AI માનવતાનો નાશ કરશે? એલોન મસ્કે આપી ભયાનક ચેતવણી, જાણો ઓપન AI સામે કેમ કર્યો કેસ

વિશ્વના સૌથી અમીર વ્યક્તિ એલોન મસ્કે કોર્ટમાં જણાવ્યું છે કે જો આપણે સાવચેત નહીં રહીએ, તો આર્ટિફિશિયલ ઈન્ટેલિજન્સ (AI) માનવ સભ્યતાનો અંત લાવી શકે છે. જાણો શું છે સમગ્ર વિવાદ.

Elon Musk vs OpenAI, Frightening Warning That AI Could Destroy Humanity

Source : ai

Show Quick Read

Key points generated by AI, verified by newsroom

• એલોન મસ્કે AI વિકાસ અંગે માનવજાતિ માટે ગંભીર ચેતવણી આપી.
• ઓપન-AI અને સેમ ઓલ્ટમેન સામે નફાખોરીનો આરોપ મુક્યો.
• AI માનવ બુદ્ધિને પાછળ છોડી સભ્યતાનો વિનાશ કરી શકે.
• માનવો અને મશીનોના ભવિષ્ય પર આ કેસની મોટી અસર.

Elon Musk AI warning: શું આર્ટિફિશિયલ ઈન્ટેલિજન્સ (AI) આવનારા સમયમાં માનવજાત માટે મોટો ખતરો બની શકે છે? આ સવાલનો જવાબ દુનિયાના સૌથી અમીર વ્યક્તિ અને ટેસ્લાના CEO એલોન મસ્કે 'હા' માં આપ્યો છે. હાલમાં જ ઓપન-AI (OpenAI) અને તેના CEO સેમ ઓલ્ટમેન સામે ચાલી રહેલા કોર્ટ કેસ દરમિયાન મસ્કે એક ભયાનક ચેતવણી આપી છે. તેમણે સ્પષ્ટ શબ્દોમાં કહ્યું છે કે જે રીતે AI નો વિકાસ થઈ રહ્યો છે, જો આપણે પૂરતી સાવચેતી નહીં રાખીએ તો તે માનવ સભ્યતાનો સર્વનાશ કરી શકે છે. તેમણે આરોપ લગાવ્યો છે કે માનવતાના ભલા માટે તેમણે જે કંપનીની સ્થાપના કરી હતી, તે હવે માઈક્રોસોફ્ટ સાથે મળીને માત્ર નફો કમાવવાનું મશીન બની ગઈ છે.

ખરેખર, એલોન મસ્ક અને ઓપન-AI વચ્ચે અત્યારે એક મોટી કાનૂની લડાઈ ચાલી રહી છે. મસ્કે કોર્ટરૂમમાં પોતાની વર્ષો જૂની ચિંતાઓ વ્યક્ત કરતા કહ્યું કે તેઓ ઘણા સમયથી દુનિયાને AI ના જોખમો વિશે ચેતવી રહ્યા છે. તેમણે 2015 નો એક રસપ્રદ કિસ્સો પણ શેર કર્યો. મસ્કના જણાવ્યા અનુસાર, જ્યારે 2015 માં તેમણે ગૂગલના કો-ફાઉન્ડર લેરી પેજ સાથે AI ની સુરક્ષા અંગે ચર્ચા કરી હતી, ત્યારે લેરી પેજે તેમને 'સ્પેસિસ્ટ' (માત્ર માનવ પ્રજાતિનો પક્ષ લેનાર) કહીને તેમની વાત ટાળી દીધી હતી. લેરી પેજ માનતા હતા કે AI દુનિયાને એક સુંદર સ્વર્ગ જેવી બનાવશે, પરંતુ મસ્કને ડર હતો કે આ ટેકનોલોજી સમગ્ર માનવજાતનો નાશ કરી શકે છે.

પોતાની વાતને વધુ સારી રીતે સમજાવવા માટે મસ્કે કોર્ટમાં હોલીવુડની બે પ્રખ્યાત ફિલ્મોનો દાખલો આપ્યો હતો. તેમણે કહ્યું, "અમે 'ટર્મિનેટર' ફિલ્મ જેવું વિનાશક ભવિષ્ય નથી ઈચ્છતા, પરંતુ અમે 'સ્ટાર ટ્રેક' જેવી આશાવાદી અને સારી દુનિયા ઈચ્છીએ છીએ." મસ્કે ગંભીર ચેતવણી આપતા જણાવ્યું કે હવે એ દિવસ દૂર નથી જ્યારે AI મનુષ્યના મગજ અને બુદ્ધિને પણ પાછળ છોડી દેશે. આ ટેકનોલોજી જેટલી સ્પીડથી આગળ વધશે, એટલો જ મોટો ખતરો ભવિષ્યમાં ઊભો થશે.

આ પણ વાંચોઃ સ્માર્ટફોનમાં વાયરસ કે UPI ફ્રોડનો ડર ભૂલી જાવ! આજે જ ડાઉનલોડ કરો આ ખાસ સરકારી એપ

મસ્કનો સીધો આરોપ છે કે ઓપન-AI પોતાના મૂળ ઉદ્દેશ્યથી ભટકી ગઈ છે અને હવે તે માત્ર પૈસા પાછળ દોડી રહી છે. હવે આ કેસની સુનાવણી કોર્ટમાં ઘણા અઠવાડિયા સુધી ચાલશે. આ લડાઈ માત્ર પૈસા કે કોન્ટ્રાક્ટ પૂરતી સીમિત નથી, પરંતુ માણસો અને મશીનોના ભવિષ્ય સાથે જોડાયેલી છે. શું મસ્કનો આ ડર સાચો છે? કે પછી AI ખરેખર આપણું ભવિષ્ય ઉજ્જવળ બનાવશે? આ સવાલોના જવાબ અને કોર્ટના ચુકાદા પર હવે આખી દુનિયાની નજર ટકેલી છે.