આવું હશે OpenAIનું પહેલું ડિવાઇસ! સ્ક્રીન વગર પણ થઈ જશે તમામ કામ

OpenAI First Device: OpenAI પોતાના આ નવા ડિવાઇસને 2027 સુધીમાં માર્કેટમાં લોન્ચ કરી શકે છે.

પ્રતીકાત્મક તસવીર

Source : Unsplash

Show Quick Read

Key points generated by AI, verified by newsroom

• OpenAI 2027 સુધીમાં પ્રથમ AI ગેજેટ લોન્ચ કરશે.
• નાનકડા ડોનટ આકારનું આ ઉપકરણ $300-400 માં મળશે.
• આ વાર્તાલાપ AI થી સ્માર્ટ હોમ નિયંત્રિત કરશે.
• સ્ક્રીનલેસ ડિઝાઇન સાથે, તે યુઝરની પસંદગીઓ શીખી શકશે.

OpenAI First Device:આર્ટિફિશિયલ ઇન્ટેલિજન્સ (AI) ખૂબ જ ઝડપથી પોતાની પહોંચ વધારી રહ્યું છે. સમગ્ર દુનિયામાં હવે AIને લઈને સ્પર્ધા ચાલી રહી છે કે કોણ વધુ અદ્યતન ટેક્નોલોજી વિકસાવી શકે. ભારતમાં જ નહીં, પરંતુ સમગ્ર વિશ્વમાં સામાન્ય લોકો પણ AI ચેટબોટનો ઉપયોગ કરી રહ્યા છે. આ જ કડીમાં AI કંપની OpenAI હવે માર્કેટમાં પોતાનું પહેલું ગેજેટ લોન્ચ કરવાની તૈયારી કરી રહી છે. મીડિયા રિપોર્ટ્સ અનુસાર, OpenAIનું મોટા પાયે લોન્ચ થનારું પહેલું ડિવાઇસ એક એવું AI સાથી હોઈ શકે છે, જે દેખાવમાં નાનકડા ડોનટ અથવા હોકી પક જેવું હશે.

2027માં આવી શકે છે OpenAIનું પહેલું ડિવાઇસ

Bloombergના રિપોર્ટ અનુસાર, OpenAI પોતાના આ નવા ડિવાઇસને 2027 સુધીમાં માર્કેટમાં ઉતારી શકે છે. તેની કિંમતની વાત કરીએ તો કંપની તેને આશરે 300થી 400 ડોલરની કિંમતમાં લોન્ચ કરી શકે છે. ભારતીય ચલણ પ્રમાણે તેની કિંમત આશરે 25થી 35 હજાર રૂપિયા હોઈ શકે છે.

લાઇટ અને મૂવિંગ પાર્ટ્સ વાતચીતને બનાવશે રસપ્રદ

રિપોર્ટમાં દાવો કરવામાં આવ્યો છે કે, OpenAIના આ ડિવાઇસમાં કેટલાક મૂવિંગ મિકેનિકલ પાર્ટ્સ અને લાઇટિંગ એલિમેન્ટ્સ જોવા મળી શકે છે. આ પાર્ટ્સની મદદથી યુઝરને ખબર પડી શકશે કે ડિવાઇસ ક્યારે તેની વાત સાંભળી રહ્યું છે, ક્યારે નથી સાંભળી રહ્યું અને ક્યારે જવાબ તૈયાર કરી રહ્યું છે.

આ ફીચરને કારણે ડિવાઇસ વધુ નેચરલ અને ઇન્ટરેક્ટિવ અનુભવ આપી શકે છે. એટલું જ નહીં, સમય જતાં આ ડિવાઇસ પોતાના માલિકના સ્વભાવ તેમજ તેની પસંદ-નાપસંદને પણ સમજી શકે છે. જેના કારણે યુઝરને આ ડિવાઇસ સાથે વધુ પર્સનલ અનુભવ મળી શકે છે.

કયા કામમાં મળશે સપોર્ટ?

માહિતી અનુસાર, નવું ડિવાઇસ OpenAIની અદ્યતન conversational AI ટેક્નોલોજી પર આધારિત હશે. તેના કારણે યુઝરને આજના સ્માર્ટ સ્પીકર્સની સરખામણીમાં વધુ સ્વાભાવિક વાતચીતનો અનુભવ મળી શકે છે.

માનવામાં આવી રહ્યું છે કે આ ડિવાઇસ સ્માર્ટ હોમ ડિવાઇસને કંટ્રોલ કરવા, સવાલોના જવાબ આપવા, મીડિયા પ્લે કરવા અને ChatGPTના વિવિધ ફીચર્સનો ઉપયોગ કરવા જેવા કામ કરી શકે છે.

એટલે કે દરેક નાના કામ માટે યુઝરે ફોન હાથમાં લેવાની કે સ્ક્રીન જોવાની જરૂર નહીં પડે. AI અવાજ દ્વારા યુઝરના કમાન્ડને સમજીને તેના પર પ્રતિક્રિયા આપી શકશે.

સ્ક્રીન વગર કરશે કામ

આ AI ડિવાઇસની સૌથી મોટી ખાસિયત તેનું સ્ક્રીનલેસ ડિઝાઇન હશે. રિપોર્ટ અનુસાર, આ ડિવાઇસમાં કોઈ સ્ક્રીન નહીં હોય, તેમ છતાં તે અનેક પ્રકારના કામ કરવામાં સક્ષમ હશે.

ડિસ્પ્લેની જગ્યાએ તેમાં માઇક્રોફોન, સ્પીકર, કેમેરા અને આસપાસના વાતાવરણને સમજવા માટેના સેન્સર્સનો ઉપયોગ થઈ શકે છે.

યુઝર આ ડિવાઇસ સાથે વાતચીત કરીને સવાલો પૂછી શકશે, માહિતી મેળવી શકશે અને અલગ-અલગ કામમાં AIની મદદ લઈ શકશે. કેમેરા અને સેન્સર્સની મદદથી ડિવાઇસ પોતાની આસપાસના વાતાવરણને પણ સમજી શકશે.

માનવામાં આવી રહ્યું છે કે કંપની આ ડિવાઇસમાં રિચાર્જેબલ બેટરીનો ઉપયોગ કરી શકે છે. એટલે કે ડિવાઇસને સતત પ્લગ સાથે કનેક્ટ રાખવાની જરૂર નહીં પડે અને બેટરીની મદદથી તેને અલગ-અલગ જગ્યાએ ઉપયોગ કરી શકાશે.

Apple સાથે કાનૂની વિવાદ પણ ચર્ચામાં

OpenAIના હાર્ડવેર પ્રોજેક્ટ સાથે જોડાયેલો કાનૂની વિવાદ પણ ચર્ચામાં છે. Appleએ કંપની પર ભવિષ્યના હાર્ડવેર સાથે સંબંધિત ટ્રેડ સિક્રેટ્સના ખોટા ઉપયોગનો આરોપ લગાવ્યો છે. જોકે, OpenAI આ આરોપોને નકારી ચૂકી છે.કંપનીનું કહેવું છે કે તેનું પહેલું હાર્ડવેર પ્રોડક્ટ હાલના Apple ડિવાઇસથી અલગ દિશામાં તૈયાર કરવામાં આવી રહ્યું છે.

મોટા પ્લાનની શરૂઆત

પહેલી નજરે આ ડિવાઇસ Amazon Echo અથવા Google Nest જેવા સ્માર્ટ સ્પીકર્સને ટક્કર આપતું જોવા મળી શકે છે. જોકે, OpenAIનો પ્લાન આના કરતાં પણ મોટો હોવાનું માનવામાં આવે છે.

કંપની AIને એવા ડિવાઇસમાં પહોંચાડવા માંગે છે, જ્યાં યુઝરને દરેક કામ માટે સ્માર્ટફોનની સ્ક્રીન પર નિર્ભર રહેવાની જરૂર ન પડે.

આવનારા સમયમાં કંપની સ્માર્ટ ગ્લાસ, AI વેરેબલ, AI પિન અને હોમ રોબોટ જેવા પ્રોડક્ટ્સ પર પણ કામ કરતી જોવા મળી શકે છે.