Hun To Bolish : હું તો બોલીશ : ન ભૂલતા મતદાતાનું ઋણ

સ્માર્ટ સીટી અમદાવાદનો બીજો વિસ્તાર ગોતા.. જ્યાં કન્સ્ટ્રક્શન સાઇટના કારણે રહીશો પરેશાન છે.. બેફામ ડમ્પર ચાલકો અને રોડ ઉપર ઊડતી ધૂળથી નાગરિકો ત્રસ્ત છે. કન્સ્ટ્રક્શન સાઇટ ઉપર મોડી રાત સુધી ડમ્પર દોડે છે. બેફામ સ્પીડમાં દોડતા ડમ્પરથી અકસ્માત થવાનો ભય સોસાયટીના રહીશોને સતાવે છે..એરાઈઝ ફ્લોરસ,સ્વર્ણિમ સ્કાય,સ્વર્ણિમ બંગલોઝ,એરાઈઝ અનંતા અને સફલ વિવાન સોસાયટીના રહીશોએ ભેગા થઈને વિરોધ દર્શાવ્યો..લોકોનો આરોપ છે કે કોઈ જોવા આવતું નથી અને સમસ્યાનું સમાધાન લાવતા નથી. મહિલાઓ,પુરુષો અને બાળકોએ ભેગા થઈને વિરોધ કર્યો..

સ્માર્ટ સીટી અમદાવાદમાં પણ અમુક વિસ્તારો એવા છે જ્યાં પ્રાથમિક સુવિધાના અભાવે સ્થાનિકોએ ભાજપના ઉમેદવારોનો વિરોધ કર્યો.. હાથીજણ રામોલ વોર્ડમાં ભાજપના ઉમેદવારોને વિરોધનો સામનો કરવો પડ્યો.. સ્થાનિક મહિલાઓએ પ્રાથમિક સુવિધાઓને લગતા તીખા સવાલો કર્યા.. મહિલાઓએ રોષ વ્યક્ત કર્યો કે પાંચ વર્ષમાં આ નેતાઓ ક્યાંય દેખાતા નથી. રસ્તાઓ પર મોટા ખાડા છે, કોઈ દિવસ રિપેરિંગ થતું નથી. કોઈ વ્યક્તિ બિમાર પડે તો 108 પણ આવી ના શકે એવા રસ્તા છે. વિસ્તારની મહિલાઓમાં ખુબજ આક્રોશ જોવા મળ્યો.. 

અમદાવાદના લાંભા વોર્ડમાંથી તો ઉમેદવારને રીતસર ભાગવું પડ્યું.. પૂર્વ કાઉન્સિલર કાળુભાઇ ભરવાડને લોકોએ ઘેરી લીઘા..સ્થાનિકોએ પાણી મુદે કાળુભાઇ ભરવડનો ઉધડો લીધો..કાળુભાઈએ અપક્ષમાંથી ઉમેદવારી નોંધાવી છે. કાળુભાઈ તેમના સમર્થકો સાથે આવ્યા હતા. તેમના સમર્થકો પણ ઉભી પૂંછડીએ ભાગ્યા.. 

અમદાવાદના ઈન્ડિયા કોલોની વોર્ડમાં ભાજપ ઉમેદવારો બન્યા જનતાના રોષનો ભોગ.. ભાજપ ઉમેદવાર ઘનશ્યામ બારોટ, પંકજ પટેલ અને ભાજપ કાર્યકર્તાઓ પ્રચાર કરવા માટે પહોંચ્યા હતા.. ત્યારે જ અનિલ સ્ટાર્ચ મીલ વિસ્તારના સ્થાનિકોએ પ્રાથમિક સુવિધા ન મળતી હોવાના આરોપ સાથે જોરદાર વિરોધ કર્યો.. ગરીબ વિસ્તારના કામ ન થતા હોવાનો આરોપ લગાવી સ્થાનિકોએ ભાજપના નેતાઓ અને કાર્યકર્તાઓ વિરૂદ્ધ જ સૂત્રોચ્ચાર શરૂ કરી દીધો.. પ્રાથમિક સુવિધા ન મળતી હોવાનો આરોપ લગાવીને સ્થાનિકોએ વિરોધ કરતા ભાજપના ઉમેદવારને સ્થળ પરથી ચાલતી પકડવાનો વારો આવ્યો..

સુરત મહાનગર પાલિકાના વોર્ડ 03માં પ્રચાર કરવા ગયેલા ભાજપના ઉમેદવારનો સ્થાનિકોએ વિરોધ કર્યો.. પહેલાતો ઉમેદવારનું હાર પહેરાવી સ્વાગત કર્યું અને પછી સવાલોનો મારો ચલાવ્યો.. પાંચ વર્ષમાં વિસ્તાર માટે શું કામો કર્યા તેને લઈને લોકોએ સવાલો કર્યા.. સ્થાનિક મહિલાઓએ પણ વિરોધ નોંધાવ્યો.. છેવટે અલ્પેશ કથિરિયાએ બધાને શાંત પાડ્યા..