મેટા સીઈઓ માર્ક ઝુકરબર્ગે પોતાની વોટ્સએપ ચેનલ પર Incognito ચેટ ફીચરની જાહેરાત કરી છે.
શોધખોળ કરો
WhatsApp માં આવી ગયું Incognito Chat ફીચર, હવે દિલ ખોલીને કરો AI સાથે ચેટ
WhatsApp Incognito Chat: હવે તમે મેસેજિંગ પ્લેટફોર્મ WhatsApp પર Meta AI સાથે ચેટ કરતી વખતે સંપૂર્ણ પ્રાઈવસીનો આનંદ માણી શકશો. આના માટે કંપનીએ 'Incognito Chat' નામનું એક નવું ફીચર લોન્ચ કર્યું છે.
વોટ્સએપ ઇન્કોગ્નિટો ચેટ
Source : social media
- WhatsApp પર Meta AI સાથે હવે 'ઇનકોગ્નીટો ચેટ' મોડ ઉપલબ્ધ.
- આ સુવિધા Meta AI સાથેની વાતચીતને ખાનગી રાખશે.
- ઝુકરબર્ગે જાહેરાત કરી, ચેટ સર્વર પર સેવ નહીં થાય.
- વપરાશકર્તાઓને આ નવી પ્રાઈવસી સુવિધાનો અનુભવ મળશે.
WhatsApp Incognito Chat: Meta એ તેના મેસેજિંગ પ્લેટફોર્મ WhatsApp માટે એક નવું ફીચર રોલ આઉટ કર્યું છે. હવે તમે આ પ્લેટફોર્મ પર AI સાથે દિલ ખોલીને વાતો કરી શકશો અને કોઈ તમારી ચેટિંગ વાંચી લેશે તેવી ટેન્શન લેવાની જરૂર નથી. હવે WhatsApp પર Meta AI સાથે વાત કરવા માટે તમે Incognito Chat મોડ ઓન કરી શકો છો. આ તમને પૂરેપૂરી પ્રાઈવસી આપશે. મેટાનું કહેવું છે કે આ મોડમાં થયેલી વાતચીત કંપનીના સર્વર પર સ્ટોર કરવામાં આવશે નહીં. WhatsApp ની સાથે સાથે Meta AI એપ પર પણ આ ફીચર લોન્ચ કરવામાં આવ્યું છે.
ખુદ ઝુકરબર્ગે કરી Incognito Chat ફીચરની જાહેરાત
મેટા સીઈઓ માર્ક ઝુકરબર્ગે પોતાની વોટ્સએપ ચેનલ પર આ ફીચરની જાહેરાત કરી છે. તેમણે કહ્યું કે આ AI સાથે વાત કરવાની એક પ્રાઈવેટ રીત છે, જે એન્ડ-ટુ-એન્ડ એન્ક્રિપ્ટેડ મેસેજિંગની જેમ કામ કરશે. ઝુકરબર્ગે કહ્યું કે WhatsApp અને Meta AI એપ સાથે આની શરૂઆત થઈ રહી છે અને ત્યારબાદ મેટા અને વોટ્સએપ સહિત કોઈ પણ તમારી ચેટિંગ વાંચી શકશે નહીં. અહીં એ ધ્યાન આપવા જેવી બાબત છે કે યુઝર્સને ઇનકોગ્નિટો ચેટિંગનો ઓપ્શન માત્ર Meta AI સાથે જ મળશે. બાકીના કોન્ટેક્ટ્સ સાથે ચેટિંગ કરતી વખતે એન્ડ-ટુ-એન્ડ એન્ક્રિપ્શન લાગુ રહેશે.
કેવી રીતે કામ કરશે Incognito Chat ફીચર?
મેટાના જણાવ્યા અનુસાર, આ ફીચર એક ટ્રસ્ટેડ એક્ઝીક્યુશન એન્વાયરમેન્ટ (TEE) માં AI વિનંતીઓને પ્રોસેસ કરે છે. આ કારણે મેટા અથવા વોટ્સએપ તેને એક્સેસ કરી શકશે નહીં. આ સિવાય સેશન પૂરું થયા પછી આ વાતચીત યુઝરના ફોનમાંથી પણ ગાયબ થઈ જશે. ઝુકરબર્ગનું કહેવું છે કે આ જ બાબત આ ફીચરને બાકીની ડિસએપીયરિંગ (અદ્રશ્ય થતી) AI ચેટ સર્વિસિસથી અલગ બનાવે છે, જ્યાં વાતચીતના લોગ્સને મહિનાઓ સુધી સર્વર પર સેવ રાખવામાં આવી શકે છે.
કેમ પડી Incognito Chat ફીચરની જરૂર?
આ ફીચરની જરૂરિયાત જણાવતા ઝુકરબર્ગે કહ્યું કે AI સિસ્ટમ અને AI ટૂલ્સ હવે પર્સનલ કામો માટે પણ યુઝ થવા લાગ્યા છે અને આ કારણે યુઝર્સને તેમની સાથે વાતચીત કરતી વખતે પ્રાઈવસીની જરૂર છે. પર્સનલ સુપરઇન્ટેલિજન્સનો વધુમાં વધુ ફાયદો ઉઠાવવા માટે આપણને સંવેદનશીલ વિષયો પર ચર્ચા કરવા માટે એવી રીતોની જરૂર છે, જેનાથી તેને અન્ય કોઈ એક્સેસ ન કરી શકે. કંપનીએ અત્યારે આ ફીચરને WhatsApp અને Meta AI એપ પર રોલ આઉટ કરવાનું શરૂ કરી દીધું છે. જોકે, આ માહિતી મળી નથી કે તેને કયા-કયા દેશોમાં લોન્ચ કરવામાં આવશે.
Frequently Asked Questions
Incognito ચેટ ફીચર કોણે જાહેરાત કર્યું?
Incognito ચેટ ફીચર કેવી રીતે કામ કરે છે?
આ ફીચર AI વિનંતીઓને ટ્રસ્ટેડ એક્ઝીક્યુશન એન્વાયરમેન્ટ (TEE) માં પ્રોસેસ કરે છે, જેથી મેટા કે વોટ્સએપ તેને એક્સેસ કરી શકતું નથી. સેશન પૂરું થયા પછી ચેટ યુઝરના ફોનમાંથી પણ ગાયબ થઈ જાય છે.
Incognito ચેટ ફીચર શા માટે જરૂરી છે?
AI સિસ્ટમનો પર્સનલ કામો માટે ઉપયોગ વધતાં યુઝર્સને તેની સાથે વાતચીત કરતી વખતે પ્રાઈવસીની જરૂર છે. આ ફીચર સંવેદનશીલ વિષયો પર ચર્ચા કરવા માટે સુરક્ષિત માધ્યમ પૂરું પાડે છે.
ટોપ સ્ટોરી
ગેજેટ
10,000mAh બેટરી સાથે Redmi Note 17 Pro સિરીઝ લોન્ચ; 100W ફાસ્ટ ચાર્જિંગ સાથે ભારતમાં થઈ એન્ટ્રી!
ગેજેટ
ટૉપ 3 boAt ડ્યૂઅલ સબવૂફર સાઉન્ડબાર: સ્પેશિફિકેશન્સ, કિંમત અને બીજુ ઘણુબધુ
ગેજેટ
જૂનો iPhone ક્યાં વેચવો? આ વેબસાઇટ્સ પર મળી શકે સારો ભાવ
ગેજેટ
QR સ્કેન કર્યા વગર હવે થશે પેમેન્ટ! જાણો કેવી રીતે કામ કરશે UPIનું નવું 'Tap & Pay' ફીચર?
ટ્રેન્ડિંગ સમાચાર
