Jio, Airtel અને BSNL એ એકસાથે રમી આ ચાલ? તમારા પ્રીપેડ પ્લાનમાં થઈ ગયા મોંઘા, જાણો વિગતે

Jio Airtel BSNL price hike 2026: ટેલિકોમ કંપનીઓએ ચૂપચાપ પ્રીપેડ પ્લાનમાં કર્યો મોટો ફેરફાર; કિંમતો વધારી, વેલિડિટી ઘટાડી અને મળતા ફાયદાઓ પણ પાછા ખેંચી લીધા, જાણો નવા પ્લાનની પૂરી વિગતો.

Jio Airtel BSNL Plan Update Mobile Bills Get Expensive in April 2026

Source : ai

Show Quick Read

Key points generated by AI, verified by newsroom

• જિયોએ ક્રિકેટ ડેટા પેકની વેલિડિટી ઘટાડી, 30 દિવસનું પ્રમાણભૂત કર્યું.
• એરટેલનો 859 રૂપિયાનો પ્લાન મોંઘો થયો, RewardsMini સબ્સ્ક્રિપ્શન રદ કરાયું.
• BSNL સસ્તા પ્લાનની વેલિડિટી ઘટાડી, 107 અને 197 રૂપિયાના પ્લાનમાં ફેરફાર.
• ટેલિકોમ કંપનીઓ દ્વારા પ્રીપેડ રિચાર્જ પ્લાનમાં ભાવ વધારા અને લાભ ઘટાડાની અસર.

Jio Airtel BSNL price hike 2026: જો તમે રિલાયન્સ જિયો (Jio), એરટેલ (Airtel) કે BSNL ના પ્રીપેડ યુઝર છો, તો તમારા માટે આ એક ખરાબ સમાચાર સાબિત થઈ શકે છે. ભારતમાં ટેલિકોમ કંપનીઓએ ચૂપચાપ તેમના પ્રીપેડ રિચાર્જ પ્લાન્સમાં મોટા ફેરફારો કરી દીધા છે. આ નવા સુધારા હેઠળ કંપનીઓએ રિચાર્જની કિંમતોમાં વધારો કર્યો છે, પેકની વેલિડિટી (માન્યતા) ઘટાડી છે અને કેટલાક પ્લાનમાં મળતા વધારાના ફાયદાઓ પણ કાપી નાખ્યા છે. પહેલી નજરે આ ફેરફારો કદાચ નાના લાગી શકે, પરંતુ જે લોકો રોજબરોજની કનેક્ટિવિટી અને મનોરંજન માટે સસ્તા પ્રીપેડ પ્લાન પર આધાર રાખે છે, તેમના માસિક બજેટ પર આની સીધી અને મોટી અસર પડવાની છે.

ચાલો જાણીએ કઈ કંપનીએ પોતાના પ્લાનમાં શું ફેરફાર કર્યા છે:

Jio (રિલાયન્સ જિયો) ના પ્લાનમાં કાપ

જિયોએ તેના 195 રૂપિયાના ક્રિકેટ ડેટા પેકની વેલિડિટી સીધી 90 દિવસથી ઘટાડીને માત્ર 30 દિવસ કરી નાખી છે. જોકે, તેમાં હજુ પણ 15GB ડેટા અને 90 દિવસનું JioHotstar મોબાઇલ સબ્સ્ક્રિપ્શન મળે છે, પરંતુ તેમાં વૉઇસ કૉલિંગ કે SMS ની સુવિધા આપવામાં આવતી નથી.

અન્ય ક્રિકેટ પેકમાં પણ મોટા ફેરફાર થયા છે. હવે 100 રૂપિયાના પ્લાનમાં 30 દિવસ માટે 6GB ડેટા, 79 રૂપિયાના પ્લાનમાં 30 દિવસ માટે 3GB ડેટા અને 149 રૂપિયાના પેકમાં 90 દિવસના સબ્સ્ક્રિપ્શન સાથે માત્ર 10GB ડેટા આપવામાં આવે છે. મોટાભાગના પ્લાન માટે હવે 30 દિવસ એ સ્ટાન્ડર્ડ મહત્તમ વેલિડિટી બની ગઈ છે.

Airtel (ભારતી એરટેલ) ના યુઝર્સને મોટો ફટકો

એરટેલે તેના લોકપ્રિય 84 દિવસના પ્રીપેડ પ્લાનને વધુ મોંઘો કરી દીધો છે. અગાઉ મળતો 799 રૂપિયાનો પ્લાન કંપનીએ સાવ હટાવી જ દીધો છે.

જે 859 રૂપિયાનો 'ટ્રુલી અનલિમિટેડ પ્લાન' હતો, તે હવે મોંઘો કરીને 899 રૂપિયાનો કરી દેવામાં આવ્યો છે. આ સુધારેલા પ્લાનમાં દરરોજ 1.5GB ડેટા, અનલિમિટેડ કૉલ્સ અને 100 SMS મળે છે. ડેટા લિમિટ પૂરી થયા બાદ સ્પીડ ઘટીને 64 Kbps થઈ જશે.

સૌથી મોટો ફટકો એ છે કે આ પ્લાનમાંથી 'RewardsMini' સબ્સ્ક્રિપ્શન કાઢી નાખવામાં આવ્યું છે (જે અગાઉ 80 રૂપિયા સુધીનું માસિક કેશબેક આપતું હતું). આ અંગે કંપનીએ કોઈ સત્તાવાર ખુલાસો પણ કર્યો નથી. એટલે કે યુઝર્સે હવે વધુ પૈસા ચૂકવીને ઓછા લાભ મેળવવા પડશે.

BSNL ના સસ્તા પ્લાનની વેલિડિટી ઘટી

સરકારી કંપની BSNL પણ હવે પોતાની સસ્તી ઓફરોની વેલિડિટી ઘટાડી રહી છે. પહેલા જે 107 રૂપિયાના વાઉચરમાં 35 દિવસની વેલિડિટી મળતી હતી, તે ઘટાડીને 22 દિવસ કરાઈ હતી અને હવે તે માત્ર 20 દિવસ જ કરી દેવામાં આવી છે.

તેવી જ રીતે, 197 રૂપિયાના પ્લાનની વેલિડિટી 42 દિવસથી ઘટાડીને 35 દિવસ કરી દેવાઈ છે. (જોકે તેમાં સારી વાત એ છે કે હવે 4GB ને બદલે 5GB ડેટા મળે છે). બંને પ્લાનમાં ડેટા લિમિટ પૂરી થયા પછી પણ ધીમી ગતિએ અનલિમિટેડ ડેટા ચાલુ રહેશે. પરંતુ વેલિડિટી ઘટવાનો સીધો અર્થ એ છે કે તમારે હવે વહેલા રિચાર્જ કરાવવું પડશે.

આ પણ વાંચો

સ્માર્ટફોનમાં વાયરસ કે UPI ફ્રોડનો ડર ભૂલી જાવ! આજે જ ડાઉનલોડ કરો આ ખાસ સરકારી એપ