iPhone 12 સીરીઝમાં એપલ આ વખતે લાવી રહી છે બે સસ્તાં મૉડલ, જાણો ક્યારે થશે લૉન્ચ

કહેવાઇ રહ્યું છે કે આ સીરીઝ અંતર્ગત કંપની ચાર મૉડલ લૉન્ચ કરી શકે છે, જેમાં બે બેસિક મૉડલ હશે વળી કંપની બે હાઇ એન્ડ આઇફોન લૉન્ચ કરી શકે છે

નવી દિલ્હીઃ ટેક જાયન્ટ એપલ પોતાની આઇફોન 12 સીરીઝને જલ્દી લૉન્ચ કરી શકે છે. આઇફોન 12 સીરીઝને લઇને કેટલીય વાર લીક્સ સામે આવી છે. હવે તેની સાથે જોડાયેલી એક મોટી જાણકારી સામે આવી છે. કહેવાઇ રહ્યું છે કે આ સીરીઝ અંતર્ગત કંપની ચાર મૉડલ લૉન્ચ કરી શકે છે, જેમાં બે બેસિક મૉડલ હશે વળી કંપની બે હાઇ એન્ડ આઇફોન લૉન્ચ કરી શકે છે. બે સસ્તાં મૉડલ થશે લૉન્ચ એક રિપોર્ટ અનુસાર, એપલ આ વખતે નાની સ્ક્રીનની સાથે બે મૉડલ લૉન્ચ કરી શકે છે. આમાં 5.4 ઇંચ અને 6.1 ઇંચની ડિસ્પલે વાળા મૉડલ હોઇ શકે છે, પરંતુ આની કિંમત કેટલી હશે તેને લઇને કોઇ સત્તાવાર જાણકારી સામે આવી નથી. બે હાઇ એન્ડ આઇફોન થશે લૉન્ચ કંપની 12 સીરીઝમાં બેસિક મૉડલની સાથે બે હાઇ એન્ડ મૉડલ પણ લઇને આવી રહી છે, આની સાઇઝ 6.1 અને 6.7 ઇંચ હોઇ શકે છે. આમાં પહેલાથી એએલઇડી ડિસ્પ્લે આપવામાં આવશે. 6.7 ઇંચ વાળા મૉડલની પુરેપુરી લાઇનઅપનું સૌથી મોટુ મૉડલ હશે. દાવો છે કે આ કંપનીનુ અત્યાર સુધીનુ સૌથી મોટુ મૉડલ હશે. આઇફોન 12 મેડ ઇન ઇન્ડિયા હશે ઉલ્લેખનીય છે કે થોડાક દિવસો પહેલા એક રિપોર્ટ આવ્યો હતો, તે અનુસાર એપલ આઇફોન 12 લાઇન અપ ભારતમાં જ બનાવશે. કંપની આઇફોનના મેડ ઇન ઇન્ડિયા મૉડલ પોતાના બેગ્લુંરુના પ્લાન્ટમાં તૈયાર કરશે, અને આની સેલ આગામી વર્ષે શરૂ થશે. ભારતમાં ફોનના પ્રૉડક્શન થવાના કારણે નવા મૉડલ્સની કિંમતમાં પણ કમી આવી શકે છે.ભારતમાં આઇફોન 12નુ પ્રૉડક્શન ઓક્ટોબર, 2020થી શરૂ કરી શકાશે.