Samsung લૉન્ચ કરશે યૂનિક Foldable સ્માર્ટફોન, બન્ને બાજુથી કરી શકશો ફૉલ્ડ
Samsung Unique Foldable Smartphone: પેટન્ટની તસવીર સોશિયલ મીડિયા પ્લેટફોર્મ પર ટિપસ્ટર @Xleaks7 દ્વારા પોસ્ટ કરવામાં આવી છે
Samsung Unique Foldable Smartphone: સેમસંગ એક ફૉલ્ડેબલ સ્માર્ટફોન પર કામ કરી રહ્યું છે જેનો ઉપયોગ બંને બાજુથી થઈ શકે છે. દક્ષિણ કૉરિયન કંપનીના આ ફૉલ્ડેબલ ફોનની ડિઝાઇનને યુએસ પેટન્ટ અને ટ્રેડમાર્ક તરફથી મંજૂરી મળી ગઈ છે. આ ફૉલ્ડેબલ ફોન 360 ડિગ્રી હિન્જ સાથે આવશે, જેના કારણે તેને બંને બાજુથી ફૉલ્ડ કરી શકાય છે. સેમસંગનો આ ફૉલ્ડેબલ ફોન અત્યાર સુધી લૉન્ચ થયેલા તમામ ફૉલ્ડેબલ ફોનની સરખામણીમાં અનોખી ડિઝાઇન સાથે આવી શકે છે. અત્યાર સુધી સિંગલ અને ટ્રિપલ ફૉલ્ડ ફોન બજારમાં વ્યાપારી રીતે લૉન્ચ કરવામાં આવ્યા છે. આ ફૉલ્ડેબલ ફોનમાં એક હિન્જ હોય છે જે 180 ડિગ્રી સુધી વળે છે.
યૂનિક ફૉલ્ડેબલ ડિસ્પ્લે -
પેટન્ટની તસવીર સોશિયલ મીડિયા પ્લેટફોર્મ પર ટિપસ્ટર @Xleaks7 દ્વારા પોસ્ટ કરવામાં આવી છે. GSMArena ના રિપોર્ટ મુજબ, ફોનની ફ્લેક્સિબલ ડિઝાઇન તેને બંને બાજુથી ફોલ્ડ કરવામાં સક્ષમ બનાવશે. આ ફૉલ્ડેબલ ફોનમાં 360 ડિગ્રી ફરતું હિન્જ છે. યૂઝર્સ આ ફૉલ્ડેબલ ફોનને બંને બાજુથી વાળીને ઉપયોગ કરી શકશે, જે તેમને એક અનોખો અનુભવ આપશે.
શું છે ટેકનોલોજી ?
જો રિપોર્ટ પર વિશ્વાસ કરવામાં આવે તો સેમસંગનો આ ફૉલ્ડેબલ ફોન કંપની દ્વારા વિકસાવવામાં આવી રહેલા અલ્ટ્રા-થિન ગ્લાસ (UTG) ડિસ્પ્લેનો ઉપયોગ કરી શકે છે. આ ડિસ્પ્લેમાં લેયર સ્ટ્રક્ચર માટે ફ્લેક્સિબલ પોલિમર અને એડહેસિવનો ઉપયોગ કરી શકાય છે. સેમસંગના આ આગામી ફોલ્ડેબલ ફોનમાં એક નવી હિન્જ સિસ્ટમ હશે જે ડિસ્પ્લેની બંને બાજુ ફોલ્ડ કરવામાં મદદ કરશે.
પેટન્ટ ઇમેજ સેમસંગના ફોનની ડિઝાઇનની ઝલક પણ આપે છે, જે દર્શાવે છે કે ડિસ્પ્લેને અંદર અને બહાર ફોલ્ડ કર્યા પછી ફોન કેવો દેખાય છે. આગામી દિવસોમાં ફૉલ્ડેબલ સ્માર્ટફોન માર્કેટમાં ઘણી નવી ટેકનોલોજીનો ઉપયોગ થઈ શકે છે. Huawei એ તાજેતરમાં Pura X પણ પ્રદર્શિત કર્યો, જે એક ફ્લિપ ફોન છે જે બાજુથી ફૉલ્ડ થઈ શકે છે.
ટોપ સ્ટોરી
ટ્રેન્ડિંગ સમાચાર
