ટચ કન્ટ્રૉલ, 30 કલાકનો બેટરી ટાઇમ, સરાઉન્ડ સાઉન્ડ, સસ્તી કિંમતે લૉન્ચ થયા આ ધાંસૂ ઇયરબડ્સ

Itel S9 Ultra Earbuds: itel એ તેની લેટેસ્ટ ઓફરમાં 400 mAh બેટરી પ્રદાન કરી છે, જે 30 કલાકનો પ્લેટાઇમ આપે છે. આ સાથે તેઓ AI એન્વાયર્નમેન્ટલ નૉઈઝ કેન્સલેશન (ENC) ટેકનોલોજીથી સજ્જ છે

(તસવીર- એબીપી લાઇવ)

Source : એબીપી લાઇવ

Itel S9 Ultra Earbuds: જો તમે સસ્તા ભાવે ઉત્તમ સુવિધાઓથી સજ્જ ઇયરબડ્સ શોધી રહ્યા છો, તો itel તેની નવી ઓફર સાથે અહીં છે. કંપનીએ ભારતમાં તેના નવા વાયરલેસ ઇયરબડ્સ S9 અલ્ટ્રા લૉન્ચ કર્યા છે. આ ઇયરબડ્સ ડ્યૂઅલ ટૉન ડિઝાઇનમાં પર્લસેન્ટ ફિનિશ સાથે લૉન્ચ કરવામાં આવ્યા છે. કંપનીનું કહેવું છે કે આ ઇમર્સિવ 360 ડિગ્રી સરાઉન્ડ સાઉન્ડ પ્રદાન કરે છે, જે સંગીત સાંભળવાના અનુભવને સુધારે છે. ચાલો તેના અન્ય લક્ષણો વિશે જાણીએ.

30 કલાકનો પ્લેટાઇમ - 
itel એ તેની લેટેસ્ટ ઓફરમાં 400 mAh બેટરી પ્રદાન કરી છે, જે 30 કલાકનો પ્લેટાઇમ આપે છે. આ સાથે તેઓ AI એન્વાયર્નમેન્ટલ નૉઈઝ કેન્સલેશન (ENC) ટેકનોલોજીથી સજ્જ છે, જે કૉલ દરમિયાન આસપાસના અવાજને દૂર કરે છે અને એકદમ સ્પષ્ટ અવાજ સાથે કૉલિંગ અનુભવ આપે છે. આ ઇયરબડ્સને પાણી પ્રતિકાર માટે IPX5 રેટિંગ મળ્યું છે. આનો અર્થ એ છે કે તેઓ પાણીના હળવા છાંટા કે પરસેવાના છાંટામાં પણ કોઈપણ વિક્ષેપ વિના કામ કરી શકે છે. આ કારણે બહારની પ્રવૃત્તિઓ અને વર્કઆઉટ દરમિયાન પણ તેનો ઉપયોગ કોઈપણ તણાવ વિના કરી શકાય છે.

કેવી છે કનેક્ટિવિટી ? 
ઝડપી અને સ્થિર કનેક્ટિવિટી માટે તેમાં બ્લૂટૂથ 5.3 ટેકનોલોજી આપવામાં આવી છે. તેમાં ફીટ કરાયેલા 10mm ડ્રાઇવ અવાજ પહોંચાડવામાં સુધારો કરે છે. આ સાથે, તેમાં ટચ કંટ્રૉલ અને વૉઇસ એક્ટિવેશન સપૉર્ટ પણ આપવામાં આવ્યો છે. સંગીત વગાડવું હોય કે કૉલ રિસીવ કરવો હોય, બધું જ ફક્ત એક ટચથી કરી શકાય છે. ચાર્જિંગ માટે itel S9 Ultra માં ટાઇપ-C પૉર્ટ આપવામાં આવ્યો છે. આ સ્પેસ ગ્રે અને ડીઝલ બ્લેક કલર વિકલ્પોમાં વેચાણ માટે ઉપલબ્ધ થશે.

કેટલી છે કિંમત ? 
કંપનીએ S9 અલ્ટ્રા 899 રૂપિયામાં લૉન્ચ કર્યો છે. આ દેશભરના રિટેલ સ્ટૉર્સમાંથી ખરીદી શકાય છે અને કંપની તેના પર એક વર્ષની વોરંટી પણ આપી રહી છે.

આ પણ વાંચો