આ નંબરથી શરૂ થતા નકલી ઇન્ટરનેશનલ કોલથી સાવધાન! સરકારની મોટી ચેતવણી, 1 ભૂલ કરશે બેંક ખાલી

સાયબર ગુનેગારો હવે 'કોલર આઈડી સ્પૂફિંગ'નો ઉપયોગ કરીને લોકોને નિશાન બનાવી રહ્યા છે. જાણો આ નવી છેતરપિંડીથી કેવી રીતે બચવું.

dot safety alert caller id spoofing fraud international call sanchar

Source : ai

Show Quick Read

Key points generated by AI, verified by newsroom

• +91 થી શરૂ થતા કોલ્સ પર વિશ્વાસ ન કરો.
• કોલર આઈડી સ્પૂફિંગ દ્વારા ગુનેગારો છેતરપિંડી કરે છે.
• સુરક્ષા માટે અંગત માહિતી ક્યારેય શેર કરશો નહીં.
• શંકાસ્પદ કોલ તરત કાપી, સંચાર સાથી પર ફરિયાદ કરો.

dot caller id spoofing alert: જો તમને +91 થી શરૂ થતા નંબર પરથી કોઈ ઇન્ટરનેશનલ કોલ આવે, તો ચેતી જજો! ભારત સરકારના ટેલિકોમ્યુનિકેશન વિભાગ (DoT) એ સ્માર્ટફોન યુઝર્સ માટે સાયબર ફ્રોડને લઈને એક મોટી ચેતવણી જાહેર કરી છે. સાયબર ગઠિયાઓ હવે નવી ટેકનિકથી લોકોને નિશાન બનાવી રહ્યા છે. તેઓ +91 કોડવાળા નંબરથી કોલ કરીને પોતાને વિદેશથી બોલતા હોવાનો દાવો કરે છે. તમારી એક નાનકડી ભૂલ તમારું બેંક એકાઉન્ટ સંપૂર્ણપણે ખાલી કરી શકે છે. ડરનો માહોલ ઊભો કરીને OTP અને બેંકની વિગતો ચોરતી આ ગેંગથી કેવી રીતે બચવું, ચાલો વિગતે સમજીએ.

આ નકલી કોલ્સ કેવી રીતે થાય છે?

DoT ના જણાવ્યા અનુસાર, સાયબર ગુનેગારો હવે 'કોલર આઈડી સ્પૂફિંગ' જેવી આધુનિક ટેકનિકનો ઉપયોગ કરી રહ્યા છે. આ ટેકનિકથી તેઓ કોઈપણ અજાણ્યા નંબરને અસલી અને ભરોસાપાત્ર બતાવી શકે છે જેથી લોકો સરળતાથી તેમની જાળમાં ફસાઈ જાય.

હકીકતમાં, +91 એ ભારતનો કન્ટ્રી કોડ છે. જો કોઈ સાચો ઇન્ટરનેશનલ કોલ હોય, તો તે હંમેશા તે દેશના જ કોડથી શરૂ થાય છે જ્યાંથી કોલ કરવામાં આવી રહ્યો હોય. એટલે જો નંબર +91 થી શરૂ થતો હોય અને સામેવાળી વ્યક્તિ ઇન્ટરનેશનલ કોલ હોવાનો દાવો કરે, તો સમજી લેવું કે આ 100% છેતરપિંડી છે.

સ્કેમર્સ કેવી રીતે ડરાવે છે અને વિગતો ચોરે છે?

આવા કોલ્સમાં ભેજાબાજો પોતાને ટેલિકોમ અધિકારી, પોલીસકર્મી, બેંક કર્મચારી અથવા કોઈ કુરિયર ડિલિવરી એજન્ટ તરીકે ઓળખાવે છે. તેઓ યુઝર્સને ડરાવવા માટે આવી ધમકીઓ આપે છે:

તમારું સિમ કાર્ડ થોડા કલાકોમાં નિષ્ક્રિય (બંધ) થઈ જશે.

તમારું બેંક એકાઉન્ટ બ્લોક થવાનું છે.

તમારા નામે મોકલાયેલું કોઈ ગેરકાયદેસર પાર્સલ કસ્ટમમાં પકડાયું છે.

આવો ડર બતાવીને તેઓ તમારી પાસેથી બેંકની વિગતો, OTP અને પાસવર્ડ જેવી અંગત માહિતી પડાવી લે છે. ઘણીવાર તો તેઓ મોબાઈલમાં નકલી લિંક મોકલીને આખો ફોન હેક કરી લે છે, જેનાથી તમારું બેંક એકાઉન્ટ જોખમમાં મુકાઈ જાય છે.

આ પણ વાંચોઃ સ્માર્ટફોનમાં વાયરસ કે UPI ફ્રોડનો ડર ભૂલી જાવ! આજે જ ડાઉનલોડ કરો આ ખાસ સરકારી એપ

છેતરપિંડીથી બચવા શું કરવું?

સરકારે સોશિયલ મીડિયા પ્લેટફોર્મ 'X' પર પણ આ અંગે ખાસ પોસ્ટ શેર કરીને લોકોને જાગૃત કર્યા છે. સરકાર સતત સ્કેમ એલર્ટ અને સાયબર સેફ્ટી અભિયાનો ચલાવી રહી છે. આ ફ્રોડથી બચવા માટે આટલું ખાસ ધ્યાન રાખો:

માહિતી શેર ન કરો: કોઈપણ અજાણ્યા કોલર સાથે તમારી વ્યક્તિગત કે નાણાકીય માહિતી (OTP, પિન કે પાસવર્ડ) ક્યારેય શેર ન કરો.

તરત ફોન કાપો: જો કોઈ કોલ શંકાસ્પદ લાગે અથવા સામેથી કોઈ ધમકી આપે, તો ગભરાયા વગર તરત જ ફોન કાપી નાખો.

ફરિયાદ કરો: આવા નકલી નંબરો અને છેતરપિંડીની જાણ સરકારના સંચાર સાથી (Sanchar Saathi) પ્લેટફોર્મ પર અચૂક કરો. આ પ્લેટફોર્મ તમને ટેલિકોમ અને સાયબર સુરક્ષા પૂરી પાડે છે.

આ પણ વાંચોઃ વિઝા ફ્રોડનો શિકાર બન્યા છો? તાત્કાલિક 1930 પર કરો કોલ! છેતરપિંડીથી બચવા પોલીસની આ 3 ટીપ્સ ખાસ વાંચો