Gujarat Weather : ગુજરાતમાં અહીં વીજળીના કડાકા સાથે વરસાદની આગાહી

Gujarat Weather : ગુજરાતમાં અહીં વીજળીના કડાકા સાથે વરસાદની આગાહી

કચ્છ,બનાસકાંઠા,પાટણમાં આજે માવઠાની આગાહી. વીજળીના કડાકા સાથે વરસાદની હવામાન વિભાગની આગાહી. વેસ્ટર્ન ડિસ્ટર્બન્સના કારણે માવઠું પડવાની આગાહી. 24 કલાક બાદ બે દિવસ સુધી વધશે ઠંડીનું જોર. માછીમારોને દરિયો ન ખેડવા હવામાન વિભાગની સૂચના.

કાતિલ ઠંડીનું જોર વધશે

હવામાન વિભાગની આગાહી અનુસાર, આગામી 24 કલાક બાદ બે દિવસ ઠંડીનું જોર વધશે.  અમદાવાદમાં 16.8 ડિગ્રી તાપમાન નોંધાયું છે.  નલિયામાં સૌથી નીચું 10.4 ડિગ્રી તાપમાન નોંધાયું છે.  ગાંધીનગરમાં 16 ડિગ્રી તાપમાન નોંધાયું છે.  હવામાન વિભાગ મુજબ આગામી બે દિવસ રાજ્યમાં ઠંડીનું જોર વધતું જોવા મળશે. રાજ્યમાં 3 ડિગ્રી સુધી તાપમાનમાં ઘટાડો થવાથી ઠંડી વધી શકે છે.  આજે 22 જાન્યુઆરી  નલિયામાં 10.4 ડિગ્રી લઘુતમ તાપમાન નોંધાયું છે. 

માછીમારોને આગામી બે દિવસ દરિયો ન ખેડવા સૂચના

હવામાન વિભાગે માછીમારોને આગામી બે દિવસ દરિયો ન ખેડવા સૂચના આપી છે.  હવામાન વિભાગના ડાયરેક્ટર એ. કે. દાસના જણાવ્યા મુજબ રાજ્યના ત્રણ જિલ્લાઓમાં વરસાદની શક્યતા છે. 

વેસ્ટર્ન ડિસ્ટર્બન્સ સક્રિય થવાની આગાહી

આગામી દિવસોમાં દેશમાં એક પછી એક એમ કુલ 3 વેસ્ટર્ન ડિસ્ટર્બન્સ (Western Disturbance) સક્રિય થવાની ભીતિ સેવાઈ રહી છે. જેની સીધી અસર ગુજરાતના વાતાવરણ પર પડી શકે છે. ખાસ કરીને 22  જાન્યુઆરી બાદ વાતાવરણમાં પલટો આવવાની શક્યતા છે, જેને પગલે ઉત્તર ગુજરાત, કચ્છ અને સૌરાષ્ટ્રના કેટલાક વિસ્તારોમાં સામાન્ય કમોસમી વરસાદ (Unseasonal Rain) અથવા માવઠું થવાના સંકેત મળી રહ્યા છે.