Vivo V80 Lite 5G ગ્લોબલી લોન્ચ, મળશે 10000mAh ની દમદાર બેટરી

Vivo એ પોતાનો પહેલો 10,000mAh બેટરીવાળો ફોન ગ્લોબલી લોન્ચ કરી દીધો છે. વીવોનો આ ફોન V80 Lite 5G નામે રજૂ કરવામાં આવ્યો છે. તેને ત્રણ સ્ટોરેજ વેરિયન્ટ્સમાં ઉતારવામાં આવ્યો છે.

Vivo V80 Lite 5G લોન્ચ

Source : chatgpt

Show Quick Read

Key points generated by AI, verified by newsroom

• Vivo V80 Lite 5G 10,000mAh બેટરી સાથે વૈશ્વિક સ્તરે લોન્ચ.
• ફોનમાં 6.83-ઈંચ AMOLED ડિસ્પ્લે, Dimensity 7300e પ્રોસેસર છે.
• તેમાં 50MP કેમેરા, 44W ફાસ્ટ ચાર્જિંગ, IP69 રેટિંગ મળશે.

Vivo V80 Lite 5G ગ્લોબલી લોન્ચ થઈ ગયો છે. ચીની બ્રાન્ડનો આ ફોન 10,000mAh ની દમદાર બેટરી સાથે આવે છે. કંપનીએ પહેલાથી જ આ ફોન મલેશિયામાં પ્રી-ઓર્ડર માટે ઉપલબ્ધ કરાવી દીધો છે. આ પહેલા કંપનીનો આ ફોન પાકિસ્તાનમાં લોન્ચ કરવામાં આવ્યો હતો. જોકે, પાકિસ્તાનમાં લોન્ચ થયેલા મોડેલમાં 7050mAh ની બેટરી મળે છે અને તે ભારતમાં લોન્ચ થયેલા Vivo S2 નો રીબ્રાન્ડ મોડેલ છે.

 

Vivo V80 Lite 5G ની કિંમત

ચીની કંપનીએ હાલમાં ફોનની કિંમત અને સેલ ડેટ વગેરે જાહેર કર્યા નથી. વીવોનો આ સ્માર્ટફોન ત્રણ સ્ટોરેજ વેરિયન્ટ્સ- 6GB RAM + 128GB, 6GB RAM + 256GB અને 8GB RAM + 256GB માં આવે છે. ફોન મલેશિયામાં બ્લેક, ગ્રીન અને પિંક એમ ત્રણ કલર ઓપ્શનમાં વેચાણ માટે ઉપલબ્ધ કરાવવામાં આવશે. તેને કંપનીની ઓફિશિયલ વેબસાઇટ પરથી જ ખરીદી શકાશે. રિપોર્ટ મુજબ, વીવોનો આ સ્માર્ટફોન મિડ-પ્રાઇસ રેન્જમાં આવી શકે છે.

Vivo V80 Lite 5G ના ફીચર્સ

વીવોનો આ ફોન 6.83 ઈંચના 1.5K રિઝોલ્યુશન વાળા AMOLED ડિસ્પ્લે સાથે આવે છે. ફોનનો ડિસ્પ્લે 120Hz રિફ્રેશ રેટ અને 1260 x 2800 પિક્સલ રિઝોલ્યુશનને સપોર્ટ કરે છે. ફોનના ડિસ્પ્લેની પીક બ્રાઇટનેસ 2000 nits સુધીની છે. આ ફોન IP68 + IP69 રેટેડ છે, જેના કારણે પાણીમાં ડૂબવાથી કે પલાળવાથી તે ખરાબ નહીં થાય. તેમાં Android 16 પર બેઝ્ડ OriginOS મળે છે.

Vivo V80 Lite 5G	ફીચર્સ
ડિસ્પ્લે	6.83 ઈંચ, 1.5K AMOLED, 120Hz
પ્રોસેસર	MediaTek Dimensity 7300e
સ્ટોરેજ	8GB, 256GB
બેટરી	10000mAh, 44W
કેમેરા	50MP + 2MP, 32MP
OS	Android 16, OriginOS 6

 

Vivo V80 Lite 5G ફોનમાં કંપનીએ MediaTek Dimensity 7300e ચિપસેટનો ઉપયોગ કર્યો છે, જેની સાથે 8GB રેમ અને 256GB સુધીના ઈન્ટરનલ સ્ટોરેજનો સપોર્ટ મળશે. ફોનમાં સિક્યુરિટી માટે ઈન-ડિસ્પ્લે ફિંગરપ્રિન્ટ સેન્સર અને ફેસ અનલોક જેવા ફીચર્સ આપવામાં આવ્યા છે. તેના બેક સાઈડમાં ડ્યુઅલ કેમેરા સેટઅપ મળે છે. ફોનમાં 50MP નો મેઈન અને 2MP નો મેક્રો કેમેરા મળશે. સેલ્ફી અને વીડિયો કૉલિંગ માટે ફોનમાં 32MP નો કેમેરા આપવામાં આવ્યો છે.

આ ફોન 10,000mAh ની જંબો બેટરી સાથે લોન્ચ કરવામાં આવ્યો છે. તેને ચાર્જ કરવા માટે 44W વાયર્ડ ફાસ્ટ ચાર્જિંગનો સપોર્ટ મળે છે. કનેક્ટિવિટી માટે તેમાં 5G, 4G LTE, ડ્યુઅલ બેન્ડ WiFi, Bluetooth 5.4, USB Type C જેવા ફીચર્સ આપવામાં આવ્યા છે.

આ પણ વાંચો

Tech Guide: Smart TVનું Mic બની શકે છે પ્રાઇવસીનો ખતરો, આ રીતે બચો

OnePlus Nord CE 6 પર મોટો પ્રાઇસ ડ્રોપ, અહીં મળી રહ્યું છે જબરદસ્ત ડિસ્કાઉન્ટ