Airtelના પોસ્ટ પેઇડ પ્લાન થશે મોંઘા, કંપની સાથે આપશે યુઝર્સને આ સુવિધા

ભારતી એરટેલે તેના તમામ પોસ્ટપેઇડ પ્લાનની કિંમતમાં ₹50નો વધારો કર્યો છે. જોકે, તેમાં દર વર્ષે એક મફત આંતરરાષ્ટ્રીય રોમિંગ ટ્રિપનો પણ સમાવેશ કરવામાં આવ્યો છે. આનાથી યુઝર્સ ને મોટો આંચકો લાગ્યો છે.

પ્રતીકાત્મક

Source : X.com

Show Quick Read

Key points generated by AI, verified by newsroom

• ભારતી એરટેલે તમામ પોસ્ટપેડ પ્લાનની કિંમતમાં ₹50નો વધારો કર્યો.
• ગ્રાહકોને દર વર્ષે એક ઇન્ટરનેશનલ રોમિંગ ટ્રિપ ફ્રી મળશે.
• આ નવા દર 8 ઓક્ટોબર, 2026થી લાગુ થશે.
• મફત રોમિંગ પેકમાં 5GB ડેટા અને 60 મિનિટ કોલિંગ ઉપલબ્ધ.

ભારતી એરટેલે પોતાના તમામ પોસ્ટપેડ પ્લાનની કિંમતમાં 50 રૂપિયાનો વધારો કર્યો છે. જોકે, તેની સાથે કંપનીએ દર વર્ષે એક ઈન્ટરનેશનલ રોમિંગ ટ્રિપની સર્વિસ ફ્રી આપવાની જાહેરાત કરી છે. આ નિર્ણયથી એરટેલના લાખો ગ્રાહકોને એક તરફ ઝટકો લાગ્યો છે, તો બીજી તરફ વિદેશ પ્રવાસ કરતા યુઝર્સને નવી સુવિધાનો લાભ મળશે. 

ક્યારથી લાગુ થશે નવા દર?

કંપનીના સૂત્રોએ બુધવારે (7 ઓક્ટોબર) PTIને જણાવ્યું કે તમામ નવા પ્લાન 8 ઓક્ટોબર, 2026થી લાગુ થશે. જ્યારે જૂના પોસ્ટપેડ સબસ્ક્રાઇબર્સને પણ એક મહિનાની અંદર નજીકના હાયર પ્લાનમાં શિફ્ટ કરવામાં આવશે.

એરટેલ આપી રહી છે આ સર્વિસ ફ્રી

એરટેલે પોસ્ટપેડ પ્લાનની કિંમતમાં 50 રૂપિયાનો વધારો કર્યો છે, પરંતુ તેની સાથે એક મોટી સુવિધા પણ ફ્રી આપી છે. જો તમે વારંવાર વિદેશ પ્રવાસ કરો છો, તો કંપની દર વર્ષે એક ઈન્ટરનેશનલ રોમિંગ ટ્રિપ મફત આપશે. કંપનીના અધિકારીઓના જણાવ્યા અનુસાર, આ સર્વિસની કિંમત 2,000 રૂપિયા છે.

આ ઉપરાંત એરટેલે નવા પોસ્ટપેડ પ્લાન લોન્ચ કરવાની પણ જાહેરાત કરી છે. કંપનીનો દાવો છે કે નવા પ્લાનમાં યુઝર્સને વધુ ફાયદા મળશે.

કંપનીએ શું કહ્યું?

એરટેલ દ્વારા જાહેર કરવામાં આવેલી પ્રેસ રિલીઝ અનુસાર, 8 ઓક્ટોબર, 2026થી તમામ નવા પોસ્ટપેડ પ્લાનમાં ગ્રાહકોને દર વર્ષે એક ઈન્ટરનેશનલ ટ્રિપ માટે ફ્રી રોમિંગની સુવિધા મળશે. આ સાથે અગાઉ મળતા તમામ બેનિફિટ્સ પણ યથાવત રહેશે.                                     

આ ફ્રી રોમિંગ પેકમાં 5GB ડેટા, 60 મિનિટની કોલિંગ, 25 આઉટગોઇંગ મેસેજ અને ફ્રી ઇનકમિંગ મેસેજ મળશે. આ સર્વિસ 5 દિવસ માટે માન્ય રહેશે.

ફેમિલી પ્લાનમાં કેવી રીતે મળશે લાભ?

કંપનીના જણાવ્યા અનુસાર, જ્યારે ગ્રાહકોને આ સુવિધાનો લાભ લેવો હોય ત્યારે તેઓ તેને એક્ટિવેટ કરી શકશે. જ્યારે ફેમિલી પ્લાનમાં સામેલ દરેક સભ્યને અલગ-અલગ ફ્રી રોમિંગની સુવિધા મળશે.

જણાવી દઈએ કે એરટેલે પોતાના પોસ્ટપેડ પ્લાનમાં ફ્રી ઈન્ટરનેશનલ રોમિંગની સુવિધા તાજેતરમાં જ ઉમેરેલી છે. આ ઉપરાંત યુઝર્સને ફાસ્ટ લેન ટેક્નોલોજી, અનલિમિટેડ ડેટા તેમજ સ્પેમ અને ફ્રોડ કોલ્સ સામે નેટવર્ક લેવલ પ્રોટેક્શન જેવી સુવિધાઓ પણ મળે છે.