Telegramના આ અદભૂત ફીચર્સ યુઝર્સની આ સુવિધામાં કરશે વધારો, જાણો અપડેટ વર્જનની શું છે ખાસિયત
ટેલિગ્રામ દ્વારા રજૂ કરાયેલા નવા ફીચર્સ માત્ર ટેકનોલોજીમાં પ્રગતિની નિશાની નથી, પરંતુ આ ફેરફારો યુઝર્સની જરૂરિયાતોને ધ્યાનમાં રાખીને કરવામાં આવ્યા છે.
ભારતમાં WhatsApp કદાચ સૌથી વધુ ઉપયોગમાં લેવાતી ચેટિંગ એપ છે, પરંતુ ટેલિગ્રામ હવે પોતાને એક મજબૂત વિકલ્પ તરીકે પણ રજૂ કરી રહ્યું છે. તાજેતરમાં, ટેલિગ્રામે તેનું નવું અપડેટ (v11.12.0) લોન્ચ કર્યું છે, જેમાં કેટલીક એવી ખાસ અને યુઝર-ફ્રેન્ડલી સુવિધાઓ ઉમેરવામાં આવી છે કે તમે પણ વિચારશો કે, "શું ટેલિગ્રામ ખરેખર WhatsApp કરતા વધુ સારું છે?" ચાલો જાણીએ આ નવી સુવિધાઓ વિશે જે ચેટિંગની શૈલીને સંપૂર્ણપણે બદલી શકે છે.
હવે તમે નંબર આપ્યા વિના ચેનલ એડમિન સાથે સીધી વાત કરી શકો છો.
ટેલિગ્રામની સુવિધા તમને કોઈપણ ચેનલના એડમિનને ડાયરેક્ટ મેસેજ (DM) મોકલવાની મંજૂરી આપે છે. ખાસ વાત એ છે કે, આ માટે તમારે તમારો મોબાઇલ નંબર શેર કરવાની જરૂર રહેશે નહીં. તમને ચેટ કરવા માટે એક અલગ ઇન્ટરફેસ મળશે જેથી બધું પ્રાઇવેટ અને સેફ રહેશે.
જો ચેનલ માલિકે આ ઓપ્શન શરૂ કર્યો હોય, તો ચેનલની નીચે મેસેજ આઇકોન દેખાશે, ફક્ત તેના પર ટેપ કરીને તમે એડમિન સાથે સીધી વાત કરી શકો છો અને રસપ્રદ વાત એ છે કે જો એડમિન ઇચ્છે તો તે આ સંદેશાઓ માટે ચાર્જ પણ લઈ શકે છે, જે વાતચીતને વધુ વ્યવસ્થિત બનાવશે.
ગ્રૂપ્સ ટોક પણ થશે સરળ
ટેલિગ્રામએ મોટા ગ્રૂપ્સમાં ચાલી રહેલી વાતચીનને ઉકેલવામા માટે ગ્રૂપ ટોપિક્સને ટેબ લેઆઇટમાં બતાવવાનું શરૂ કર્યું છે. હવે તમે દરેક ટોપિકને અલગ ટેબમાં કોઇ વેબ સાઇટની જેમ જોઇ શકો છો. તેનાથી વાતચીત ટ્રેક કરવી સરળ થઇ જશે. ખાસ કરીને ગ્રૂપ્સમાં જ્યાં કોઇ વિષયને લઇને વિસ્તૃત ચર્ચાં થાય છે.
આ સેટિંગને ઓન કરવા માટે ઓપન ગ્રૂપની સિટંગમાં જઇને "Topics" સેક્શનમાં ટેબ મોડ ચાલુ કરવું જોઇએ.
વોઇસ મેસેજ રેકોર્ડિંગમાં હવે ટ્રિમ કરવાની સ્વતંત્રતા છે
જો તમે વોઇસ મેસેજ મોકલતી વખતે ભૂલ કરો છો, તો હવે ગભરાવાની જરૂર નથી. ટેલિગ્રામે એક નવું વોઇસ મેસેજ ટ્રિમિંગ ફીચર ઉમેર્યું છે, જેથી તમે રેકોર્ડ કરેલા ઓડિયોના ખરાબ ભાગને સરળતાથી દૂર કરી શકો.
જો તમે રેકોર્ડિંગ કરતી વખતે ઉપરની તરફ સ્વાઇપ કરો છો, તો તમને લોકિંગ તેમજ ટ્રિમિંગનો વિકલ્પ પણ મળશે. એટલું જ નહીં, હવે તમે રેકોર્ડિંગને વચ્ચે વચ્ચે થોભાવી શકો છો અને તેને ફરીથી શરૂ કરી શકો છો, જેનાથી મેસેજ વધુ પ્રોફેશનલ દેખાશે.
HD ક્વોલિટીમાં ફોટા મોકલવાની નવી રીત
હવે તમે ટેલિગ્રામ પર હાઇ ડેફિનેશન (HD) ક્વોલિટીમાં ફોટા પણ મોકલી શકો છો. એટલે કે, ફોટોની વિગતો હવે ઝાંખી નહીં દેખાય, પરંતુ એકદમ શાર્પ દેખાશે. આ ફીચરની ખાસ વાત એ છે કે, HD ફોટા મોકલવા છતાં, ફાઇલનું કદ નાનું (0.5 MB કરતા ઓછું) રહેશે, જે સ્પીડ પણ જાળવી રાખશે. ફોટો મોકલતી વખતે, જો તમે એડિટ સ્ક્રીન પર SD વિકલ્પને HD માં બદલો છો અથવા એટેચમેન્ટ મેનૂમાંથી "સેન્ડ ઇન હાઇ ક્વોલિટી" પસંદ કરો છો, તો તમારો ફોટો ઉત્તમ ગુણવત્તામાં બીજી વ્યક્તિને દેખાશે.
હવે નિર્ણય તમારો છે
ટેલિગ્રામ દ્વારા રજૂ કરાયેલી નવી સુવિધાઓ ફક્ત ટેકનોલોજીમાં પ્રગતિની નિશાની નથી, પરંતુ તે દર્શાવે છે કે, આ ફેરફારો યુઝર્સની જરૂરિયાતોને ધ્યાનમાં રાખીને કરવામાં આવ્યા છે. ચેનલ એડમિન સાથે સીધી વાત કરવાની સુવિધા હોય, વૉઇસ મેસેજ સંપાદિત કરવાની સુવિધા હોય કે, HD ફોટા મોકલવાની નવી રીત હોય, દરેક સુવિધા WhatsApp ને સખત સ્પર્ધા આપી રહી છે.તો હવે ટેલિગ્રામ ફક્ત એક વિકલ્પ નથી, પરંતુ એક મહાન ચેટિંગ અનુભવનું પ્લેટફોર્મ બની રહ્યું છે. શું તમે WhatsApp ને અલવિદા કહેવા માટે તૈયાર છો.
ટોપ સ્ટોરી
ટ્રેન્ડિંગ સમાચાર
