હોટલમાં ક્યારેય ન કરો તમારા Aadhaar નો ઉપયોગ, માસ્ક્ડ આધાર કાર્ડ કરી લો ડાઉનલોડ
હોટેલ અથવા કોઈપણ હોટેલમાં ચેક ઇન કરતી વખતે ગ્રાહક પાસેથી ID માંગવામાં આવે છે. જવાબમાં મોટાભાગના ગ્રાહકો રિસેપ્શન પર તેમના આધાર કાર્ડને આપે છે.
Download Masked Aadhaar Card : હોટેલ અથવા કોઈપણ હોટેલમાં ચેક ઇન કરતી વખતે ગ્રાહક પાસેથી ID માંગવામાં આવે છે. જવાબમાં મોટાભાગના ગ્રાહકો રિસેપ્શન પર તેમના આધાર કાર્ડને આપે છે. હોટલ આ આધાર કાર્ડની ઝેરોક્ષ કોપી લઈને પોતાની પાસે રાખે છે. શું તમે ક્યારેય વિચાર્યું છે કે આ આધાર કાર્ડની ફોટોકોપીનો પણ દુરુપયોગ થઈ શકે છે ? હા, આ કોઈપણ હોટલમાં શક્ય છે. માત્ર હોટલ જ નહીં આપણે અન્ય ઘણી જગ્યાએ આઈડી તરીકે આધાર કાર્ડની ફોટોકોપી પણ આપીએ છીએ. આનાથી ભવિષ્યમાં છેતરપિંડી પણ થઈ શકે છે. તેનાથી બચવા માટે તમે માસ્ક્ડ કરેલા આધાર કાર્ડનો ઉપયોગ કરી શકો છો. ચાલો જાણીએ કે તે શું છે અને તેનો ઉપયોગ કેવી રીતે કરવો.
Masked Aadhaar Card
માસ્ક્ડ કરેલા આધાર કાર્ડમાં આધાર નંબરના પહેલા 8 અંક છુપાયેલા હોય છે. માત્ર છેલ્લા 4 અંકો જ દેખાય છે. આ તમારી ગોપનીયતા અને સુરક્ષાને વધારે છે. આ આધાર કાર્ડનું વર્ઝન છે. તમે તેનો ઉપયોગ આધાર કાર્ડની જેમ કરી શકો છો. તમને જણાવી કે તેને કેવી રીતે ડાઉનલોડ કરવું
માસ્ક્ડ આધાર કાર્ડ ડાઉનલોડ કરો
- Masked Aadhaar Card માટે સૌથી પહેલા Uidai ની વેબસાઈટ https://uidai.gov.in/ પર આવો. હવે તમારે વેબસાઈટ પર ‘My Aadhaar’ ના વિકલ્પ પર ક્લિક કરવાનું રહેશે.
- હવે તમારે આધાર નંબર નાખીને કેપ્ચા ભરવાનો રહેશે. હવે તમારા નંબર પર OTP મોકલવામાં આવશે.તમારે OTP ભરીને વેરિફિકેશન પ્રક્રિયા પૂર્ણ કરવી પડશે.
- વેરિફિકેશન પૂર્ણ થયા બાદ તમને ડાઉનલોડ વિકલ્પ મળશે. તમે તેના પર ક્લિક કરો.હવે તમને એક ચેકબોક્સ મળશે, જેમાં તમને પૂછવામાં આવશે કે શું તમારે માસ્ક કરેલ આધાર કાર્ડ જોઈએ છે? આના પર ક્લિક કરો. હવે તમારું માસ્ક કરેલ આધાર કાર્ડ ડાઉનલોડ થશે.
આધાર કાર્ડ એ એક મહત્વપૂર્ણ દસ્તાવેજ છે જે દરેક જગ્યાએ ઉપયોગી છે, પછી ભલે તે બેંક ખાતું ખોલાવવાનું હોય કે હોટલમાં ચેક-ઇન કરવાનું હોય. આધાર તમને ID પ્રૂફ તરીકે દરેક જગ્યાએ મદદ કરે છે. સમય સમય પર UIDAI લોકોને આધાર સંબંધિત છેતરપિંડીથી બચવા માટે સલાહ આપતું રહે છે. છેતરપિંડી જેવી ઘટનાઓથી બચવા માટે UIDAIએ માસ્ક્ડ આધારની સુવિધા પણ શરૂ કરી છે.
ટોપ સ્ટોરી
ટ્રેન્ડિંગ સમાચાર
