Gujarat Rain Data: આજના દિવસમાં 108 તાલુકામાં વરસાદ, ક્યાં ખાબક્યો સૌથી વધુ?

ગુજરાતમાં વરસાદી માહોલ જામ્યો છે અને મેઘરાજાએ એક પછી એક વિસ્તારોમાં તોફાની બેટિંગ શરૂ કરી દીધી છે. પ્રથમ રાઉન્ડમાં જ સૌરાષ્ટ્ર, ઉત્તર ગુજરાત બાદ હવે દક્ષિણ ગુજરાતમાં વરસાદે કહેર વરસ્યો છે. આજના દિવસમાં રાજ્યના 108 તાલુકાઓમાં વરસાદ વરસ્યો છે. આજે આઠ તાલુકાઓમાં 2 થી 4 ઇંચ સુધીનો વરસાદ વરસ્યો. વલસાડના ધરમપુરમાં સૌથી વધુ 4.13 ઇંચ વરસાદ ખાબક્યો છે. તો આજે પારડીમાં 3.5 ઇંચ વરસાદ વરસ્યો, ભેસાણમાં 3.5 ઇંચ વરસાદ વરસ્યો છે, તો ખેરગામમાં અઢી ઇંચ વરસાદ નોંધાયો છે. વ્યારામાં 2.28 ઇંચ, જ્યારે જૂનાગઢમાં 2.9 ઇંચ વરસાદ વરસ્યો. જૂનાગઢ શહેરમાં પણ 2.9 ઇંચ વરસાદ વરસ્યો છે. તો વડિયામાં 1.27 ઇંચ, વંથલીમાં 1.73 ઇંચ, તો સોનગઢમાં પણ 1.73 ઇંચ વરસાદ નોંધાયો છે. મહુવામાં 1.54 ઇંચ વરસાદ, આજે વલસાડમાં 1.42 ઇંચ, જ્યારે પલસાણામાં 1.38 ઇંચ વરસાદ વરસ્યો છે. તો વાલોડમાં 1.38 ઇંચ, વઘઈમાં પણ 1.38 ઇંચ વરસાદ ખાબક્યો છે. નવસારીમાં 1.26 ઇંચ, જ્યારે વાંસદામાં 1.22 ઇંચ વરસાદ સવારથી અત્યાર સુધીમાં નોંધાયો છે. બારડોલીમાં 1.18 ઇંચ, વાપીમાં 1 ઇંચ વરસાદ, કામરેજમાં 1.6 ઇંચ, ડોલવણમાં 1 ઇંચ વરસાદ અને સુબીર, અમરેલીમાં એક ઇંચ વરસાદ, ડાંગ, ચીખલી, માણાવદરમાં અડધો ઇંચ વરસાદ નોંધાયો છે.