ભારતમાં પ્રતિબંધ બાદ પણ TikTok ની વધી લોકપ્રિયતા, આ દિગ્ગજ સોશિયલ મીડિયા એપને પછાડીને બન્યું નંબર વન

TikTok આ વર્ષે વૈશ્વિક સ્તરે સૌથી વધુ ડાઉનલોડ કરવામાં આવેલી એપ બની ગઈ છે.

નવી દિલ્હી: ભારતમાં પ્રતિબંધ સોશિયલ મીડિયા એપ TikTok વિશ્વસ્તરે એક મોટો કીર્તિમાન સ્થાપ્યો છે. 2020માં TikTok વિશ્વમાં સૌથી વધુ ડાઉનલોડ કરવામાં આવેલી એપ બની ગઈ છે. સાથે TikTok એ સોશિયલ મીડિયા પ્લેટફોર્મ ફેસબુકને પછાડી દીધું છે. ફેસબુક ગત વર્ષે નંબર હતું. જો કે, હવે TikTokએ ત્રણ સ્થાનનો લાંબો કૂદકો માર્યો છે. હવે ફેસબુક બીજા નંબરે અને વોટ્સએપ ત્રીજા નંબરે છે. TikTok આ વર્ષે વૈશ્વિક સ્તરે સૌથી વધુ ડાઉનલોડ કરવામાં આવેલી એપ બની ગઈ છે. મોબાઈલ એપ એનાલિટિક્સ ફર્મ APP Annieની રિપોર્ટ અનુસાર TikTok આ વર્ષે એન્ડ્રોઈડ અને આઈઓએસ બન્ને પર સૌથી વધુ ડાઉનલોડ કરવામાં આવેલી એપ છે. તેના પરથી ચીનની આ મોબાઈલ એપની વિશ્વસ્તરે લોકપ્રિયતાનો અંદાજો લગાવી શકાય છે. ભારતમાં તાજેતરમાં જ TikTok પર પ્રતિબંધ લગાવી દીધો હતો. ભારત સરકારનું કહેવું હતું કે, ટિકટોક ભારતની આંતરિક સુરક્ષા માટે ખતરો છે. જો કે વિશ્વમાં ટિકટોકનો ઉપયોગ ખુબજ વધી રહ્યો છે. આ સિવાય App Annie એ સંભાવના વ્યક્ત કરી છે કે, ટિકટોક વર્ષ 2021માં 1 અરબ માસિક સક્રિય યૂઝર્સના આંકડાને પણ પાર કરી શકે છે.