ટ્રમ્પ સાથે સેક્સ સંબંધને લઈ પોર્ન સ્ટારે કર્યો નવો ખુલાસો, જાણો વિગતે

2016માં થયેલી અમેરિકન રાષ્ટ્રપતિ ચૂંટણીના થોડા દિવસો પહેલા જ ડેનિયલ્સે ટ્રમ્પના વકીલ સાથે એક કરાર કર્યો હતો. જે મુજબ તેણે ટ્રમ્પ સાથે સંબંધો પર મોં બંધ રાખવાનું હતું અને તેના બદલામાં સ્ટોમીને 1 લાખ 30 હજાર ડોલર આપવામાં આવ્યા હતા.

ડેનિયલ્સે આ પહેલા પણ ટ્રમ્પ પર આરોપ લગાવ્યા હતા. એક ટીવી કાર્યક્રમમાં સ્ટોર્મીએ કહ્યું હતું કે ટ્રમ્પ સાથે સંબંધો પર મોં બંધ રાખવા માટે તેને ધમકી આપવામાં આવી હતી. એક શોમાં તેણે કહ્યું કે, એક વ્યક્તિ અચાનક મારી સામે આવ્યો અને કહ્યું ટ્રમ્પને એકલો છોડી દે. સમગ્ર કહાની ભૂલી જાવ. તે વ્યક્તિને હું જાણતી પણ નહોતી. તેણે મારી દકરી સામે જોયું અને કહ્યું કેટલી પ્યારી બાળકી છે. જો તેની માતા સાથે કંઈ થશે તો શરમની વાત કહેવાશે.