૉન્ચ દરમિયાન મેજિક સીરીઝની આગામી ફોલ્ડેબલ અને ફ્લેગશિપ સીરીઝની ઝલક પણ બતાવવામાં આવશે. કંપનીના પ્રોડક્ટ મેનેજરે તેમની વેઇબો પોસ્ટમાં જણાવ્યું હતું કે ઘણા લોકો પૂછી રહ્યા છે કે ઓનરનો આગામી ફોલ્ડેબલ ફોન ક્યારે લોન્ચ થશે. તે 2025 ના પહેલા ભાગમાં લૉન્ચ કરવામાં આવશે. આનો સ્પષ્ટ અર્થ એ છે કે કંપની તેને જૂન સુધીમાં લૉન્ચ કરી શકે છે.
ઓનર 400 સીરીઝની સુવિધાઓ (અપેક્ષિત)
ઓનર 400 સીરીઝમાં સ્ટાન્ડર્ડ મોડેલ તેમજ પ્રો મોડેલ હશે. તેના પ્રો મોડેલમાં 7,200mAh બેટરી આપવામાં આવી શકે છે. વળી, તેના સ્ટાન્ડર્ડ મોડેલમાં 5,300mAh બેટરી આપી શકાય છે. આ સીરીઝ ગયા વર્ષે લૉન્ચ થયેલી Honor 300 સીરીઝનું અપગ્રેડ હશે. જોકે, આ સીરીઝના વૈશ્વિક વેરિઅન્ટમાં ચાઇનીઝ મોડેલ કરતા નાની બેટરી હશે. Honor 400 Pro ના ગ્લોબલ વેરિઅન્ટમાં 6,000mAh બેટરી અને 50W વાયરલેસ ચાર્જિંગ સાથે 100W વાયર્ડ હોઈ શકે છે.
પ્રો મોડેલ લુનર ગ્રે, મિડનાઈટ બ્લેક અને ટાઇડલ બ્લુ રંગોમાં લોન્ચ કરવામાં આવશે. પ્રો મોડેલના પાછળના ભાગમાં ત્રિપલ કેમેરા સેટઅપ આપી શકાય છે, જેમાં 200MP મુખ્ય કેમેરા ઉપલબ્ધ હશે. આ ઉપરાંત, 50MP ટેલિફોટો અને 12MP અલ્ટ્રા વાઇડ કેમેરા ઉપલબ્ધ હશે. તેમાં સેલ્ફી અને વીડિયો કોલિંગ માટે 50MP કેમેરા હશે. આ ફોન Qualcomm Snapdragon 8 Gen 3 ચિપસેટ સાથે આવશે. તેમાં IP68 અને IP69 રેટિંગ હશે, જે ફોનને પાણી અને ધૂળથી બચાવશે.
Honor 400 ને ડેઝર્ટ ગોલ્ડ, મિડનાઈટ બ્લેક અને મીટીયોર સિલ્વર કલરમાં લોન્ચ કરી શકાય છે. તે ડ્યુઅલ કેમેરા સેટઅપ સાથે લૉન્ચ કરવામાં આવશે. તેમાં 200MPનો મુખ્ય કેમેરા હશે. આ સાથે, 12MP અલ્ટ્રા વાઇડ અને 50MP સેલ્ફી કેમેરા આપવામાં આવશે. આ ફોન Qualcomm Snapdragon 7 Gen 3 સાથે આવશે. આ શ્રેણીના બંને ફોન 5000 nits ની પીક બ્રાઇટનેસ અને 120Hz રિફ્રેશ રેટ સાથે OLED ડિસ્પ્લે સાથે લોન્ચ કરવામાં આવશે.
ટોપ સ્ટોરી
ટ્રેન્ડિંગ સમાચાર
