Redmi Note 17 માં મળશે 9000mAh ની દમદાર બેટરી? લોન્ચ પહેલા ફીચર્સ થયા લીક 

રેડમીની આ આગામી મિડ-બજેટ સ્માર્ટફોન સિરીઝમાં શક્તિશાળી 9,000mAh બેટરી હોવાની અપેક્ષા છે.

Redmi Note 17 માં મળશે 9000mAh ની દમદાર બેટરી?

Source : Xiaomi

Show Quick Read

Key points generated by AI, verified by newsroom

• Redmi Note 17 સિરીઝમાં 9,000mAh બેટરી, 1.5K ડિસ્પ્લે હશે.
• ક્વોલકોમ સ્નેપડ્રેગન 6 સિરીઝ પ્રોસેસર, વોટર-ડ્રોપ પ્રોટેક્શન મળશે.
• ઓગસ્ટ-સપ્ટેમ્બરમાં લોન્ચ થતા, પ્રો મેક્સમાં 10,000mAh બેટરી.

Redmi Note 17 સિરીઝ વિશે વિગતો બહાર આવવા લાગી છે. રેડમીની આ આગામી મિડ-બજેટ સ્માર્ટફોન સિરીઝમાં શક્તિશાળી 9,000mAh બેટરી હોવાની અપેક્ષા છે. તેના પ્રોસેસર વિશે પણ વિગતો જાહેર કરવામાં આવી છે. રેડમીએ તાજેતરમાં જ ભારતીય બજારમાં નોટ 15 SE લોન્ચ કર્યો હતો, જે રેડમી નોટ 15 સિરીઝનો સૌથી સસ્તો ફોનવ છે. આ રેડમી સિરીઝ ગયા વર્ષે ચીન સહિત વૈશ્વિક બજારોમાં રજૂ કરવામાં આવી હતી.

9,000mAh બેટરીવાળો ફોન

Redmi Note 17 સિરીઝ સંબંધિત લીક્સ ચીની ટિપસ્ટર ડિજિટલ ચેટ સ્ટેશન (DCS) દ્વારા માઇક્રોબ્લોગિંગ પ્લેટફોર્મ Weibo પર શેર કરવામાં આવી છે. રિપોર્ટ અનુસાર, આ નોટ સિરીઝ 9,000mAh બેટરી સાથે આવશે.  જે તેને અત્યાર સુધીની સૌથી શક્તિશાળી બેટરી સિરીઝ બનાવશે. તેમાં 1.5K રિઝોલ્યુશન ડિસ્પ્લે હશે અને તેને હાઇ-વોલ્યુમ ડ્યુઅલ સ્ટીરિયો સ્પીકર્સ સાથે પણ લોન્ચ કરવામાં આવશે.

લીક થયેલા રિપોર્ટ અનુસાર, આ સિરીઝ ડ્યૂરેબલ પણ હશે. તેમાં ફ્લેગશિપ-ગ્રેડ વોટર રેઝિસ્ટન્સ અને ડ્રોપ પ્રોટેક્શન હશે. આ સ્માર્ટફોન શ્રેણી ક્વોલકોમ સ્નેપડ્રેગન 6 સિરીઝ ચિપસેટ દ્વારા સંચાલિત હશે. તે Gen 5 ચિપસેટનો ઉપયોગ કરી શકે છે જે 4nm પ્રોસેસિંગ ટેકનોલોજીને સપોર્ટ કરે છે.

Redmi Note 17 Pro Max

ટિપસ્ટર એવો પણ દાવો કરે છે કે આ શ્રેણીમાં 10,000mAh બેટરી ધરાવતું મોડેલ શામેલ હોઈ શકે છે. તેને Redmi Note 17 Pro Max કહી શકાય. આ સ્માર્ટફોન શ્રેણી ઓગસ્ટ અથવા સપ્ટેમ્બરમાં લોન્ચ થઈ શકે છે. આ સ્માર્ટફોન શ્રેણી તાજેતરમાં EEC પ્રમાણપત્ર સાઇટ પર જોવા મળી છે અને GSMA પર પણ સૂચિબદ્ધ કરવામાં આવી છે.

Redmi ટૂંક સમયમાં ચીની બજારમાં K90 અલ્ટ્રા સ્માર્ટફોન લોન્ચ કરવા માટે પણ તૈયાર છે. આ ફોન તાજેતરમાં પ્રી-ઓર્ડર માટે ઉપલબ્ધ કરાવવામાં આવ્યો હતો. Redmi K90 Ultra વિશે અગાઉના લીક્સ અનુસાર, આ ફોનમાં ક્વોલકોમ સ્નેપડ્રેગન 8 Elite ચિપસેટ હોઈ શકે છે. આ ચિપસેટનો ઉપયોગ આ વર્ષે લોન્ચ થયેલા લગભગ તમામ ફ્લેગશિપ ફોનમાં થાય છે. વધુમાં, ફોનમાં બિલ્ટ-ઇન એક્ટિવ ફેન છે જે ઓવરહિટીંગને રોકવામાં મદદ કરે છે. 

આ પણ વાંચો- Realme એ લોન્ચ કર્યો 8000mAh બેટરીવાળો સસ્તો ફોન, મળે છે શાનદાર ફીચર્સ 

Redmi Note 17 ફોન લાઇનઅપ સૌપ્રથમ યુરેશિયન ઇકોનોમિક કમિશન (EEC) સર્ટિફિકેશન ડેટાબેઝ પર દેખાયો હતો, જે વૈશ્વિક લોન્ચનો સંકેત આપે છે. લિસ્ટિંગમાં દાવો કરવામાં આવ્યો હતો કે શાઓમીએ તેના સત્તાવાર લોન્ચના મહિનાઓ પહેલા તેની ન્યૂ જનરેશન  નોટ શ્રેણી માટે તૈયારી શરૂ કરી દીધી હતી.

આ પણ વાંચો

Realme એ લોન્ચ કર્યો 8000mAh બેટરીવાળો સસ્તો ફોન, મળે છે શાનદાર ફીચર્સ