Junagadh | જૂનાગઢમાં ચાર વર્ષના બાળક પર દીપડાનો હુમલો, બાળકને સારવાર માટે ખસેડાયો

જૂનાગઢ જિલ્લાના આણંદપુર ગામે એક ચાર વર્ષના માસૂમ બાળક પર દીપડાએ હુમલો કર્યો. ખેત મજૂરી કરતા શ્રમિક પરિવારના સભ્યો રાત્રિના સમયે ખેતરમાં સૂતા હતા, ત્યારે અચાનક દીપડો આવી ચડ્યો અને માતા-પિતાની પડખે સૂતેલા બાળકને નિશાન બનાવ્યું. દીપડાએ માથા અને મોઢાના ભાગે ગંભીર ઈજાઓ પહોંચાડતા બાળકને તાત્કાલિક જૂનાગઢ સિવિલ હોસ્પિટલ ખાતે સારવાર અર્થે ખસેડવામાં આવ્યું.  ઘટનાને પગલે આસપાસના ગ્રામ્ય વિસ્તારોમાં ભારે ફફડાટ અને ભયનો માહોલ જોવા મળી રહ્યો છે. પ્રાથમિક વિગતો મુજબ ખેત મજૂરી કરીને જીવન ગુજારતો પરિવાર રાત્રિના સમયે ખેતરમાં આરામ કરી રહ્યો હતો. તે દરમિયાન અચાનક દીપડો ત્યાં આવી ચડ્યો અને માતા-પિતા પાસે સૂતા બાળક પર હુમલો કર્યો. હુમલો એટલો ભયાનક હતો કે, બાળકના માથા અને મોઢાના ભાગે ગંભીર ઈજાઓ પહોંચી હતી.