AC Use Hacks: ગરમીમાં મનાલી જેવી ઠંડકનો થશે અહેસાસ અને વીજળીનું બિલ પણ ઘટશે; બસ અપનાવો આ ટ્રિક્સ

AC Use Hacks: ગરમીથી રાહત મેળવવાની વાત આવે ત્યારે, AC ઘણીવાર એકમાત્ર ઉપાય હોય છે. જો કે, AC ચલાવવાથી ઘણીવાર ઊંચા વીજળી બિલની ચિંતા થાય છે. આજે, અમે તમને તે ચિંતાઓ દૂર કરવામાં મદદ કરવા માટે કેટલાક હેક્સ શેર કરી રહ્યા છીએ.

AC ટિપ્સ

Source : pexels

Show Quick Read

Key points generated by AI, verified by newsroom

• બારી-બારણાં સંપૂર્ણ બંધ રાખો, બહારની ગરમ હવા પ્રવેશતા રોકો.
• સમયસર AC સર્વિસિંગ કરાવો, વીજળી બચાવો અને ઠંડક વધારો.
• ACનું તાપમાન 24 ડિગ્રી પર રાખો, વધુ ઠંડક વીજળી બિલ વધારે.
• AC સાથે સીલિંગ ફેન ચાલુ રાખો, હવા ઝડપી ફેલાવો.

AC Use Hacks: દેશના અનેક ભાગોમાં ગરમી એટલી બધી વધી ગઈ છે કે ઘરની બહાર નીકળવું મુશ્કેલ બની ગયું છે. 45 ડિગ્રીથી પાર પહોંચેલા તાપમાનમાં કુલર અને પંખા પણ નકામા સાબિત થઈ રહ્યા છે. હવે ગરમીથી રાહત મેળવવાનો એકમાત્ર રસ્તો AC જ બચ્યો છે. મોટાભાગના લોકોને એસી ચલાવતી વખતે વીજળીના બિલની ટેન્શન રહે છે. દરરોજ થોડા કલાકો સુધી એસી વાપરવાથી વીજળીનું બિલ ઘણું વધી જાય છે. તેથી લોકો ખૂબ જ સાચવીને એસી વાપરે છે. આજે અમે તમારા માટે કેટલાક એવા હેક્સ (Hacks) લાવ્યા છીએ, જે વીજળી પણ બચાવશે અને તમારા રૂમને મનાલી જેવો ઠંડો કરી દેશે.

 

ખૂબ કામ આવશે આ AC Use Hacks

બારી-બારણાં પૂરી રીતે બંધ રાખો: એસી વાપરતી વખતે વેન્ટિલેશનની જરૂર પડતી નથી. તેથી રૂમના બારી અને બારણાં પૂરી રીતે બંધ રાખો. જો બારી કે દરવાજો થોડો પણ ખુલ્લો હોય તો બહારની ગરમ હવા અંદરનું ટેમ્પરેચર વધારી શકે છે અને એસીએ કુલિંગ માટે વધુ મહેનત કરવી પડશે. આનાથી વીજળીનો વપરાશ વધે છે. રૂમને પૂરી રીતે પેક રાખીને તમે કુલિંગ વધારી શકો છો અને વીજળીનો વપરાશ પણ ઘટાડી શકો છો.

એસીની જાળવણી પણ છે જરૂરી: દર વખતે ઉનાળો શરૂ થાય તે પહેલા એસીનું સર્વિસિંગ કરાવી લેવું ખૂબ જરૂરી છે. સર્વિસ ન થઈ હોય તો એસી વધુ વીજળી વાપરે છે અને કુલિંગ કાર્યક્ષમતા પણ ઘટી જાય છે. સર્વિસિંગ માટે હંમેશા પ્રોફેશનલ ટેકનિશિયનની મદદ લો.

સાચા ટેમ્પરેચરનો છે બધો ખેલ: ઘણા લોકોને લાગે છે કે એસીનું ટેમ્પરેચર ઓછું સેટ કરવાથી તે જલ્દી કુલિંગ કરે છે. તેથી લોકો 16 અથવા 18 ડિગ્રી પર એસી ચલાવે છે. આવું કરવાથી તમારો રૂમ જલ્દી ઠંડો નહીં થાય, પરંતુ વીજળીનું બિલ ચોક્કસ આસમાને પહોંચી જશે. ઓછું ટેમ્પરેચર જાળવી રાખવા માટે એસીએ વધુ કામ કરવું પડે છે. વીજળીની બચત અને યોગ્ય કુલિંગ માટે એસીનું તાપમાન 24 ડિગ્રી પર સેટ રાખવું જોઈએ.

એસીની સાથે સીલિંગ ફેન પણ વાપરો: આ રીત પણ ખૂબ જ કામની છે. સીલિંગ ફેન ચાલુ રાખવાથી એસીની ઠંડી હવા ઝડપથી આખા રૂમમાં ફેલાઈ જાય છે અને રૂમ જલ્દી ઠંડો થાય છે. આનાથી એસીએ રૂમ ઠંડો રાખવા માટે ઓછું કામ કરવું પડશે અને તેનાથી વીજળીનો વપરાશ પણ ઓછો થશે. તમે ઈચ્છો તો પંખાને ધીમી સ્પીડ પર પણ ચલાવી શકો છો.

 

આ પણ વાંચો

BSNL લાવ્યું 70 દિવસનો સૌથી સસ્તો પ્લાન, 3GB ડેટા સહિત મળશે આ લાભ

આ નંબરથી શરૂ થતા નકલી ઇન્ટરનેશનલ કોલથી સાવધાન! સરકારની મોટી ચેતવણી, 1 ભૂલ કરશે બેંક ખાલી