સાવધાન ! મફત મોબાઈલ રિચાર્જના નામે ક્યાંય બેન્ક એકાઉન્ટ ખાલી ન થઈ જાય ? TRAI ની ચેતવણી
TRAI એ ફ્રી રિચાર્જ ઑફરના નામે છેતરપિંડીથી બચવા માટે દેશના કરોડો મોબાઈલ યુઝર્સને ચેતવણી આપી છે. આ દિવસોમાં સ્કેમર્સ લોકોને TRAIના નામે SMS મોકલીને ફ્રી રિચાર્જના નામે છેતરપિંડી કરી રહ્યા છે.
TRAI એ ફ્રી રિચાર્જ ઑફરના નામે છેતરપિંડીથી બચવા માટે દેશના કરોડો મોબાઈલ યુઝર્સને ચેતવણી આપી છે. આ દિવસોમાં સ્કેમર્સ લોકોને TRAIના નામે SMS મોકલીને ફ્રી રિચાર્જના નામે છેતરપિંડી કરી રહ્યા છે. ટેલિકોમ રેગ્યુલેટરે આવા કોઈપણ મેસેજથી સાવચેત રહેવા જણાવ્યું છે. આ ઉપરાંત ટ્રાઈ દ્વારા આવી કોઈ ઓફર જારી કરવામાં ન આવે તેવી સૂચના પણ આપવામાં આવી છે. માત્ર ટેલિકોમ કંપનીઓ જ તેમના યુઝર્સ માટે મોબાઈલ રિચાર્જ સંબંધિત ઑફર્સ લાવે છે. આ માટે યુઝર્સે ટેલિકોમ ઓપરેટર્સની ઓફિશિયલ વેબસાઈટની મુલાકાત લેવી જોઈએ અથવા કસ્ટમર કેરનો સંપર્ક કરવો જોઈએ.
TRAIએ યુઝર્સને ચેતવણી આપી છે
TRAIએ નકલી મોબાઈલ રિચાર્જ પ્લાનના નામે છેતરપિંડી અંગે તેની વોટ્સએપ કોમ્યુનિટી પોસ્ટ દ્વારા આ ચેતવણી આપી છે. ટ્રાઈએ પોતાની પોસ્ટમાં કહ્યું છે કે સ્કેમર્સ યુઝર્સના ડિવાઈસ સુધી પહોંચવા માટે આવા ફેક મેસેજ મોકલે છે જેથી તેમના ફોનમાંથી બેંકિંગ સહિતની અંગત માહિતીની ચોરી થઈ શકે.
આ પછી, TRAI એ વપરાશકર્તાઓને સૂચનાઓ જારી કરીને કહ્યું છે કે TRAI ન તો કોઈ ઓફર કરે છે અને ન તો તેને પ્રમોટ કરે છે. કોઈપણ ટેરિફ ઓફર માટે, વપરાશકર્તાઓ એક્સેસ સર્વિસ પ્રોવાઈડર એટલે કે ટેલિકોમ ઓપરેટર્સનો સંપર્ક કરી શકે છે. ટ્રાઈએ યુઝર્સને ચેતવણી આપી છે કે આવા મેસેજમાં આવતા કોઈપણ URL કે લિંક પર ક્લિક ન કરો. આવી લિંક પર ક્લિક કરવાથી ફોનમાં વાયરસ આવી શકે છે, જે યુઝરની અંગત માહિતી ચોરી શકે છે.
જ્યારે તમને આવા સંદેશાઓ મળે ત્યારે શું કરવું ?
ટ્રાઈએ યુઝર્સને સાવધ રહેવાની સલાહ આપી છે અને આવા ફેક મેસેજ કે કોલની જાણ પણ કરી છે. ટ્રાઈએ યુઝર્સને સાયબર ક્રાઈમ વેબસાઈટ https://Cybercrime.gov.in અને સંચાર સાથી પોર્ટલ https://sancharsaathi.gov.in પર આવા મેસેજ અને કોલની જાણ કરવા કહ્યું છે જેથી તેમની સામે કાર્યવાહી થઈ શકે. ટ્રાઈએ તાજેતરમાં આવા 1 લાખથી વધુ ફેક મેસેજ ટેમ્પલેટ્સને બ્લોક કર્યા છે.
ડિજિટલ યૂગમાં સ્કેમર્સ હવે તમારા ફોન સુધી પહોંચી ગયા છે. આ પ્રકારની છેતરપીંડિ રોકવા માટે અજાણી કોઈપણ લિંક પર ક્યારેય ક્લિક ન કરો.
BSNL ની ન્યૂ યર 2025 ધમાકા ઓફર, 120 GB ડેટા સાથે મળશે આ લાભ, જાણો
ટોપ સ્ટોરી
ટ્રેન્ડિંગ સમાચાર
