એલન મસ્કની ચેતવણી, વોર્નિંગ વિના સસ્પેન્ડ થશે Twitter પૈરોડી એકાઉન્ટ્સ, નામ બદલ્યું તો હટી જશે બ્લૂ ટિક!

ટ્વિટરના નવા માલિક એલન મસ્કે ફરી એકવાર ટ્વિટર વિશે નવા અપડેટની જાણકારી આપી છે

પ્રતિકાત્મક તસવીર

Twitter account suspended: ટ્વિટરના નવા માલિક એલન મસ્કે ફરી એકવાર ટ્વિટર વિશે નવા અપડેટની જાણકારી આપી છે. હવે મસ્કે ટ્વિટર એકાઉન્ટ સસ્પેન્ડ કરવા અંગે ટ્વિટ કરીને મોટી જાહેરાત કરી છે. તેમનું કહેવું છે કે દરેક એકાઉન્ટ જે પોતાની ઓળખ બદલશે તેને સસ્પેન્ડ કરવામાં આવશે. હવે આ અંગે વધુ ચેતવણી આપવામાં આવશે નહીં. સીધું એકાઉન્ટ સસ્પેન્ડ કરવામાં આવશે.

મસ્કે કહ્યું કે જો પૈરોડી એકાઉન્ટ હોય તો સ્પષ્ટપણે લખવું જોઈએ કે તે પૈરોડી એકાઉન્ટ છે. જો આ લખવામાં નહીં આવે તો એકાઉન્ટ સસ્પેન્ડ કરવામાં આવશે, જે કોઈ બીજાના નામ અથવા ફોટોનો ઉપયોગ કરતું હશે.

Going forward, any Twitter handles engaging in impersonation without clearly specifying “parody” will be permanently suspended

— Elon Musk (@elonmusk) November 6, 2022

 

એલને અન્ય એક ટ્વીટમાં કહ્યું હતું કે નામમાં કોઈ પણ પ્રકારનો ફેરફાર તમારા વેરિફાઈડ એકાઉન્ટને નુકસાન પહોંચાડી શકે છે.

મસ્ક મોટા ફેરફાર કરી રહ્યા છે

સોશિયલ મીડિયા પ્લેટફોર્મ ટ્વિટરના નવા માલિક એલન મસ્ક સતત કેટલાક ફેરફારો કરી રહ્યા છે. આ પહેલા 1 નવેમ્બરના રોજ એલને ટ્વિટર બ્લૂ ટિકધારકોને મોટો ઝટકો આપ્યો હતો. તેમણે કહ્યું કે હવે તેમણે બ્લૂ માટે દર મહિને 8 ડોલર ચૂકવવા પડશે. આ સાથે તેમણે ઘણા કર્મચારીઓને નોકરીમાંથી પણ કાઢી મૂક્યા છે.

જો કે, ટ્વિટર કર્મચારીઓને કાઢી મૂકવા પર તેમણે સ્પષ્ટતા કરી હતી કે તેમની પાસે કોઈ રસ્તો બચ્યો નથી. કારણ કે કંપનીને એક દિવસમાં 4 મિલિયન ડોલરનું નુકસાન થઈ રહ્યું છે. મસ્કે એમ પણ કહ્યું હતું કે તમામ બરતરફ કરાયેલા કર્મચારીઓને ત્રણ મહિનાના પૈસા મળશે, જે કાયદાકીય મર્યાદા કરતાં 50 ટકા વધુ છે.

આ સિવાય જો કોઈ ટ્વિટર યુઝરનેમ બદલશે તો તેની બ્લૂ ટિક અસ્થાયી રૂપે હટાવી દેવામાં આવશે. તાજેતરમાં એવું પણ જોવા મળ્યું છે કે ઘણા એવા એકાઉન્ટ્સ સસ્પેન્ડ કરવામાં આવ્યા છે જે કોઈ બીજાના પૈરોડી એકાઉન્ટ તરીકે કામ કરી રહ્યા છે.