Shehbaz Sharif: 'ભારત પાણીનું એક ટીપું પણ છીનવી શકતું નથી...', અસીમ મુનીર બાદ પાકિસ્તાનના PM શહબાઝ શરીફે આપી ધમકી

સિંધુ જળ સંધિને અસ્થાયી રૂપે સ્થગિત કરવામાં આવી ત્યારથી પાકિસ્તાન પાણી માટે તડપી રહ્યું છે. પાકિસ્તાનની હતાશા હવે ખુલ્લી રીતે બહાર આવી રહી છે. ભૂતપૂર્વ વિદેશ પ્રધાન બિલાવલ ભુટ્ટો ઝરદારી અને પાકિસ્તાની સેના પ્રમુખ જનરલ અસીમ મુનીર પછી હવે પાકિસ્તાનના વડાપ્રધાન શાહબાઝ શરીફે પણ પાણી અંગે ભારતને ધમકી આપી છે. તેમણે કહ્યું કે ભારત પાકિસ્તાનના હકનું પાણીનું એક ટીપું પણ છીનવી શકશે નહીં.

બીજી તરફ, ભારતે ચિનાબ નદી પર રાષ્ટ્રીય જળ વિદ્યુત પ્રોજેક્ટ શરૂ કર્યો છે. આ પ્રોજેક્ટ જમ્મુ અને કાશ્મીરના સિંધુ ગામ પાસે બનવાનો છે અને તેના માટે ટેન્ડર પ્રક્રિયા શરૂ થઈ ગઈ છે. પાકિસ્તાનને ડર છે કે ભારતના આ પગલાને કારણે ભારત તેનું પાણી બંધ કરી દેશે. આ ડરને કારણે પાકિસ્તાને પરમાણુ બોમ્બની ધમકીઓ આપવાનું શરૂ કરી દીધું છે.