Googleના નવા Live AI ફીચર્સની એન્ટ્રી! હવે બોલીને થઈ જશે તમામ કામ, જાણો કેવી રીતે
Googleના નવા Live AI ફીચર્સથી Gmail, Docs અને Keepમાં કામ વધુ સરળ બનશે. હવે માત્ર બોલીને ઈમેલ શોધી શકશો, ડોક્યુમેન્ટ બનાવી શકશો અને નોટ્સને વ્યવસ્થિત કરી શકશો.
Googleએ પોતાના AI ઇકોસિસ્ટમને વધુ સરળ બનાવવાની દિશામાં મોટું પગલું ભર્યું છે. કંપનીએ Gmail Live, Docs Live અને Keep Live ફીચર્સનું રોલઆઉટ શરૂ કરી દીધું છે. આ ફીચર્સની જાહેરાત Google I/O 2026 દરમિયાન કરવામાં આવી હતી અને છેલ્લા કેટલાક સમયથી તેનું ટેસ્ટિંગ ચાલી રહ્યું હતું. હવે આ ફીચર્સ સામાન્ય યુઝર્સ માટે ઉપલબ્ધ કરાવવામાં આવી રહ્યા છે.
આ ત્રણેય ફીચર્સની ખાસિયત એ છે કે, યુઝરે દરેક કામ માટે સ્ક્રીન પર ટાઈપ કરવાની જરૂર નહીં પડે. Geminiની મદદથી Gmail, Google Docs અને Google Keep સાથે અવાજ દ્વારા વાતચીત કરી શકાશે.
Docs Live બનશે તમારો AI કો-રાઇટર
Google Docs Liveને કંપની એક પ્રકારના હેન્ડ્સ-ફ્રી AI પાર્ટનર તરીકે રજૂ કરી રહી છે. તેનો ઉપયોગ શરૂઆતનો ડ્રાફ્ટ તૈયાર કરવા, સમરી બનાવવા, પ્રપોઝલ લખવા અને અન્ય ડોક્યુમેન્ટ તૈયાર કરવા માટે કરી શકાશે.
તેની ખાસિયત એ છે કે Gemini માત્ર Docsમાં રહેલી માહિતી સુધી મર્યાદિત નહીં રહે. જરૂર પડ્યે તે Gmail, Drive, Chat અને વેબ પરથી મળતી માહિતીનો પણ ઉપયોગ કરી શકે છે. ડોક્યુમેન્ટ તૈયાર કરતા પહેલાં Gemini ઉપલબ્ધ માહિતીનો ટૂંકો રિકેપ પણ બતાવશે.
ત્યારબાદ યુઝર બોલીને જણાવી શકશે કે કઈ પ્રકારની માહિતી ઉમેરવાની છે અને ડોક્યુમેન્ટનું ફોર્મેટ કેવું રાખવાનું છે. Google Docs એપમાં ફ્લોટિંગ એક્શન બટન દબાવ્યા બાદ Create with voice ઓપ્શન દેખાશે. તેના દ્વારા Docs Live શરૂ કરી શકાશે.
આ પણ વાંચો: Vivo V80 Lite 5G ગ્લોબલી લોન્ચ, મળશે 10000mAh ની દમદાર બેટરી
Gmail Liveથી ઈનબોક્સ સાથે કરો વાતચીત
મીડિયા રિપોર્ટ અનુસાર, Gmail Liveનો હેતુ ઈમેલ શોધવા અને સમજવાની પ્રક્રિયાને સરળ બનાવવાનો છે. હવે જૂના ઈમેલ અથવા લાંબી ઈમેલ થ્રેડમાં માહિતી શોધવા માટે એક પછી એક મેસેજ વાંચવાની જરૂર નહીં પડે.
યુઝર Gmail Liveને સીધો સવાલ પૂછી શકશે અને Gemini ઈનબોક્સમાં રહેલી માહિતીના આધારે જવાબ આપશે. તેની ખાસ વાત એ છે કે વાતચીત દરમિયાન વારંવાર સંપૂર્ણ વિગતો જણાવવાની પણ જરૂર નહીં પડે.
જો વાતચીત દરમિયાન વિષય બદલવો હોય તો તેને તરત રોકી પણ શકાય છે. ફુલ-સ્ક્રીન ઈન્ટરફેસમાં વાતચીતનું ટ્રાન્સક્રિપ્ટ જોવા મળશે અને જવાબની સાથે સંબંધિત ઈમેલની લિંક્સ પણ મળશે.
તેનો ઉપયોગ કરવા માટે Gmail એપના સર્ચ બારમાં દેખાતા નવા Live આઇકોન પર ટેપ કરવાનું રહેશે. હાલમાં આ સુવિધા Android અને iOS પર અંગ્રેજી ભાષામાં વિશ્વભરના Google AI Plus, Pro અને Ultra યુઝર્સ માટે ઉપલબ્ધ છે.
Keep Liveમાં બોલતાં જ બનશે નોટ્સ અને લિસ્ટ
Google Keep Live એવા લોકો માટે ઉપયોગી સાબિત થઈ શકે છે જેમને અચાનક કોઈ આઈડિયા, કામ અથવા જરૂરી વસ્તુ યાદ આવે છે. તેમાં યુઝર કોઈ ચોક્કસ ફોર્મેટ વગર પોતાની વાત બોલી શકે છે અને Gemini તે ઓડિયોને સમજીને વ્યવસ્થિત લિસ્ટ તૈયાર કરી શકે છે.
ઉદાહરણ તરીકે, જો તમે કહો કે તમને પેસ્ટો પાસ્તા બનાવવા માટે જરૂરી સામાન ખરીદવાનો છે, તો Keep Live તમારી વાત સમજીને સંબંધિત શોપિંગ લિસ્ટ તૈયાર કરી શકે છે. એક જ સેશનમાં અનેક નોટ્સ બનાવી શકાય છે. એટલું જ નહીં, યુઝર બાદમાં અવાજ દ્વારા નોટમાં ફેરફાર પણ કરી શકશે.
હાલમાં કયા યુઝર્સને મળશે આ ફીચર્સ?
Keep Live હાલમાં Android ડિવાઇસ પર ઉપલબ્ધ છે અને તેના માટે Google AI Plusનું અપડેટેડ વર્ઝન, Pro અથવા Ultra સબસ્ક્રિપ્શન જરૂરી છે. બીજી તરફ, Gmail Live અને Docs Liveની ઉપલબ્ધતા AI પ્લાનના આધારે નક્કી કરવામાં આવી રહી છે.
Googleએ એ પણ જણાવ્યું છે કે Gmail Live, Docs Live અને Keep Liveને ટૂંક સમયમાં Google Workspaceના બિઝનેસ યુઝર્સ માટે પણ ઉપલબ્ધ કરવામાં આવશે
ટોપ સ્ટોરી
ટ્રેન્ડિંગ સમાચાર
