US Visa Fraud Case : USની નાગરિકતા માટે લૂંટનું નાટક રચનાર 11 ગુજરાતીની ધરપકડ
અમેરિકાની નાગરિકતા મેળવવા લૂંટનું તરકટ રચનાર 11 ગુજરાતી FBIના સકંજામાં આવ્યા..આરોપીઓએ 'U વિઝા' અને ગ્રીન કાર્ડ મેળવવા માટે રેસ્ટોરન્ટ્સ અને સ્ટોર્સમાં નકલી લૂંટનું નાટક રચ્યું હતું.અમેરિકામાં 'U વિઝા' એવા લોકોને આપવામાં આવે છે જેઓ કોઈ ગંભીર ગુનાનો શિકાર બન્યા હોય અને પોલીસને તપાસમાં મદદ કરતા હોય..વિઝા મળવાથી વર્ક પરમિટ અને 5થી 10 વર્ષમાં ગ્રીન કાર્ડ મળવાનો રસ્તો પણ આપોઆપ ખૂલી જતો હોય છે. આરોપીઓએ આ કાયદાનો દુરુપયોગ કરવા સ્ટોર માલિકો સાથે મળીને નકલી લૂંટનું ષડયંત્ર રચતા. લૂંટારુ નકલી હથિયાર સાથે સ્ટોરમાં ઘૂસીને કેશ લૂંટીને ભાગી જતા, જે સ્ટોરના CCTVમાં કેદ થતું. આ ઘટના બાદ સ્ટોરના કર્મચારીઓ પોલીસને લૂંટ અંગે જાણ કરતાં અને પોતે 'ભોગ બન્યા' હોવાનું દર્શાવતા. ત્યાર બાદ વિઝા માટે અરજી કરતા. અમેરિકન જસ્ટિસ ડિપાર્ટમેન્ટે જાહેર કરેલી યાદી મુજબ, આરોપીઓમાં જિતેન્દ્રકુમાર પટેલ, મહેશકુમાર પટેલ, સંજયકુમાર પટેલ, દીપિકાબહેન પટેલ, રમેશભાઈ પટેલ, અમિતાબહેન પટેલ, રોનકકુમાર પટેલ, સંગીતાબહેન પટેલ, મિનકેશ પટેલ, સોનલ પટેલ અને મિતુલ પટેલનો સમાવેશ થાય છે.તમામ લોકો અમેરિકામાં ગેરકાયદેસર રીતે રહેતા હતા, જેમાંથી દીપિકાબહેન પટેલને ભારત ડિપોર્ટ કરી દેવામાં આવ્યા. જ્યારે અન્યની ધરપકડ કરી કોર્ટમાં રજૂ કરવામાં આવ્યા. જો, આરોપમાં દોષિત ઠરશ તો તેમને 5 વર્ષ સુધીની જેલની સજા થઈ શકે છે અને 2 કરોડ રૂપિયાથી વધુનો દંડ ફટકારવામાં આવી શકે.
ટોપ સ્ટોરી
ટ્રેન્ડિંગ સમાચાર
