2025માં Jioનો વધુ એક ધમાકો, કરોડો યુઝર્સને 2 વર્ષ સુધી ફ્રીમાં મળશે આ સુવિધા
Jio Air Fiber અને Jio Fiber યુઝર્સ માટે શાનદાર ઓફર, પસંદગીના પ્લાન્સ સાથે 24 મહિના સુધી જાહેરાત-મુક્ત YouTubeનો આનંદ માણો.
Jio new offer 2025: રિલાયન્સ જિયોએ 2025ની શરૂઆતમાં જ તેના કરોડો ગ્રાહકો માટે એક મોટી ભેટ (Jio Offers) આપી છે. કંપની હવે તેના પસંદ કરેલા Jio Air Fiber અને Jio Fiber યુઝર્સને બે વર્ષ માટે YouTube પ્રીમિયમનું મફત સબ્સ્ક્રિપ્શન ઓફર કરી રહી છે. આ ઓફરથી લાખો યુઝર્સને જાહેરાત વિના YouTube પર વિડિયો જોવાનો લાભ મળશે.
49 કરોડથી વધુ વપરાશકર્તાઓ ધરાવતી દેશની સૌથી મોટી ટેલિકોમ કંપની જિયોએ (Reliance Jio) આ ઓફર 11 જાન્યુઆરી, 2025થી શરૂ કરી છે. જે યુઝર્સ Jio Air Fiber અથવા Jio Fiberનો ઉપયોગ કરે છે, તેઓ હવે 24 મહિના સુધી જાહેરાતો વિના YouTube પર વિડિયો સ્ટ્રીમ કરી શકશે.
ભારતમાં YouTube પ્રીમિયમની શરૂઆતની કિંમત ₹149 છે, પરંતુ જિયોની આ ઓફરથી યુઝર્સને આ ખર્ચમાંથી મુક્તિ મળશે. આ ઓફર બાદ યુઝર્સે YouTube પર વારંવાર આવતી જાહેરાતોથી પરેશાન થવું નહીં પડે.
આ નવી ઓફર લોન્ચ કર્યા બાદ રિલાયન્સ જિયોએ પણ સોશિયલ મીડિયા પ્લેટફોર્મ X પર પોસ્ટ કરીને તેના વિશે યુઝર્સને જાણ કરી હતી. સબ્સ્ક્રિપ્શન પ્લાન ખરીદ્યા પછી, તમે જાહેરાત મુક્ત સામગ્રી સાથે ઑફલાઇન મોડમાં વિડિઓઝ જોવા માટે સમર્થ હશો. મતલબ, જો તમારા મોબાઈલમાં ઈન્ટરનેટ કનેક્શન ન હોય તો પણ તમે YouTube વીડિયો જોઈ શકશો. જો કે, તમે ફક્ત તે જ વિડિઓઝ જોઈ શકશો જે ડાઉનલોડ કરેલ છે. તમને જણાવી દઈએ કે જો તમે YouTube પ્રીમિયમના સભ્ય નથી, તો તમારે ડાઉનલોડ કરેલા વીડિયો જોવા માટે પણ ડેટાની જરૂર પડશે.
Enjoy ad-free YouTube on your big screen with JioAirFiber & JioFiber.
— Reliance Jio (@reliancejio) January 11, 2025
Get 24 months of YouTube Premium today.#JioAirFiber #JioFiber #YouTubePremium #WithLoveFromJio pic.twitter.com/JN864Ki7UP
આ પ્લાન્સમાં મળશે ઓફર
તમને જણાવી દઈએ કે Reliance Jio આ ઑફર અમુક પસંદગીના રિચાર્જ પ્લાન સાથે જ આપી રહી છે. જો તમે YouTube પર જાહેરાત-મુક્ત સામગ્રી જોવા માંગો છો, તો તમારી પાસે Jio Air Fiber અથવા રૂ. 888, રૂ. 1199, રૂ. 1499, રૂ. 2499 અથવા રૂ. 3499નો Jio Fiber પ્લાન હોવો જોઈએ.
આ પણ વાંચો....
કામની વાતઃ આ નાની નાની ભૂલને કારણે Geyser બોમ્બની જેમ ફૂટી શકે છે
ટોપ સ્ટોરી
ટ્રેન્ડિંગ સમાચાર
