કઇ કંપની ભારતમાં સસ્તો અને 6000 mAh બેટરીવાળો ફોન લૉન્ચ કરશે, કેટલી હશે કિંમત, જાણો વિગતે

રિપોર્ટ છે કે વનપ્લસના આ નવા ફોનની ખાસિયત તેની 6,000 mAhની બેટરી અને ક્વાલૉકમ સ્નેપડ્રેગન 460 પ્રૉસેસર હશે, એટલુ જ નહીં કંપનીએ પોતાના નવા સ્માર્ટફોનનુ નામ કથિત રીતે “Clover” રાખ્યુ છે

નવી દિલ્હીઃ ચીનની સ્માર્ટફોન મેકર કંપની વનપ્લસ ભારતમાં એક સસ્તો અને દમદાર ફોન લૉન્ચ કરવાની તૈયારીમાં છે. કંપનીએ તાજેતરમાં જ વનપ્લસ નોર્ડને લૉન્ચ કર્યો છે, હવે કંપનીની નજર સસ્તો ફોન લાવવા પર છે. રિપોર્ટ છે કે વનપ્લસના આ નવા ફોનની ખાસિયત તેની 6,000 mAhની બેટરી અને ક્વાલૉકમ સ્નેપડ્રેગન 460 પ્રૉસેસર હશે, એટલુ જ નહીં કંપનીએ પોતાના નવા સ્માર્ટફોનનુ નામ કથિત રીતે “Clover” રાખ્યુ છે. રિપોર્ટનું માનવામાં આવે તો સૌથી પહેલા તેને અમેરિકામાં લોન્ચ કરવામાં આવશે, બાદમાં કંપની તેને વિશ્વના અન્ય દેશો અને ભારતમાં લોન્ચ કરશે. રિપોર્ટનું માનવામાં આવે તો અમેરિકામાં તેની કિંમત આશકે 200 ડૉલર (14,700 રૂપિયા) સુધી હશે. અનુમાન લગાવવામાં આવી રહ્યું છે કે OnePlus પોતાના આ ફોનમાં HD+ ડિસ્પ્લે અને 6,000 mAhની બેટરી સર્પોટ આપશે.

OnePlus Clover ની સ્પેસિફિકેશન એક રિપોર્ટ અનુસાર OnePlus Clover સ્માર્ટફોનમાં 6.52 ઈંચની HD+ (720x1,560 પિક્સલ) ડિસ્પ્લે આપવામાં આવશે. આ સાથે જ તેમાં ઓક્ટા-કોર ક્વાલકોમ સ્નૈપડ્રેગન 460 પ્રોસેસરનો ઉપયોગ થશે. તેમાં 4 GB રેમની સાથે 64 GB સુધી ફોનની સ્ટોરેજની ક્ષમતા હશે. જેમાં માઈક્રો એસડી કાર્ડનો ઉપયોગ કરી તેને વધારી શકાશે. આ હેન્ડસેટની એક ખાસીયત તેનો ટ્રિપલ રિયર કેમેરા સેટઅપ પણ હશે. જેમાં 13 મેગાપિક્સલનો પ્રાઈમરી કેમેરા સાથે 2 મેગાપિક્સલના બે અન્ય સેન્સર્સ હશે.