કામની વાતઃ આ નાની નાની ભૂલને કારણે Geyser બોમ્બની જેમ ફૂટી શકે છે
ગીઝરના ઉપયોગમાં રાખવી આ સામાન્ય સાવચેતીઓ, નહીં તો થઈ શકે છે મોટું નુકસાન.
શિયાળામાં ગરમ પાણી માટે ગીઝર એક અનિવાર્ય સાધન છે, પરંતુ જો તેનો યોગ્ય રીતે ઉપયોગ ન કરવામાં આવે તો તે ખતરનાક સાબિત થઈ શકે છે. ગીઝર ફાટવાની ઘટનાઓ અવારનવાર સાંભળવા મળે છે, જેનું મુખ્ય કારણ કેટલીક સામાન્ય ભૂલો હોય છે. ચાલો જાણીએ એવી ભૂલો વિશે જેનાથી બચીને આપણે અકસ્માત ટાળી શકીએ છીએ.
ગીઝરને લાંબા સમય સુધી ચાલુ રાખવું:
ઘણીવાર લોકો ગીઝરને જરૂર કરતા વધારે સમય સુધી ચાલુ રાખે છે. જેના કારણે પાણીનું તાપમાન ખૂબ વધી જાય છે અને પ્રેશર વધે છે, જે ગીઝર ફાટવાનું કારણ બની શકે છે. તેથી, સમયસર ગીઝર બંધ કરવું જરૂરી છે.
ખરાબ થર્મોસ્ટેટનો ઉપયોગ:
ગીઝરનું થર્મોસ્ટેટ તાપમાનને નિયંત્રિત કરે છે. જો તે ખરાબ થઈ જાય તો પાણી વધારે ગરમ થઈ શકે છે અને દબાણ વધી શકે છે. તેથી, થર્મોસ્ટેટની નિયમિત તપાસ કરાવવી અને ખરાબ થર્મોસ્ટેટને બદલવું જરૂરી છે.
પ્રેશર વાલ્વની અવગણના:
પ્રેશર વાલ્વ ગીઝરનો મહત્વનો ભાગ છે, જે દબાણને નિયંત્રિત કરે છે. જો તે ખરાબ થઈ જાય તો દબાણ યોગ્ય રીતે બહાર નીકળી શકતું નથી અને ગીઝર ફાટી શકે છે. તેથી, પ્રેશર વાલ્વની નિયમિત તપાસ કરવી અને ખરાબ થયે તરત જ બદલવો જોઈએ.
પાણીની નબળી ગુણવત્તા:
સખત પાણીનો લાંબા સમય સુધી ઉપયોગ કરવાથી ગીઝરમાં સ્કેલિંગ થાય છે, જે હીટિંગ કોઇલને અસર કરે છે અને દબાણ વધારે છે. તેથી, ગીઝરમાં યોગ્ય વોટર ફિલ્ટર લગાવવું જોઈએ.
ગીઝરની નિયમિત સર્વિસ ન કરાવવી:
ગીઝરની સમયાંતરે સર્વિસ કરાવવી ખૂબ જરૂરી છે. સફાઈ અને સમારકામ પર ધ્યાન ન આપવાથી ગીઝર જલ્દી ખરાબ થઈ શકે છે અને અકસ્માત સર્જી શકે છે.
જોખમોથી બચવાના ઉપાયો:
યોગ્ય બ્રાન્ડ અને ગુણવત્તાનું ગીઝર પસંદ કરો.
પ્રોફેશનલ ટેકનિશિયન દ્વારા ગીઝર ફીટ કરાવો.
ઓવરલોડિંગ ટાળો અને સમયસર ગીઝર બંધ કરો.
દર ૬ મહિને ગીઝરની સર્વિસ કરાવો.
આ સામાન્ય સાવચેતીઓ રાખીને તમે તમારા ગીઝરને સુરક્ષિત અને લાંબા સમય સુધી ચાલતું રાખી શકો છો.
આ પણ વાંચો....
ટોપ સ્ટોરી
ટ્રેન્ડિંગ સમાચાર
