Harsh Sanghavi : DYCM હર્ષ સંઘવીનો સામે આવ્યો અદ્દલ સુરતી અંદાજ

Harsh Sanghavi : DYCM  હર્ષ સંઘવીનો સામે આવ્યો અદ્દલ સુરતી અંદાજ

પોતાને સુરતના મજૂરાનો દીકરો ગણાવનાર રાજ્યના નાયબ મુખ્યમંત્રી હર્ષ સંઘવી ગઈકાલે અસલ સુરતી અંદાજમાં જોવા મળ્યા. સાઉથ ગુજરાત ચેમ્બર ઓફ કોમર્સના નવ નિયુક્ત પદાધિકારીઓના પદગ્રહણ કાર્યકર્મમાં સંઘવીના નિવેદનો હાજર તમામ માટે આશ્ચર્યજનક રહ્યાં. અગાઉ આંદોલનો કરી વાયા કોંગ્રેસમાંથી ભાજપમાં જોડાયેલા અને હવે ચેમ્બરના પ્રમુખ બનેલા અશોક જીરાવાલાની હર્ષ સંઘવીએ પ્રશંસા કરી કે પછી રોકડૂ પરખાવ્યુ તે સમજવું ત્યાં હાજર લોકો માટે મુશ્કેલ બન્યુ. જીરાવાલાને હર્ષ સંઘવીએ પરોક્ષરીતે આંદોલનકારી ગણાવ્યા, એટલુ જ નહીં, એમ પણ કહ્યુ કે, ચેમ્બરના નવા અધ્યક્ષ વેપારી હોવાની સાથોસાથ નેતા અને અભિનેતા પણ છે. સાથે જ ઔધોગોને અન્યાય થાય તો સરકારની વાહવાહી કરવાના બદલે બુલંદ અવાજ ઉઠાવવા પણ આહ્વાન કર્યુ.