BJP MLA Yogesh Patel passes away : વડોદરા ભાજપના ધારાસભ્ય યોગેશ પટેલનું નિધન

 'યોગેશ કાકા' તરીકે જાણીતા સ્પષ્ટ વક્તા, 8 ટર્મના ધારાસભ્ય અને સત્યના પ્રહરીએ સ્ટર્લિંગ હોસ્પિટલમાં લીધા અંતિમ શ્વાસ.

વડોદરાની માંજલપુર બેઠકના ભાજપના વરિષ્ઠ ધારાસભ્ય યોગેશ પટેલનું 79 વર્ષની વયે દુઃખદ નિધન થયું. તેઓ લાંબા સમયથી હૃદય અને સ્વાસ્થ્ય સંબંધિત બીમારીઓથી પીડાતા હતા અને વડોદરાની સ્ટર્લિંગ હોસ્પિટલમાં સારવાર હેઠળ હતા, જ્યાં તેમણે અંતિમ શ્વાસ લીધા. 

ગુજરાત વિધાનસભાના સૌથી સિનિયર ધારાસભ્ય અને 'યોગેશ કાકા' તરીકે લોકપ્રિય નેતાએ સતત 8 ટર્મ સુધી ધારાસભ્ય તરીકે જનતાની સેવા કરી. તેઓ ભૂતકાળમાં રાવપુરા બેઠક પરથી 5 વખત અને માંજલપુર બેઠક પરથી 3 વખત ચૂંટાયા હતા તેમજ વિજય રૂપાણી સરકારમાં મંત્રી પણ રહી ચૂક્યા હતા. તેમના નિધનના પગલે મુખ્યમંત્રી ભૂપેન્દ્ર પટેલે ઊંડો શોક વ્યક્ત કર્યો.. યોગેશ કાકાના નિધનથી ગુજરાતના રાજકારણમાં એક મજબૂત તેમજ સ્પષ્ટવક્તા નેતાની ખોટ પડી..