WhatsAppની મોટી કાર્યવાહી, ભારતમાં અનેક એકાઉન્ટ 24 કલાક માટે બ્લોક, યુઝર્સ પરેશાન

ઇન્સ્ટન્ટ મેસેજિંગ એપ વોટ્સએપે ભારતીય યુઝર્સ સહિત અનેક યુઝર્સના એકાઉન્ટ બ્લોક કરી દીધા છે. યુઝર્સે સોશિયલ મીડિયા પર આ અંગે પોસ્ટ કરી છે

વોટ્સએપે ભારતીય યુઝર્સ સહિત અનેક યુઝર્સના એકાઉન્ટ બ્લોક કરી દીધા છે

Source : Photo Credit: AI

Show Quick Read

Key points generated by AI, verified by newsroom

• વોટ્સએપે ભારતીય યુઝર્સ સહિત ઘણા એકાઉન્ટ્સ અચાનક બ્લોક કર્યા.
• કંપનીએ દુરુપયોગ રોકવા એકાઉન્ટ બ્લોક કર્યા; ભૂલ સ્વીકારી.
• યુઝર્સને 'એકાઉન્ટ સમીક્ષા હેઠળ' હોવાના મેસેજ મળ્યા.
• યુઝર્સે સોશિયલ મીડિયા પર સસ્પેન્શન અંગે ચિંતા વ્યક્ત કરી.

ઇન્સ્ટન્ટ મેસેજિંગ એપ વોટ્સએપે ભારતીય યુઝર્સ સહિત અનેક યુઝર્સના એકાઉન્ટ બ્લોક કરી દીધા છે. યુઝર્સે સોશિયલ મીડિયા પર આ અંગે પોસ્ટ કરી છે, જેમાં જણાવ્યું છે કે તેમના એકાઉન્ટ્સને અંડર રિવ્યૂ પ્રોસેસ હેઠળ છે. આ સેવા 24 કલાક માટે બ્લોક કરવામાં આવી છે, જેના કારણે યુઝર્સ વોટ્સએપનો ઉપયોગ કરી શકતા નથી.

પીટીઆઈ દ્વારા સંપર્ક કરવામાં આવતા વોટ્સએપના પ્રવક્તાએ જણાવ્યું હતું કે તેઓ હંમેશા સેવાનો દુરુપયોગ કરનારાઓ પર નજર રાખે છે. વધુમાં અન્ય યુઝર્સને સુરક્ષિત રાખવા માટે તેઓ મર્યાદિત સંખ્યામાં વ્યક્તિઓના એકાઉન્ટ બ્લોક કરે છે. જો કે, તેઓ ક્યારેક ભૂલો કરે છે અને ખોટા યુઝર્સના એકાઉન્ટ બ્લોક કરે છે, જે પછી શક્ય તેટલી વહેલી તકે ફરીથી ઓપન કરવામાં આવે છે.

વોટ્સએપ એપ પર આ સમસ્યા સોમવારે રાત્રે 8 વાગ્યાની આસપાસ શરૂ થઈ હતી, જેના કારણે ઘણા યુઝર્સ મેસેજિંગ એપનો ઉપયોગ કરી શક્યા ન હતા. મેટાએ આ યુઝર્સને કોઈ પૂર્વ ચેતવણી આપી ન હતી.

વોટ્સએપ પર વોનિંગ મેસેજ મળવા લાગ્યા 

યુઝર્સને વોટ્સએપ એપ પર એક મેસેજ જોવા મળી રહ્યો છે. જેના સ્ક્રીનશોટ સોશિયલ મીડિયા પર શેર કરવામાં આવ્યા હતા. મેસેજમાં જણાવાયું હતું કે એકાઉન્ટ સમીક્ષા હેઠળ છે અને 3 ઓગસ્ટ, 2026ની તારીખ છે. તેમના એકાઉન્ટની એક્ટિવિટી અને ડિવાઈસની જાણકારી ચેક કરવામાં આવી રહી છે. તેઓ કંપનીના નિયમોનું પાલન કરે છે કે નહીં તે નક્કી કરવા માટે તેમનું મૂલ્યાંકન કરવામાં આવી રહ્યું હતું. યુઝર્સને 24 કલાકની અંદર જવાબ આપવામાં આવશે.

કંપનીના મેસેજમાં કહેવામાં આવ્યું હતું કે, "આ મુદ્દા અંગે વધુ વિગતો જુઓ." તેમાં એમ પણ કહેવામાં આવ્યું હતું કે, "વોટ્સએપનો જવાબદારીપૂર્વક ઉપયોગ કરો. વિગતો માટે તપાસો."

તેમના એકાઉન્ટ્સ બ્લોક થયા પછી વોટ્સએપ યુઝર્સે X પ્લેટફોર્મ (અગાઉ ટ્વિટર) પર પોસ્ટ કરીને કંપનીને તેમની ચિંતાઓ વ્યક્ત કરી. તેમના વોટ્સએપ એકાઉન્ટ્સ અચાનક સસ્પેન્ડ કરવામાં આવ્યા હતા. તેમણે એમ પણ કહ્યું કે તે ફક્ત સત્તાવાર એપ્લિકેશનનો ઉપયોગ કરે છે અને તેનું કામ સંપૂર્ણપણે વોટ્સએપ પર આધારિત છે.                                   

આ પણ વાંચો

Google News: ખોટી ઉંમર બતાવશો તો નહીં ચાલે, Google લાવી રહ્યું છે આ નવી સિસ્ટમ

GPay, PhonePe, Paytm યુઝર્સ સાવધાન! NPCI નો નવો આદેશ: હવે મોટો ફેરફાર થશે