Ambalal Patel Prediction : મે મહિનામાં પ્રિ-મોનસૂન એક્ટિવિટીનો પડશે વરસાદ

Ambalal Patel Prediction : મે મહિનામાં પ્રિ-મોનસૂન એક્ટિવિટીનો પડશે વરસાદ

એપ્રિલના અંતમાં આકાશમાંથી વરસતી અગનવર્ષાથી રાજ્ય અગનભઠ્ઠીમાં ફેરવાયુ. અને હજુ પણ આગામી દિવસોમાં તાપનું ટોર્ચર વધવાની હવામાન વિભાગે આગાહી કરી છે. ઉત્તર-પશ્ચિમ દિશામાંથી પવન ફુંકાતા રાજ્યમાં ગરમી વધવાનું હવામાન વિભાગનું પૂર્વાનુમાન છે. આગામી દિવસોમાં તાપમાનનો પારો બેથી ત્રણ ડિગ્રી વધી શકે છે. છેલ્લા 24 કલાકમાં નોંધાયેલા ગરમીના આંકડાની વાત કરીએ તો 11 શહેરોમાં તાપમાનનો પારો 40 ડિગ્રીને પાર પહોંચ્યો છે. જેમાં સૌથી ઉંચુ 43.3 ડિગ્રી તાપમાન અમરેલીમાં નોંધાયું. તો રાજકોટમાં 43.1 ડિગ્રી અને સુરેન્દ્રનગરમાં 43 ડિગ્રી તાપમાન નોંધાયું. અમદાવાદમાં તાપમાનનો પારો 42.1 ડિગ્રી પર પહોંચ્યો. તો કેશોદમાં 42 ડિગ્રી, ગાંધીનગર અને વડોદરામાં 41.5 ડિગ્રી તાપમાન નોંધાયું. ભૂજમાં 41.4 ડિગ્રી, ડીસામાં 40.3 ડિગ્રી તાપમાન નોંધાયું. તો વલ્લભવિદ્યાનગરમાં 40.9 ડિગ્રી અને સુરતમાં 40 ડિગ્રી તાપમાન નોંધાયું. હવામાન વિભાગ મુજબ આજે અમદાવાદમાં યલો એલર્ટ અને આવતીકાલે એટલે કે સ્થાનિક સ્વરાજ્યની ચૂંટણીના મતદાનના દિવસે ઓરેન્જ એલર્ટ જાહેર કરાયું. અમદાવાદમાં કાલે તાપમાનનો પારો 44 ડિગ્રી સુધી પહોંચવાની હવામાન વિભાગની આગાહી છે. તો રાજ્યભરમાં તાપમાન 41થી 44 ડિગ્રી વચ્ચે રહેવાની આગાહી કરાઈ છે.